2PETRO 2:21 - Bibilia Kui Mdedie fo Kimochi

²¹ Kyamba kyawo kiwechia kima walawemanya njia yo ya wusumhanyinyi, kota hando wameimanya wakaikumba mhongo wakaleha iwawaso lilya yele waleliambia.

2PETRO 2:21 ပူးပေါင်းရင်းမြစ်များ

SHIIMBO SHA DAWIDI 125:5

Indi walya wahalukie njienyi tsawo tsidekie, Mndumii nechiwawutaho handu hamu na wewuta mawicho. Ofoṟo lukae na Israeli.

SHIIMBO SHA DAWIDI 85:8

Njiadanyia chando Mndumii-Ruwa aihamba, kyamba naiwia wandu wake ofoṟo. Ee-da na waheṟemtsu wake daa, indi walawuuye se wutondo.

MFANANO 12:28

Kiidi kya njia tsa lohi kuwode moo; Ma kuwode opfu ohendonyi loke pfo.

MFANANO 16:31

Mdo fo mhasa nyi oṟo ya kiṟumi, Kokoya fowono kiidi kya wusumhanyi.

EZEKIELI 18:24

“Kyaindi ili mandi mndu o wusumuhanyi echihenda ida iwuta sha wusumuhanyi, kahenda iwuta mawuto mawicho hafananyi na walya wawuta mawicho, ngesa nechihenda ikaa na moo?” Ote! Kyamba mecha halya hose awewutie hechihenda ihadimo. Kyaindi kipfa kya mawuto ho mawicho halai ha wusumuhanyi ahenda iwuta nechihenda ipfa.

EZEKIELI 23:13

Kipfa kyaikyo ngammbona ke nyi awefanyi ngafu. Wose wawawi wawefananyi.

EZEKIELI 3:20

Indi mndu awekewuta sha wuhoṟotsu kawoka iwuta wunyamaṟi na inyi ngamtalia wudeko, kokoya iyo ulamwikimbe nyi echipfa; ma shilya sha wuhoṟotsu awewutie njechishikumbuo sepfo. Kyaindi samu yake njechiiwesa mawokonyi hapfo.

EZEKIELI 33:13

Ambuya inyi njiwika kyasa ke mndu o wusumuhanyi nechikaa na moo, kyaindi kokoya akusiria wusumuhanyi wo woke kawookase iwuta wunyamaṟi, ambuya mawuto halya hake mecha awewutie kuwoka nyi hechihenda ihadimo; nao napfe kiidi kya wunyamaṟi wo woke.

SEFANIA 1:6

na iwo wawewuuye numa walakioshe Mndumii, na iwo walakeshiha Mndumii, manya iwesa kyake.

MATAYO 21:32

Nyi kipfa Yohane alecha na konu kui njia ya wusumuhanyi nanyo ma mlamidikye, wesana okamba nyiwo welemidikya ili numa na waka wameluki. Nanyo mkakiwona ma mladumbuye lyandi mulelemidikya.’”

LUKA 12:47

Na msoṟo aichi shindo mndumii oke akundi, nalateseheṟe, ma nalawute kisumhanyi chando mndumii oke akundi, o nyi echikapo maṟiinga hafoi.

YOHANE 15:22

Kima njilawemche na ideda nawo wawehoyo owingo lo wuyamaṟipfo. Indi wulalu wakuwonya mweeke fokuwuta owingo lu lowopfo.

YOHANE 9:41

Yesu kawawia, “Kima mbei wapfu meso muwewa wanyamaṟipfo. Kya indi wulalu momhamba, ‘So nyi lui waamburu,’ na ikyo kyaloṟa mui wanyamaṟi.”

WAROMA 7:12

Kyasiang'u wuwawaso nyi wui wulele na isho wushiwawasye shii shiele shirie wuhoṟotsu na wucha.

WAGALATIA 6:2

Mudaṟane mhanda muwenyi na wenyi. Mukawuta mudo nyi mowika-ho kilya Kristo aluwawasye.

1WATESALONYIKYE 4:2

Nanyo muichi mawawaso lulemwenenga na mweke fo Mndumii Yesu nyi maki.

1TIMOTEO 6:14

Ke uwade iwawaso lilya lilawode paṟi lilawa idedyo hando itane mndumii odu Yesu Kristo echiwoneka.

WAEBRANIA 10:26

Kyamba kokoya so ili lomma ipfunguyo kilya kii lohi lokedekyo hando luwonyi kochitsuhase kidaso kingi kyewuta-ho wunyamaṟipfo.

YAKOBO 4:17

Kyasia mndu kamanya kilya kii kicha kyewuta nao ada aleekiwuta, nakyo kyechimbiia wunyamaṟi.

2PETRO 3:2

Muwe mochikumbuo madedo halya halehambo nyi waikimbi walya waele na iwawaso lilya lya Ndumi Mkiṟi lii-yende nyi wasu walya wanu.

YUDA 1:3

Wanawawama ilindi njiwewode m macha hemṟehya kya okiio-lu luwode kimu, nanyo, wuitiki wukanhoya njimṟehye njiechimwikimba ke muwe mochikapanya wuidiki-wu Ruwa alewudambikia wake wose ili lyimu.