2PETRO 2:14 - Bibilia Kui Mdedie fo Kimochi

¹⁴ Meso hawo haichuo wuṟuhui, walaida wunyamaṟi. Wekyetuusa mrima ya wafafa ilai-mdamiṟe. Mrima yawo iichwo lango tsa masaa, wai wana wa oseso lo Ruwa.

2PETRO 2:14 ပူးပေါင်းရင်းမြစ်များ

YOBU 31:7

Ke ndifo tsako tsahenda kihadi tsikada njia, na mrima foko fukalembo nyi meso hako ngoseṟa kipaṟi kyose kiwadanyi na mawoko hako.

YOBU 31:9

Kokoya mrima foko fulelembo nyi mndu mka na inyi ngalaaya mongonyi ko wamṟasa oko.

MFANANO 5:6

Ma alaidime iwona njia isumuhanyi ya moo; Ohendo loke loṟuha manya aichi pfo

MFANANO 6:25

Ulalange wucha woke mrimenyi fopfo, Ma kulaidikie nakuwade na mbawa tsa meso hake.

YESAYA 1:16

Kusanjenyi, kuilishenyi; kuatuonyi wuwicho wo mawuto hanu, wukae kuleshe nanyo; lehanenyi na mawicho;

YESAYA 34:5

Kipfa oshu loko lunyooe na ihuda ruwehu; ambuya lochisokia Edomu, na huye ya wandu wa oseso loko, kundu waanduyo.

YESAYA 65:20

Kokoya kuwode wana chi wa mfiri njiangu-pfo, ma kochiwono mmeku o maka njiangu pfo. Kipfa mana nechipfa amaie maka ihana; kyaindi mnyamaṟi amaie maka ihana nechiseso.

YEREMIA 13:23

Ale, Mkushi naidima iilacha fana ya mbihu foke, ang'u rumu matoṟetoṟe halyo? Kokoya echiidima, manya nyo mochiidima iwuta mecha, nyo muichiwie iwuta mawicho.

EZEKIELI 13:18

Wawie Mndumii-Ruwa nyi ahamba adi kyanu; ochia nyi lonu nyo waka muṟee mbingu mawokonyi hanu na shidami sha usawi mdonyi yanu, kundu muwade pfinya huya ya moo ya wandu wako muwade pfinya ya opfu na moo huya ya wandu wako kundu musuṟie nyo muwenyi.

MATAYO 12:34

Nyo mui malea ha njoka, mumanye ideda kindo kicha, mui wawicho? Kifa ikyo kiichuo mrimenyi na dumbu lyo nakyo lyechihamba.

MATAYO 23:14

Ochia na lonu nyo walosha wa mawawaso na Wafarisayo mui makulembetseṟe. Nyii ilindi mokelya mba tsa waka wakusu mkamaa naho mukalembetseṟa-ho na madedo hafoi heterewa. Kyamekaa kido nanyo mukae muwone owingo luumu-umu.]

MATAYO 25:41

“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake.

MATAYO 5:28

Indi inyi nyi ngambia, ‘Orio mundu oose echiambuya mndu mka womlanga, nyi ama iruhuya nao mrimenyi.’

MARIKO 13:22

Kipfa kochikure-pfo Wakristo wa wongo na waikimbi wa wongo na iwuta mawuto ha kiṟingishyo na ha kiṟiha, kundu watewe na walya Ruwa awasamburie, nokoe nyi kiwechiwa.

YOHANE 5:44

Nyi wuda moidima iidikya nyo ili mokeringa kiṟumi mukeri muiwikyana muwenyi na wenyi, na kiṟumi kilya kicheye ko Ruwa amonyi mulaikiwalya?

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.

1 WAKORINTO 11:19

Kyamba nyi kuwaṟi iwoneka maletsano ifo konyu kundu walya waidima ikusiryo wamanyike na pata ipfo hamu kulaidimika kekulia kilayo kya Mndumii.

WAEFESO 2:3

Natso loose luwei chawo luweichumia lui na lango tsa nyama tsadu lochikupaya na wuitiki wo nyama na wo mahio, naso luwei wandu wapfulutsye nyashi kui mbaṟi cha walya wengi.

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

WAKOLOSE 2:18

Manya mndu oose nalamuwonyie mti echikundya wutindili na wuindi wo mbaṟi ya wasu wa ruwehu aikushela kya shilya amewona echikutimbisha kui mhie ya nyama tsake alawode mweke Mndu o mbari ii amtondoshe nyi wulembi wo wuyanawu.

YAKOBO 1:8

Ai mndu o mrima iwi awa motangatanga njiehu tsake tsose.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

2PETRO 2:3

Ili wawodo nyi wuehi wechikapa nanyo mbucha kui sumu tsawo tsa wongo. Indi kui kiheri kileshe Moanduya owo nakuṟeheṟie, na Morumatsa owo nawonyi.

2PETRO 3:16

Isho nyisho aideda baṟuonyi tsake tsose ili ashike ipaaya-ho isho. Ipfo kiidi kyatso kwipfo shindo, maata shi shiumu imanyika owinyi. Nyisho wandu wai matondo, walai wapfunde walai wawanze wekeshipfuluopfuluo chando wekyepfuluo Madedo hengi Maele, na mṟehie ingi wakakuwutya-ho ihenda ikudetsa wawenyi.

1YOHANE 2:16

Kyamba ishi shose shii sha wuyana shikeri shidi, nyi lango tsa nyamenyi na lango tsa meso na useṟeṟi wo moo. Nasho shiwukye ipfo ko Wandepfo, indi nyi ipfo wuyana.

YUDA 1:11

Ochia lowo! Wandu wamhenda njia ya Kain wakaeko nyi wulembi wo weri wo Bileamu wakawerumara wai walemi cha Kora.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.