2PETRO 2:10 - Bibilia Kui Mdedie fo Kimochi

¹⁰ Ngoseṟa mnu nyi walya wewingya seko tsa mbihu wawodo nyi wulangi wuterefutsie wakapiṟa wunene. Wo wandu waami, wakahakaha walaowuo iruma waapfinya wa ipfo huye na iwaisalucha.

2PETRO 2:10 ပူးပေါင်းရင်းမြစ်များ

MAWOOKIONYI 49:6

Mrima foko, kulaide na kiidi kya kiṟike kyawo, Wulole woko, kulakulunge na kisanzio kyawo, Kyamba kiidi kya tuuke yawo walewaha mndu, Na kui orikiki lowo waledumbuo mri fo mmbe;

2SAMWELI 20:1

Kyasia, kukawa pfo mndu umu o mtoolo elaho Sheba mana o Bikri, Mbenyamini, Sheba kakapa ombe na iwia wandu, “Luwode kyoṟa kyose ko Dawidi pfo. Wandu wa Israeli njonyi lukure iya orio mndu nahende kanyi koke. Dawidi mana o Yese chi mangi yadupfo!”

1WAMANGI 12:16

Kyasia Wasraeli wekiwona ke Mangi awaadanyia pfo, wandu wo wakahaluo Mangi wechihamba, “Luwode ohawi lui kiidi kya Dawidi! Ma luwode kyoṟa kiidi kya mana o Yese-pfo. Kyasia hendenyi mahemenyi hanu, lanye Israeli, wulalu ringa mba yapfo kumonyi iyo Dawidi.” Nalyo Israeli wakahenda mahemenyi hawo.

SHIIMBO SHA DAWIDI 12:4

Walya wahambie, Lochiwinga kui njolimi tsadu, Madumbu hadu nyi hadu luwenyi, Nyiu ai mndumii huyadu?

IWUKA 22:28

Kuladede Ruwa owicho, manya kulasese mnene o wandu wapfo.

KOHELETI 10:20

Makulasese mangi, ma kiidi kya mahiyo hapfo Ma kulasese wasuṟi kiṟihenyi kyapfo Kipfa ndehe ya ruwehu yechiduo ṟu Na ulya ekerunduka nechihamba.

YEREMIA 2:31

Lanye kishari keambuyenyi idedo lya Mndumii. Ale, nyi ngawa nuka ya msanga ko Israeli Ang'u oruka kuwode meema riti Nkili wandu wako wahamba, so lulekusheṟuo lukundi icha na kopfo-pfo.

MAITALA 15:30

“Kyaindi mndu oose echiwuta deko akusirie, nawe nyi menyi kanyi ang'u mhenu, nechiwa naruma Mndumii-Ruwa, na kimbaṟi nawoho.

LUKA 11:25

Fushika-ho, fukakooya injiahie na ishelo ikaweshelo.

LUKA 19:14

Na wandu wa kulya mṟinyi nyi wawemsuo, wakaduma wasu ipfo numa yake wambie, ‘Lukaundi ichu naluitoṟie-sopfo.’

MAWUTO HA WASU 23:5

Paulo kahamba, “Ngamanya ke o nyi mkohanyi ang'anyipfo, wanawawama. Kyamba nyi kii kiṟehye, Ma kuladedye mnene o mkambo fopfo shiwicho.”

WAROMA 8:1

Kyasia ili kii kido wulalu kwiho oseso lohoya walya wai Kristo-hu Yesu-pfo.

1 WAKORINTO 6:9

A mulaichi ke wewuta sha wukika nyi walechioṟa wumangi wo Ruwa? Ma mulakulembe. Makiṟuhuya na mkiṟuhuyo wechioṟa wumangi wo Ruwapfo, manya weindya maruwa ha wongo; manya wetahachia wali, manya wesutsa wukika ang'u wumi.

2 WAKORINTO 10:3

Kyamba ichumia luichumia na mbihu indi lulakapana shida ya mbaṟi ya mbihu.

WAEFESO 4:19

Nawo ili wai ngarama wamekudambikya wulalenyi wo iwuta orio kindo kya ngafu kyose sanza na wuehi.

WAEFESO 5:5

Nakyo nyikyo mukiichi mukamanya ke kwipfo mṟuhui oose ang'u o wulala ang'u mwehi nao moindya maruwa ha wongo awode kyoṟa ipfo wumanginyi wo Kristo na wo Ruwapfo.

WAKOLOSE 3:5

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

1WATESALONYIKYE 4:7

Kyamba Ruwa alelulahia ngafupfo kya indi kawelulaha kui wuilishi.

2TIMOTEO 3:2

Kyamba wandu wechikukunda wawenyii wai wa kiṟaṟi wakuwi wekuwa fesa, waṟahiṟahi, wai na tumbe, weruma Ruwa; wemiina wafee, wala fanyi, wai wambafu.

TITO 1:7

Kyamba moambuya siṟi kimbari nawe mndu mteechi akerye Ruwa cha mwiṟichi alawode tumbe, alai mlang'a ma makinango ma manzina ma mongula.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

2PETRO 3:3

Kisongoye shose manyenyi kiheri kyefurumia kochicha wandu wetaluo, mchumie yawo inchilie nyi lango tawo njiwicho. Kochicha-pfo wetaluo wai wapirisi wenyi-wupiṟi wechichumia waiwaṟaishe nyi lango tsawo wawenyi.

YUDA 1:10

Indi iwa wai wado wo wekeruwa shilya walashiichi; na shilya washimanya shiiwaamkya shii shimu na sha mando halai, na mbia kosho wakuwutya-ho ihenda inyamaṟika.

YUDA 1:16

Wandu wa wekyenunuwa kiheri kyose, na ipiṟa wandu wengi. Wechichumia waidikyanyi na lango tsawo njiwicho. Na dumbu lyawo lyekededa sha mtengelele wechikulopa mnu na wandu wengi kui oshangu kipfa kya mbucha, tsawo.

YUDA 1:18

Ili walembia. “Maheri hefuṟumya kochiwoneka wandu wechimupiṟa nyo; wechikuhendya wai-waitike nyi lango tsawo njiwicho tupu.”

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.

1SAMWELI 10:27

Kyaindi wandu wengi walaichi kindo wakahamba, “Ngesa mnduchu neidima iluashuo.” Walemina Sauli ma walemnenga kiinengo kyosepfo. Kyaindi o Sauli alesuopfo.