2PETRO 1:8 - Bibilia Kui Mdedie fo Kimochi

⁸ Kyamba kokoya ishi shikeri konu shechiengeṟeka, shechimwinenga muwe watanyii na iwonaho kiira kya imanya Mndumii odu Yesu Kristo.

2PETRO 1:8 ပူးပေါင်းရင်းမြစ်များ

MFANANO 19:15

Wudoko wokeinenga mndu mado malemeri; Ma moo foke fochiuṟa njaa pfo.

MATAYO 13:22

Na ichu a mbaaye kiidi kya msha nyio ichu echiadanya idedo-lyo. Kukakaa-pfo mawina ha kunu orukenyi na wulembi wolembo nyi masaa shikapfumba idedo-lyo lilakikumbye-se kilimu.

MATAYO 20:3

Kawuya kakure-se lingi kushikye kufui na saa ya kaṟaṟu. Kawona wengi wahoṟoki alya tumo walawode kindo wechiwuta.

MATAYO 20:6

Kushikye kufui na saa ikumi na imu kakure kanyi kawona wengi wahoṟoki-ho. Kawawia, “Nki ili motsinda muhoṟoki iya mlawode ma kindo mochiwuta?”

MATAYO 25:26

Na mndumii oke kamhaluo kambia, “Iyo ui isinga liwicho kowewa na mdoko ili uweichi njekesambuo handu njilawaye-ho ngawesana na handu njilakumbie ho mbeu.

YOHANE 15:2

Orio iṟamba lipaṟikye koko likada lilawika ndunda lyo alirawuyaho. Na ili lii-pfo lyose liwika ndunda lyo alitasana liengeṟe iwika ndunda.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 5:42

Kya indi nyo njimwichi ke ikunda lya Ruwa muliwode ipfo mrimenyi yanupfo.

WAROMA 12:11

Mulalehele ihidya siṟi, mwake-akye mrimenyi yanu mochisingya Mndumii.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 13:5

Kuheshenyi nyo muwenyi kokoya mukeri wuidiki-hu, muhendekekutichya muwenyi. Ang'u mulakuichyo muwenyi ke Yesu Kristo akukerye konu? Kilamewa ke mui-wallakia.

2 WAKORINTO 8:2

Cha kipfa msiha fowo fuwekuingikye fudi ipfo kundo wafoyo shihesho sha shiwira na wukiwa wowo mawowo shikafeṟa mfeṟa fulya fo wuleki wowo.

2 WAKORINTO 8:7

Na chando mukeri mdonyi kya shindo shose kiwe kya wuidiki kiwe kya wuongoyi kiwe kya wutichi kiwe kya wuidimi wucha wose kiwe kya wukundi wuwukye kodu shika konu, na wudo mukuwike mdonyi kya mwaano fo.

2 WAKORINTO 9:14

Na iterewa wechimterewya wamuwodyo m maacha kya wutonga wo Ruwa wumpfumbukye nyo.

WAFILIPI 1:9

Na kindo njiimterewya na iki tupu ke, kunda lyanu lihende ifeṟyo mwengeṟya fo wulaanyi fo orio mtambahaluye fose.

WAFILIPI 2:5

Muwe mokumbuo kimu na kilya kiwewode Kristo Yesu.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 2:7

Mukapie-ho mri kiidi kyake mui wailikie-ho na iwanzio wuidikinyi chando mulemlosho mochikusuṟa kiidi kyawo kui mwaano.

WAKOLOSE 3:16

Dedo lya Kristo likae ipfo konu na mfeṟa folyo fose, Muwe mochifundana na iikimbana wuṟango wose. Mochiimbya Ruwa ipfo ngoo tsanu shiimbo sheterewa na sheṟumisha na shiimbo shi shiamtse nyi Mumuyo shehamba wutonga wu.

1WATESALONYIKYE 3:12

Na Mndumii namwengeṟye kikunda kyekundana muwenyi na wenyi na ikunda wose nakifeṟe mnu kimu na kilya so lumkundi na kyo.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

2WATESALONYIKYE 1:3

Wanawawama, nyi kiluwaṟi iana Ruwa kiheri kyose kipfa kyanu. Na wudo kisumhanyi kipfa kya wuidiki wu wonu wong'ana mnu na kikunda kilya mukundanyi nakyo kikaingiki mnu kya orio mndu onu mose.

1TIMOTEO 5:13

Hamu na iki wakakuichiwiṟa idokuo na iṟahaṟaha nja tsa wandu. Indi chi wai wadoko tupupfo indi na wemelemele na wadimi-dimi wededadeda shilasumhanyi.

TITO 3:14

Na iwa wai wadu wakupfunde iwika-ho maṟunda mecha hewinya-ho shilya shilechiwa iwuṟo kundu walakae-ho wawake ikidi ilaikumbia.

FILEMONYI 1:6

Ngaterewa kundu mawadano ha wuidiki wopfo hawe hechiṟunda heitsa wuṟangonyi woimanya orio kicha kyose kii nanyo kyeṟundya Kristo.

WAEBRANIA 6:12

Kundu mulahombye kya indi mukuwaakishane na walya waoṟa shiteṟio shilya kui mwidikye na mkutirisie.

2PETRO 1:2

Wutonga na ofoṟo shimuwelukye welu kui imanya Ruwa na Mndumii odu Yesu.

2PETRO 1:3

Chando pfinya yake ya ki-Ruwa, Ruwa ammaa iluwonya shiende moo na wupfudi shose kui imanya ichu alelulaha na mweke fo wuitoṟi na wucha woke o amonyi.

2PETRO 2:20

Kyamba kokoya iwa waledicha ngafu tsa wuyana kui imanya Mndumii na Mkiṟi odu Yesu Kristo, na numa wakaidikia iwingo na ichilia nyi wechioṟowyo nyitso lingi kyawo kifurumi kyechiwichuo ngoseṟa kota kya kuwoka.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.