2PETRO 1:7 - Bibilia Kui Mdedie fo Kimochi

⁷ Na ipfo wupfudinyi muende-ho ikundana na wana wa wawama, na ipfo ikundanenyi na wanawawama muende-ho ikunda lilya ling'anyi.

2PETRO 1:7 ပူးပေါင်းရင်းမြစ်များ

WAROMA 12:10

Mkundana fonu fokundana fuwe fo wakanyi kamu, ngapano moira iwe yewikyana wuindi.

WAGALATIA 6:10

Kyasia ili luise na mwaanya luhende iwutya wandu wose kilya kii kicha, indi kilya kya mwengeṟya nyi lochiwutia walya wawadanyi na Kristo hamu naso.

WAKOLOSE 3:14

Indi mwengeṟia fo isho shose nyi kikunda, kipfa kikunda nkyo kilunga kya orio mbika ikawa imu itoṟikye.

1WATESALONYIKYE 3:12

Na Mndumii namwengeṟye kikunda kyekundana muwenyi na wenyi na ikunda wose nakifeṟe mnu kimu na kilya so lumkundi na kyo.

1WATESALONYIKYE 5:15

Muambuye-ho kundu na mndu nalawone echitaya ungi kiwicho alembutya na kiwicho kyake o aimbutya, indi mutambahanye kiheri kyose iwutiana kilya kii kicha, muwe mokiwutya na wengi wose.

WAEBRANIA 13:1

Kaenyi mochikundana na wanawawama.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 2:17

Wikyenyi wandu wose wuindi, mukunde wanawawama wa siṟi, muhende iindia na yowuo Ruwa, muindye mangi.

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1YOHANE 3:14

So luichi ke lomsama alya hai-haitoṟye nyi opfu, lomhenda kusamya haitoṟye m moo kyamba so lukundi wanawawama wadu. Mndu ada alawa mowakunda o akaa opfunyi.

1YOHANE 3:16

Hando lulekuwutya-ho imanya ikunda, nyi ili o Kristo alereka moo foke kimaduma kyaduso. Naso Kiluwaṟi lureke moo yadu hando ha wanawawama wadu.

1YOHANE 4:21

Nalyo nyi iwawaso luwode liwukye ko Kristo, Mokunda Ruwa nawekunda na manomae.