2PETRO 1:6 - Bibilia Kui Mdedie fo Kimochi

⁶ Na ipfo wulanyi muendeho ikutumhaṟa, na ipfo kikutumhaṟyonyi muendeho ikutirisia na ipfo kikutirisionyi muende-ho wu-pfundi.

2PETRO 1:6 ပူးပေါင်းရင်းမြစ်များ

MAWOOKIONYI 5:24

Enoki kahendelia Ruwa kiheri kyake kyose, nalawonose, kyamba nyi Ruwa alemduo.

SHIIMBO SHA DAWIDI 37:7

Tsia sau oshangunyi lo Mndumii; na iyo umbedie wotirisia. Ulasuuye ichu mowona osu njienyi tsake; ma mndu mowuta sha mtambo.

YESAYA 57:1

Mndu o wusumhanyi nekedeka, kuwode mowika isho mrimenyipfo, wandu wecha wekewutoho, kuwode mokusaṟa ke ichu awode wusumhanyi nawutoho nalakoyane na mawicho.

LUKA 21:19

Damiṟenyi mrima yanu kui ikutirisya.”

LUKA 8:15

Indi tsilya tsa terinyi njicha, nyi iwo wekeicho idedo lilya, wakaliwada na ngoo njilalutsu wakakumbia ndunda na itirisia.”

MAWUTO HA WASU 24:25

Kyasia ili ashika yongwo mbonyi tsa wuhoṟotsu na tsa wukeha na tsa kiheo kya mondu fochikaa fuche naho Felisi kawuko m madima kahamba, “Kekuhendyeng'u wulalu, ngawona mkonu njechikudumya-se.”

WAROMA 15:4

Kyamba shilya shileṟehyo mbooko nyi shilemmaa iṟehyo shelulosha-so, kundu lukuwutye ikaa lochikusihya ipfo kundo mṟeho-yo ihambye ikukarishya lya waidiki wa kacha yechiluwihiṟya nalyo moo.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

WAROMA 8:25

Indi lukamba mowedya ikyo lulawonyi nyi lokiwedya lochikutirisia.

1 WAKORINTO 9:25

Na orio morekyana nyi ekekuotoya kya shindo shose, kyasia nawo iwo nyi kundu waambye oṟo ya kiṟumi iya yechisia, kya indi so nyi kundu luwade iya ilechisia.

2 WAKORINTO 6:4

Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

WAGALATIA 5:23

Kwipfo mawiko hechidekya ishi shikeri shidipfo.

WAKOLOSE 1:11

Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose.

1WATESALONYIKYE 1:3

Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo.

2WATESALONYIKYE 1:4

Nakyo kyaenenga so lokuṟumisha kipfa kyanu ipfo siṟinyi tsa Ruwa kya otirisi lonu na wuidiki wo ipfo shiterengyonyi shanu shose na shiwirenyi shilya mulekukarishia kyasho.

2WATESALONYIKYE 3:5

Indi nao Mndumii namhoṟotsie ngoo tsanu kikunda kya Ruwa na ikukarishia luiwainenge nyi Kristo.

1TIMOTEO 2:10

Indi liwe lya kilya kisumhanye waka wakuhambie na wuowu woowuo Ruwa lii lya mawuto mecha.

1TIMOTEO 2:2

Muweterewia wamangi na wanene wose kundu moo fodu fudamie necha fui na olele wyoo fo wutechi na wusalari.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

1TIMOTEO 6:3

Kokoya kwipfo ailosha kiwungi alakuwada na madedo ha oru ha Mndumii odu Yesu Kristo na kiloshyo kilya kiende wuindi wusumhanyi.

1TIMOTEO 6:6

Mbuchai ng'anyi wuindi wulya wuendye mndu naa ipfo; nyi mkukarishie.

2TIMOTEO 3:5

Kya ora lo nja cha wandu wawode wuindi wakufananyishie wuindi woindya Ruwa indi pfinya ya iwikaho wuindi lohi iipfopfo. Iwo wai wado uwadiche.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

TITO 1:8

Kya indi nawe mokunda wahenu, achihianyi na hai mecha, mndu o osaaṟe mhoṟotsu, menyi wuindi, mndu msanze.

TITO 2:2

Ke wameku wakuachie, wawe wasanze wenyi osaṟe wachia kui wuidiki na kui mkundanyie na kui mkutirisie.

WAEBRANIA 10:36

Nyi muwuṟie ikaa na mrima msanze kundu muhende iduo kilya kii kiteṟye mukamaa iwuta kilya Ruwa akundi.

WAEBRANIA 12:1

Nkyo kimaduma naso ili lui na ipuchi lya waṟingishi lilutengetie lidi luleṟye wanda orio wulami na wunyamaṟi wu wokiṟa iluoṟowya owinyi, lochiengeṟa ihenda ira ngapano iii njiwawasye yadu lukuhode-ho necha.

WAEBRANIA 6:12

Kundu mulahombye kya indi mukuwaakishane na walya waoṟa shiteṟio shilya kui mwidikye na mkutirisie.

WAEBRANIA 6:15

Nao kakutirisia ado kashika ikoya kyasa kilya kyaawutsyo.

2PETRO 1:3

Chando pfinya yake ya ki-Ruwa, Ruwa ammaa iluwonya shiende moo na wupfudi shose kui imanya ichu alelulaha na mweke fo wuitoṟi na wucha woke o amonyi.

2PETRO 3:11

Na wudo ili shose shakunda isalaṟo apa mkoṟomu fuimkoromuo nyo mukae mochihendeka mhendekye mwele fuwode wuindi woindia Ruwa wose.

OTAMBAHALUO LO YOHANE 1:9

Inyi Yohane nji manowama onyu na mokyando o wuaalenyi na wumanginyi na wukukarishi-hu wo ko Yesu njiwekeri ipfo kyandenyi kilya rina lyakyo nyi Patimo. Njileendo naho kundu njionguo idedo lya Ruwa na iṟingishya kii lohi kya Yesu.

OTAMBAHALUO LO YOHANE 13:10

Kokoya kwipfo aidao kipfungonyi nahende itano mpfungo amonyi. Kokoya kwipfo ekewaha wandu na oshu, na kimbaṟi nahende iwoho na oshu o amonyi. Nyihondo kukeri wukutirisi na wuidiki wo wandu wa Ruwa.

OTAMBAHALUO LO YOHANE 14:12

Kipfa kya ikyo nyi kiwaṟi wandu wa Ruwa, iwo waidikye, wakuwode na mawawaso ha Ruwa na waidikye Yesu wawe watirisi.

OTAMBAHALUO LO YOHANE 2:2

Kye njiichi mawuto hapfo hose. Na njiichi wupfuṟukanyi wopfo na ikukarisha lyapfo. Na njiichi ke okekutirisia wandu wawichopfo.