2PETRO 1:5 - Bibilia Kui Mdedie fo Kimochi

⁵ Nakyo nyikyo kimwenenge muitike-ho na kamu yende mbuka ncha ipfo wuidikinyi wonu; indi na ipfo mbukenyi ncha muende-ho wulaanyi.

2PETRO 1:5 ပူးပေါင်းရင်းမြစ်များ

SHIIMBO SHA DAWIDI 119:4

Iyo kuleluwawasaia mapfundo hapfo. Kundu so luhaindie mnu.

MFANANO 4:23

Ringa mrima fopfo kota shose okeringa, kipfa mpfo kuṟukie soka tsa moo.

YESAYA 55:2

Kitewe ketaa fesa ko kindo kilai kando nki? Na shilya mowona ko kindo kilaihutsa? Njiadanyienyi mnu, mlye kilya kii kicha na ikuchihiṟa kui wunoru.

ZEKARIA 6:15

Walya wa kuleshe wache iwika hekalu lya Mndumii; nanyo mochimanya Mndumii menyi matorito anjidumie konu ishi shechiinutsyo, kokoya motambahana iindya ṟu lya Mndumii, Ruwa onu.

LUKA 16:26

Ma koda isho shose, kunu kiidi kyadu nanyo nyi kung'alawukie-ho pichi lya ngolokio ing'anyi, kundu iwo wakundi yambadia ipfo konu walaidime, na iwo wa konu walaidime yambadia kodu.

LUKA 24:21

Natso nyi luwekusirie nao ke nyi awechikaa naletse Israeli. Kyasia-ng'u ishi shose shambutika, mfiri fo inu nyi fo kaṟaṟu.

YOHANE 6:27

Mlawinyie kelya kyechipuo; winyienyi kelya kyechikaa kipfa kya moo fo mlungana nakyo nyi Mana chu o mndu echimwenenga. Kyamba Wande nyio Ruwa nyi alembikya mhuri yemṟingishya ke nyio.”

1 WAKORINTO 14:20

Wanawawama, ma mulawone mochiwa wana kui wutichi wotichia mbonyi muwe wandu watimye.

WAEFESO 5:17

Nkyo kimaduma mulawe cha ili mui wadumbwo mdo, kya indi muidikyane na kilya Mndumii akundi.

WAFILIPI 1:9

Na kindo njiimterewya na iki tupu ke, kunda lyanu lihende ifeṟyo mwengeṟya fo wulaanyi fo orio mtambahaluye fose.

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

WAFILIPI 4:8

Lyefurumia, nyo wanawawama, orio kii kya lohi, orio kii na sonu njicha, orio kii kihorotsu, orio ki kiharami, orio kichihianyi orio kisongowia, maa kui-ho kya opfudi na wuhoneri kyasho muhane-hane necha.

WAKOLOSE 1:9

Nkyo kitewe wokia mkonu luleicho naso luimterewya kitsitsi lochiomba kundu Ruwa namuinenge wuṟango wose wo kilya akundi, namuichuṟe osaṟe na wuṟango wo Mumuyo foke.

WAKOLOSE 2:3

Ipfo koke shisa sha wuṟango na wulaanyi shii shiṟike-pfo shose.

WAEBRANIA 11:6

Indi kundo kulawode wuidiki koidima ichihianapfo. Kyamba kiwaṟi mndu motikirya Ruwa nawe mwidiki moidikya ke o aiho na walya waimpfula nyi echiwasumba.

WAEBRANIA 12:15

Muwe mochiambuya mnu, kundu kulawoneke-ho echiwuka wutongehu wo Ruwa, manya kulaalukye-ho mri fuipusa fochirohya fuweshika ifanyitsa wafoi.

WAEBRANIA 6:11

Na lulalakye mnu ke orio mndu onu ose nawe momanyishya-ho wuitiki wu wumu wo mfeṟa fo owedo lulya shika mawutsyonyi.

YOSHUA 7:3

Wekiwuya wakawia Yoshua, “Manya luladike wandu wose wahende ikapa mṟi fu fo Ai pfo, kyamba wandu waipfo nyi sa waangu. Lukaaduma wandu shiku shiwi ang'u shiṟaṟu nyi washikie.”

1PETRO 3:7

Na wudo, nyo womi mukae na waka wanu kui imanya ke mka ai msangi mfafa kota mii mochiwawikya wuindi kyamba nawo wechiduo kyoṟa kya moo fuu-mbike-ho nyi Ruwa kui wutonga. Kundu shiterewo shanu shilakoye-pfo tunja.

2PETRO 1:10

Ili nyi wudo kii, nyo wanawawama, kimwamtse kawi muitike iwanza nandaho na msambuṟye iya mulelahio nyi Ruwa iwe ya kiheri kyose. Kyamba kokoya mochiwa wewuta shilya shilya mochiho ma indi-pfo.

2PETRO 1:11

Mukamba mudo nyi mochiengeṟyo necha kimwitsa wumanginyi wo Mndumii na Mkiṟa odu Yesu Kristo wokaa mlungana.

2PETRO 3:14

Nyo mui-wakunde wako, nkyo kimaduma ili muiweda isho, mukutambahanye muhende ikoyo-ho mulai na paṟi ma limu mulawa ihoyo owingo oshangunyi lo Ruwa mui na ofoṟo.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.