2PETRO 1:21 - Bibilia Kui Mdedie fo Kimochi

²¹ Kyamba kuipfo wuikimbi wulemendo kui kyama kya wandu manya-lepfo. Kya indi wandu waweipfo walededa kiwukye ko Ruwa wawewodo nyi Mumuyo Mwele.

2PETRO 1:21 ပူးပေါင်းရင်းမြစ်များ

2SAMWELI 23:2

“Mumuyo fo Ruwa fukadeda kiidi kyako, madedo hake hakeri oliminyi loko.

1WAMANGI 13:1

Kyasia, kukacha mndu o Ruwa kiidi kya Yuda kui idedo lya Mndumii, kashika Betheli. Nao Yeroboamu nawehoṟoki rasionyi kundu napfamiṟe uvumba.

1WAMANGI 17:18

Mka ulya kawia Elia, “Nyi kiki kyako na iyo, iyo mndu o Ruwa? Ngesa nyi ulenjichea ikumbuṟa Ruwa wunyamaṟi woko, nowahe mana oko?”

1WAMANGI 17:24

Mka ulya kawia Elia, “Wulalu ngamanya na pata ke iyo nyi mndu o Ruwa, na ngoseṟa idedo lya Mndumii dumbunyi lyapfo nyi lohi.”

2WAMANGI 4:22

Kiidima kalaha mii, kambia, “Kenjienenga umu o waṟundi na nzoi imu kundu njihendie mndu ulya o Ruwa oweṟe njiwuye.”

2WAMANGI 4:7

Kacha kawia mndu o Ruwa. Nao kambia, “Henda nokumbe mafudaho, notae sile yo, na mafuda ho haletsuhaa mukoṟe naho iyo na wana wapfo.”

2WAMANGI 4:9

Mndu mka ulya kawia mii oke, “Ambuya njiwonyi mndu chu ekewa mocha na iya kodu orio kiheri nyi mndu mwele o Ruwa.

2WAMANGI 6:10

Mangi o Israeli kaduo wandu mṟasa alya handu alewio na mndu ulya o Ruwa, na ikuṟisa mnu, kakiṟa moo foke, chi limu ma chi kawi pfo.

2WAMANGI 6:15

Ngamenyi kokikya kilawo mṟundi o mndu ulya o Ruwa, kakure ke nahende nja, ate! Kuwode mamiingi fo wandu, na frasi na magari, watengetie mṟi fulya. Mṟundi ulya kambia, “Ochia lodu! Mndumii oko, luwike luda?”

1MBONYI TSA MAHERI 23:14

Kyaindi wana wa Mose mndu o Ruwa, waledeo wesendo kiidi kya oshari lo Walawi.

2MBONYI TSA MAHERI 8:14

Kyasia Solomoni kahawia Wakohanyi na Walewi maṟunda hawo ha kulya hekalunyi, kuṟinganyi na chandu ndeye o Dawidi mṟundi o Mndumii-Ruwa awewawasie. Walewi mata walya wawei wasongoru wa wuimbi, na mata hawo waletarama Walewi maṟundenyi hawo, na wengi weleringa shichumi sha hekalu,

YEREMIA 23:26

Madedo ho hechikaa kiidi kya mrima ya waikimbi wehamba shisuku sha wongo itane indii, waikimbi walembi kiidi kya mrima yawo wawenyi?

EZEKIELI 1:3

Nahong'u idedo lya Ruwa likacheya mwikimbi Ezekieli mkohanyi mana o Buzi alya mbai ya meda fo Kebari orukenyi lo Wakaldayo. Pfinya ya Ruwa iwei nao alya.

MIKA 1:1

Ili nlyo idedo lya Mndumii lilechea Mika, Mmoresheti, maheri ha Yotamu, na Ahazi, na Hezekia, wamangi wa Yuda; mbonyi aletsiloṟo tsa Samaria, na Yerusalemu.

MIKA 3:7

Iwa waichi ihamba mbonyi tsechicha wechisonu, walya waichi ihamba mbonyi wechisuka; wechipfumbuṟia madumbu hawo, kipfa Ruwa echiwahaluo idedo - pfo.

MAITALA 16:28

Mose kawia wandu, “Nyi wudi mochimanya ke Mndumii-Ruwa nyio alenjiduma iwuta shindoshi shose, manya chi chandu inyi njimonyi njikundipfo.

MARIKO 12:36

O Dawidi amonyi kahamba awodo nyi Mumuyo Mwele, ‘Mndumii alewia Mndumii oko, Kedamya kunu ora loko lo kulyo, na inyi njitane ngawika wakituwa wapfo wawe shi ya madende hapfo.’

LUKA 1:70

Na chando awehambie na madumbu ha wadedi walya waele kimatsa kacha mṟamna.

MAWUTO HA WASU 1:16

“A lanyewo wasoṟo na wanawawama, nyi kiwewaṟi kiṟehyo kiinutsyo, kilya Mumuyo Mwele adedye kacha kui dumbu lya Dawidi kya mbonyi tsa Yuda ulya alewa mosongoya walya walewada Yesu.

MAWUTO HA WASU 28:25

Na ili walaweidikyanyi wo wenyi na wenyi wakakuhendya kowo Paulo kekimaa ihamba idedo li limu ke, “Mumuyo Mwele alededa necha na waku walya wanu kui dumbu lya mwikimbi Yesaya.

MAWUTO HA WASU 3:18

Nyiyo njia Ruwa aleinutsya nayo shilya awesongoye ihamba kui dumbu lya waikimbi walya kya mawawyo ha Kristo.

NGUMBUO YA MAWAWASO 33:1

Ii nyio mboṟa Mose, mndu o Ruwa, alewikia Waisraeli alamepfa. Nalehamba:

WAEBRANIA 10:15

Indi na Mumuyo Mwele aluṟingishie adi; kyamba ili amaa ihamba.

WAEBRANIA 3:7

Kihendekye chando Mumuyo Mwele ahambie, “Ili moicho inu ṟu lyake.

WAEBRANIA 9:8

Lyo nyi lya Mumuyo Mwele amanyishye nalyo ke njia yeduo wuelenyi ilandeshika ipfunguka, ili indi hema lya kuwoka likihoṟoki-seho.

YOSHUA 14:6

Kyasia mkonu fumu wandu wa kishari kya Yuda walehendia Yoshua kulya Gilgali, nao Kalebu mana o Yefune ichu awei Mkenizi, kawia Yoshua, “Ngesa na ukumburie chandu Mndumii-Ruwa alewia mṟundi oke Mose kyadu so luwawi kiheri kilya luwei Kadeshi-Barnea?

1PETRO 1:11

Nyi waweihana-hana ke kiheri nyi iki na lya iindi Mumuyo ichu o Kristo awei nawo alimanyishye-ho ilindi awesonguo iṟingishya mawawyo halya hehoya Kristo na mawusuṟi kiṟumi kilya kechiitumana naho.

OTAMBAHALUO LO YOHANE 19:10

Na inyi ngamwolokya madendenyi hake njikundi imwindia. Kanjiwia, “Leka, kudo ote! Inyi njikeri mṟundi mokyando opfo na o wanawamayo, so lose luwade kilya luwai-waṟingishye nyi Yesu. Nyio Ruwa lochimwindia!” Kyamba kiṟingishyo kya Yesu nyi mumuyo fuiwaya waikimbi.