2PETRO 1:17 - Bibilia Kui Mdedie fo Kimochi

¹⁷ Kyamba o aleambya wuindi na wuitoṟi wuwukye ko Ruwa Wande, matika halya ṟu lilemchea liche ipfo wuitoṟinyi wo huya shose likadeda lidi, “Ichu ai Manoko sa mkunde, achihianyi na inyi.”

2PETRO 1:17 ပူးပေါင်းရင်းမြစ်များ

YESAYA 42:1

Ambuya mṟundi oko njimhoṟotsie; msambuṟe oko, ichu mrima foko fuifuchihiṟe nyio; njiwikie Mumuyo foko huyake; nyio echianduya wandu wa mkambo.

YESAYA 53:10

Kikachihiṟa Mndumii, kamlisa wukiwa, karihinyika; Ilindi echihaluo moo foke kidaso kya wunyamaṟi, nechiwona wa oshari loke, nawade moo mleshe. Shilya Mndumii akundi shechihoya owokonyi loke.

MATAYO 12:18

“A ichu msoṟo oko ndesambuṟa, a mkunde nyi inyi, ichu mrima foko fu mchihie nyio. Njechimbikya Mumuyo oko nakae huye yake nao nahende ongoya wandu wa masangenyi mbonyi tsa wusumuhanyi.

MATAYO 17:3

Naho kudi a walya Mose na Elia wakakuloṟa nawo wechiongoyana nao mbonyi.

MATAYO 17:5

Kededa kudi a ili ipuchi liwode ngela likacha wawikya maṟishe, nalyo a lilya na ṟu lyawuka alya kiidi kya ipuchi likahamba, “Aichu Manoko a mkunde ichu njii mchihie nyio! Nyio mochimwadanya.”

MATAYO 28:19

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele.

MATAYO 3:17

Oweṟe ṟu likalaha liwuka ruwehu likahamba, “A-ichu mana oko a-mkunde ichu njii mchihie kyake.”

MARIKO 1:11

Ṟu likacha ruwehu likahamba, “Iyo nyi ui manoko mkunde, sa ngachihyo kyake.”

MARIKO 9:7

Kyasia ipuchi lilya likacha lyikawashikia, ṟu likacha alya kiidi kya ipuchi lyehamba, “Ichu nyi ai Mana oko mkunde, kemwadanyenyi!”

LUKA 10:22

Kaindukia walya wa kiloshionyi kyake kahamba, “Shindo shose nyi njiledambikio nyi Wande, ma kuwode msa aichi ke Mana nyiupfo, shile na Wande, ma ke Wande nyiu, shila na Mana, na ichu Mana akundi imdambuya.”

LUKA 3:22

na Mumuyo Mwele kamsokia ai cha mbeta; na ṟu likawewuka kulya ruwehu likahamba, “Iyo nyi ui manoko mkunde unjichihiṟie.”

YOHANE 10:15

Chando nao Wande anjiichi inyi na inyi njiweichi Wande, Na inyi ngarekya machondi moo.

YOHANE 10:36

Ashika-wo inyi ili njiletano mwele nyi Wande kanjiduma kunu wuyana nyi monjihamba ke nyi ngaruma Ruwa ili ngahamba, njikeri Mana o Ruwa ko?

YOHANE 14:11

Kiwaṟi munjiidikye ke inyi njii-mlunge na Wande nao Wande ai-mlunge na inyi, Shila wudo njiidikienyi kipfa kya mawuto ho hako.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 17:21

Ngaterewa ke wose wawe wamu chando iyo, Hoi Wande, ui umu na inyi, Na inyi njii umu na iyo kundu nawo wawe kiidi kyadu. Wuyana wu wuteho iidikya ke nyi iyo ulenjiduma.

YOHANE 20:17

Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

YOHANE 3:35

O Wande nyi akundi Mana chu kamdambikya shindo shose.

YOHANE 5:20

Kyamba o Wande nyi akundi Mana, kamloṟa orio kindo aitana amonyi shose. Nao echimloṟa na shetana shing'anyi kota isho mukuwutye-ho iṟihio.

YOHANE 5:26

Kyamba chando Wande awode moo fuwukye ipfo kiidi kyake kwenyi nyi wudo da aleinenga Mana ikaa na moo fuwukye ipfo kiidi kyake kwenyi.

YOHANE 6:27

Mlawinyie kelya kyechipuo; winyienyi kelya kyechikaa kipfa kya moo fo mlungana nakyo nyi Mana chu o mndu echimwenenga. Kyamba Wande nyio Ruwa nyi alembikya mhuri yemṟingishya ke nyio.”

YOHANE 6:37

Iwo wose Wande amenjienenga wo wechikuchea na koko. Na mndu akuchea na koko njechimfunya njapfo.

YOHANE 6:39

Na kilya ichu alenjiduma achilia kikeri kii-le, njiladetseho ma umu o walya alenjiinenga kya indi kundu njiṟutse wose Mfiri fulya fofurumia.

WAROMA 15:6

Kundu muwe mochiwikya Ruwa mng'ano, ichu ai Nde o Mndumii odu Yesu Kristo, fuwe fochiwikyo-ho kui mrima ii msanze cha ili kui-ho modeda umu mfi.

2 WAKORINTO 1:3

Kuṟumisho Ruwa ai Nde o Mndumii odu Yesu Kristo, nyio Wande moichyo wandu wukiwa nao Ruwa mowawihiṟya moo.

2 WAKORINTO 11:31

Ruwa chu moṟumisha mlungana ai Nde o Mndumii odu Yesu Kristo nyi aichi ke njilahamba wongo.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

2YOHANE 1:3

Wutonga na osaṟio na ofoṟo shiwukye ko Ruwa Wande shikae naso ipfo kundo kii-lohi na kikunda shikeri.

YUDA 1:1

Inyi Yuda njii isinga lya Yesu Kristo na manomae o Yakobo ngaiṟikiṟa walahe walya wa Ruwa waiwakunde nyi Ruwa Wande wakaa wai-waringye Yesu Kristo.