2PETRO 1:16 - Bibilia Kui Mdedie fo Kimochi

¹⁶ Kyamba so lulawerianyi na shihano shii-shihanehane ilindi lulemwongoya pfinya ya icha lya Mndumii odu Yesu Kristo na mkae foke fui nao. Kya indi lulewona na meso hadu wunene woke.

2PETRO 1:16 ပူးပေါင်းရင်းမြစ်များ

MALAKI 3:2

Indi nyiu echiidima iwedia mkonu fo foicha lyake? Ang'u nyiu echiidima ihoṟoka ili echiwono. Kyamba nafananyi na modo fo mndu aisanja fesa, kafanana na mndu mosanja nguwo, kawa cha sapunyi,

MALAKI 4:5

“Ambuyenyi njechimudikia Elia mwikimbi nasongoye mkonu-fo fo Mndumii fulamecha ifu fung'anyi na iowesha.

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MATAYO 16:28

Na kya lohi ngambia, ‘Wandu-wa wahoṟoki iya kuwepfo sa waangu-ho wekaa walasaha opfu na watane wawona Manomndu kecha ai na wumangi woke.’”

MATAYO 17:1

Kyasia komida-ho mfiri iṟandaṟu nalyo Yesu kaduo-ho Petro na Yakobo na manomae Yohane. Kahenda nawo kado kundo ko fumwuhu lii lileshe hando ha kisekenyi.

MATAYO 24:27

Nyi kipfa chando mbawa yewaṟuka kulya ora lo ruwehu lo ngamenyi lukawaṟuka waṟu fukakoya kulya ora lo kiukanyi, na ili kochishika iya macheyenyi ha Mana o mndu nyi wudo kechewa.

MATAYO 24:3

Kyasia adamye alya fumwu-hu lya mashidi ha msinepfu naho walya wa kiloshyonyi wakacha na alyando awei hai handu ha kisekenyi wakahamba, “Keluwie-wo mbonyi tso tsekaa tsishike indi? Na kiṟingishyo kyeṟingishya ili koshika iya macheenyi hapfo na masiyonyi ha wuyana nyi kiki-wo?”

MATAYO 28:18

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

MARIKO 13:26

Mandi nalyo wawone Manomndu kechicha ipfo mapuchinyi ai na pfinya ing'anyi na wuitoṟi.

MARIKO 14:62

Yesu kahamba, “Ee da inyi nyio. Nanyo mochiwona Manomndu adamye ipfo ora lo kulyo lo Menyi Pfinya, kechicha ipfo mapuchinyi ha ruwehu.”

LUKA 1:2

Chando watsiludambikie iwo wawetsiwonyi matsika kuwoka, wawewei na wahidi wa kidedo-kyo.

LUKA 9:43

Wakaṟihio wose kipfa lya walewona mng'ano fo pfinya fo Ruwa. Nawo wose wechiṟihio wado kya shindo shilya ekewuta, naalyo kawia walya wa kiloshionyi kyake.

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 17:2

Kyamba uleinengya Mana chu itoṟya wandu wose kundu nawasumbe wose ulemwenenga moo fo mlungana.

WAROMA 1:4

Ambike-ho Mana o Ruwa Menyi pfinya kui Mumuyo mosumba wuele likawa kui iṟuka wapfunyi, nyio Yesu Kristo Mndumii odu.

1 WAKORINTO 1:17

Kyamba Kristo alanjitanye msu nyi kundu njipatise, kya indi nyi kundu njiongwo ndumi ya sia yo okiio. Nalyo lilawe kui madedo ha wuṟango kundu msalaba fo Kristo fulahendewiro.

1 WAKORINTO 1:23

Kya indi so luionguo Kristo ambambie msalabe-hu. Lyo lyaenenga Wayuda wekapa tuulya likawia wa mkambo mhenu wutondo.

1 WAKORINTO 1:7

Nakyo kikaenenga mulatiyo nyi kisumbo ma kida ma kida mukakaa mochiwedya ikuloṟa lya Mndumii odu Yesu Kristo.

1 WAKORINTO 2:1

Na inyi lyandi ndecha na konu-le wanawawama, njechimwongoya kiṟingishyo kii-kiwike nyi Ruwa njilalecha na mtandawuko fo madedo na fo wuṟango.

1 WAKORINTO 2:4

Na ili njiweideda na yonguo ma njileidimaidima na wuṟango woitika iwinapfo kya indi njiwemanyishya-ho Mumuyo na pfinya.

1 WAKORINTO 5:4

Ngadeda kui rina lya mndumii Yesu luwodanyi nyo na mumuyo foko hamu na pfinya ya Mndumii odu Yesu.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

WAFILIPI 3:21

Nao nyio echikaa nailache mbihu fodu fo wunyonge fuwute-ho ifanana na mbihu foke fui na wuitoṟi. Kechiwa kidi kisumhanye pfinya iya awode yemnenga echilaṟa shose shi yake.

1WATESALONYIKYE 2:19

Kipfa nyi wu ai owedo lodu na sia na oṟo nchope ya kiṟumi ipfo sumhana na Mndumii odu Yesu mandi echikuloṟa kokoya chila nanyo.

2WATESALONYIKYE 2:9

Na ikuloṟa lilya lya Mbicho-chu lii liitikye nyi Satana kui pfinya yose na shichano na maṟiho ha wongo.

1TIMOTEO 1:4

Ma walasumesume shihanu na maitumano ha marika halechidumbuka. Shindo cha isho shekeende mawesano indi shilaende owiko lo Ruwa locha wuidikinyi.

1TIMOTEO 4:7

Indi sumu tsilya tsa msaṟakambo tsii tsa kiwukeku tso utsilehe. Kya indi ukutsane kumonyi uwe menyi-wuindi.

TITO 1:14

Walahendekuwada na mhambo ya Kiyuda na mawawaso ha wandu iwa weindukya kiwulohi mhongo.

2PETRO 2:3

Ili wawodo nyi wuehi wechikapa nanyo mbucha kui sumu tsawo tsa wongo. Indi kui kiheri kileshe Moanduya owo nakuṟeheṟie, na Morumatsa owo nawonyi.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.

YUDA 1:14

Indi kyawo na Enoki mku chu o mfungade wokia Adamu alemaa ideda kui Mumuyo kehamba. “Ambuya Mndumii nechicha arianyi na malaika wake wai matorito ha shiku ikumi ikumi.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.