1 WAKORINTO 9:17 - Bibilia Kui Mdedie fo Kimochi

¹⁷ Cha kipfa ngatana iki kui ikunda lyako njiwode woṟunda woko. Kokoya kilai nyi ikunda lyako, kya indi wukaṟa wu na njimdambikye.

1 WAKORINTO 9:17 ပူးပေါင်းရင်းမြစ်များ

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

1MBONYI TSA MAHERI 29:14

“Kyaindi inyi nyiu, na wandu wako nyi waki, itane loidima ikuwutia shindo shi shose ko ikunda? Shindo shose nyi shapfo, kindo lowuta nyi ikuwihiṟia shilya shi shapfo.

1MBONYI TSA MAHERI 29:5

Maṟunda ha hose hakundikie haṟundo nyi wandu wa wuaria wung'anyi, wuaria wo sahabu ko shindo sha sahabu, na wuaria wo fesa ko shindo sha fesa. Wulalu, nyiu ungi akundi iloṟa Mndumii-Ruwa ikunda lyake, na iwuta ko mrima, na ikutana mwele na iwuta shindo shesungusia hekalu?”

1MBONYI TSA MAHERI 29:9

Kyasia wandu wose wakachihiyo, kipfa walewutia Mndumii-Ruwa ko ikunda lyawo na mrima fowo wawenyi; na mangi Dawidi kachihiyo ko sia ing'anyi mnu.

NEHEMIA 11:2

Wandu wakachihio kya walya walekuwuta wawenyi ikaa kulya mṟinyi mwele fo Yerusalemu.

YESAYA 6:8

Kyasia ngaicho ṟu lya Mndumii lyechiwesa, “Njidume u na nyiu echihenda handu hadu?” Inyi ngahaluo ngahamba, “Nyi iya nji njiduma inyi.”

YEREMIA 20:9

Wulalu ngahamba ke njechimsenda pfo, ma njechidedase kui rina lyake pfo, kyasia kechiwa cha ili kuwode modo, sa fuiaka kiidi kyako fui fupfinyike, kiidi kya mafuo hako inyi ngalehela itirisia, ma njechiidima ikarishia pfo.

EZEKIELI 3:14

Nalyo Mumuyo fo Ruwa fukanjiira alya fukanjiduo haleshe, ngahenda njii msokie nyi fowa na nyashi, kyaindi pfinya ya Ruwa iwei na inyi.

YONA 1:3

Kyaindi Yona kakure kadichia Tarshishi, kundu nakushowe na oshangu lo Ruwa; kasoka kahenda mṟasa Yafa, adi kakoya wandu wahenda Tarshishi kui ngalawa ya otano, kawuta heleri tsishikie kiheo kewukia Yafa noshike Tarshishi, kadoya ngalawenyi kahendesana na wandu walya wengi Tarshishi, kundu nadiche kyamu kya Ruwa.

MALAKI 1:10

“Nanga kokoya kuwewode mndu moshinga mongo; mulache iatsa modo fo wulya kitaṟenyi kyako kedasia! Njimchihie kyanupfo, manya shidaso shawuka mawokonyi hanupfo, Mndumii Menyi Matoṟito ahamba.

MATAYO 10:41

Mndu echiambya mwikimbi kikawa nyi kya rina lya mwikimbi, nyi echiwona kya woṟunda wo waikimbi. Na ichu echiambya mndu o wusumuhanyi, kikawa nyi kya rina lya mndu o wusumuhanyi nyi ewona kya woṟunda wo mndu o wusumuhanyi.

MATAYO 24:25

Ambuyenyi nyi ngawoka imtutuma.

LUKA 12:42

Mndumii kahamba, “A nyiu ichu mokalia kanyi awei mwidiki mṟango, mndumii oke awemhaluye mnene o waṟundi wake, nawe mowahawia kando ili kiheri kyashika?

YOHANE 4:36

Mosambwo aambia wueṟi woke kechisanyia shilimu kipfa kya moo fo mlungana; kundu ichu mokumba mbeu na ichu mosambwo wasangane wechikesa kimu.

1 WAKORINTO 3:14

Kiṟundyo kya mndu awikye-ho kikakaa-ho kiwangi echiambya woṟunda woke.

1 WAKORINTO 3:8

Kya indi mowaya na monosa wahianyi, na orio owo echiwona woṟunda woke wumsumhanye o wuidikyanyi na mawina hake.

1 WAKORINTO 4:1

Na wudo so orio mndu nalutane waṟundi wa Kristo na waheki wa kyama ki-koome kya Ruwa.

1 WAKORINTO 9:16

Kyamba ma kikawa njiongwo ndumi ya sia ya okiio lyo linjiendie kiṟumipfo. Kyamba lyo limbode lii kitikima. Ochia loko kokoya ndaiongwo.

1 WAKORINTO 9:18

Ngashika oo woṟunda woko nyi wo iki? Nyiwo iwu, ke ili nyonguo ngalekya ndumi ya sia ya okiio njilatao, ndawese-ho kilya kimsumhanye kya kiheo kya ndumi ya sia yo.

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.

WAGALATIA 2:7

Kya indi ili wawewonyi ke inyi njimdambikye ndumi ya sia ya okiio kya walya walaiwadine-cha Petro kya walya wai wadine.

WAKOLOSE 1:25

Na inyi njimbike mṟundi-oyo kui wuiṟichi wu wo Ruwa njilewudambikio wo kiira kyanu, kundu njiawutsie necha imwongoya idedo li lya Ruwa.

1WATESALONYIKYE 2:4

Kya indi chando lulekundo nyi Ruwa naludambikye ndumi ya sia ya okiio nyi wudo luideda, chi kundu luwe lochichiana na wandu indi na Ruwa ichu ametunga ngoo tsadu.

FILEMONYI 1:14

Indi njilekunda iwuta kindopfo chila onnenga momu, kundu iki kicha kyapfo kilawe cha kya mkoṟomu kya indi kiwe kui mweke fo ikunda. Njilakundi ikuitikya untarame.