1 WAKORINTO 8:4 - Bibilia Kui Mdedie fo Kimochi

⁴ Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

1 WAKORINTO 8:4 ပူးပေါင်းရင်းမြစ်များ

SHIIMBO SHA DAWIDI 86:10

Kyamba nyi iyo ui mnene, iyo nyio mowuta maṟihisho iyi iyo Ruwa kumonyi.

YESAYA 37:16

“Hoi Mndumii menyi Matorito, Ruwa o Israeli, ukeri huya makerubi, iyo da iyo kumonyi nyi iyo Ruwa o wamangi wose wa wuyana. Nyi iyo ulewika ruwehu na oruka.

YESAYA 37:20

Kyasia wulalu Mndumii, Ruwa odu ulukiṟe na owoko loke, wamangi wose wa wuyana waidime imanya ke iyo nyi iyo Mndumii, iyo kumonyi tupu.”

YESAYA 41:24

Ambuyenyi, nyo chi kindopfo, ma maṟunda hanu naho chi kindopfo; mowasambuṟa nyo nyi awuta mawicho hawichuṟie.

YESAYA 44:24

Mndumii ai mkiṟa opfo nyio alekuumba wusunyi, o nahamba adi; “Inyi nyi Mndumii njeketana shindo shose; njialie ngina yose, ngamanyika orukenyi, nyiu ai na inyi?

YESAYA 44:6

Mndumii, Mangi o Israeli, mkiṟa opfo, Mndumii menyi Matoṟito nahamba adi, “Inyi nyi Mawokioonyi na Inyi nyi moinutsia; ngoseṟa yako kuwodepfo ma kuwode Ruwa ungipfo.

YESAYA 45:14

Mndumii nahamba adi, “Iṟunda lya Misri, na shindo sha mbucha sha Kushi, na Waseba, wandu waleshe, wechikuchea, nawo wechiwa wapfo; wechikuosha; wechicha wai wapfunge nyi shiwoho sha menya; wo nyi wechioloka wanda oshangunyi lopfo, wechikuterewa, wehamba, ‘Nyi lohi Ruwa ai kiidi kyapfo; ma kuwode-se ungipfo, kuwode Ruwa ungi sepfo.’”

YESAYA 45:5

Inyi nyi Mndumii ma kuwode ungipfo; ngoseṟa yako kuwode Ruwapfo; njechikupfunga na okowa ma chandu ulawenjiichi,

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

YEREMIA 10:14

Orio mndu nai cha indo lya ngeṟenyi lilawode wuṟango. Orio mnganya o sahabu nasonu kipfa kya sanamu yake aleisalaṟa; Kipfa sanamu yesalaṟa nyi wongo, kuwode moo kiidi kyayo-pfo.

MARIKO 12:29

Yesu kahalwo kye, “Lilya inene nyi ili, Israeli keadanya, Mndumii-Ruwa chu odu nyi akeri Mndumii umu amonyi.

MAWUTO HA WASU 14:15

Wechihamba, “Lanye womi, a nyi kindo kiki mkeri iwuta? So luwei wandu wepfa chanyo luimwongoya ndumi ya sia ya okiio kundu muhaluke mulekane na shindo shi sha maai muhalukye Ruwa chu menyi moo ichu awikye ruwehu na wanda ii na ipalyipalyi na shindo shose shikeri-ho.

MAWUTO HA WASU 15:20

Kya indi luwaṟehye paruo yehamba, ke wakuletsane na isho sha ngafu shii shidambikye mafanano wawekuletsana na waṟuhui na shindo shi shiotsuo na samu.

MAWUTO HA WASU 19:26

Nanyo muwonying'u na iicho muicho ke chi kunu Efeso tupu kya indi na Asia yose pyu Paulo cho ameidikisha wandu weengi na iwahaluo mhio yawo kechihamba ke maruwa chiho haa matsane na mawokopfo.

1 WAKORINTO 8:1

Na kya nyama tsiinjidasye maruwa ha wongo; na luichi ke so lose lui wenyi-wuṟango. Wuṟango nyi wokeende ikutumbasha indi ikunda nyi lyekepfunga mba.

1 WAKORINTO 8:10

Kyamba mndu kakuwona iyo menyi wuṟango wu kudamye kiliyonyi ipfo kundo wadambikye shidaso shilya alae ngo tsa mrima fo mndu cho afafaa adi chi tsechikapyo owanzo natane alya tsiinjidambikye maruwa ha wongo?

1 WAKORINTO 8:11

Na ulya mfafa kahenda idetso nyi wuṟango wu wopfo, nao ai nyi manowama msa Kristo alempfia.

WAGALATIA 4:8

Nahong'u kiheri na kiweipfo mulaweichi Ruwa mukawesingya maruwa halaipfo na pfinya lohi.

WAEFESO 4:6

Ruwa nyi umu nao nyio Nde o wose mokaa hiaa wose mokaa mrimenyi ya wose.

NGUMBUO YA MAWAWASO 3:24

“Hoi Mndumii-Ruwa, Mndumii-Ruwa, njiichi nonjiloṟa inyi mṟundi opfo mawookionyi ha wunene wopfo na wuidimi wopfo. Cha kipfa, kuwode ruwa o mbaṟi njiki ipfo ruwehu ang'u kunu wuyana eidima iwuta shindo shinene na sha ṟiho chandu okewuta iyo?

NGUMBUO YA MAWAWASO 32:39

Ambuyenyi, “Inyi nyio Ruwa njimonyi manya kuwode ungi shile na inyipfo. Inyi njekewaaha na iwika moo, njekewika shifaṟe ngawechiṟa, kuwode mndu echiidima iashuo icho oose ai mawokonyi hakopfo.

NGUMBUO YA MAWAWASO 4:35

Nyo mulesaṟio iwona isho, kundu muidime imanya ke Mndumii-Ruwa, nyio amonyi ai Ruwa manya kuwode ungipfo.

NGUMBUO YA MAWAWASO 4:39

Kyasia, kumbuonyi inu na iwika mrimenyi yanu, ke Mndumii-Ruwa nyio Ruwa huye ruwehu na wanda orukenyi; kuwode ungipfo.

NGUMBUO YA MAWAWASO 6:4

Kyasia, adanyienyi lanye Waisraeli! Mndumii-Ruwa, Ruwa odu, nyi Mndumii-Ruwa umu.

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

1TIMOTEO 2:5

Kyamba Ruwa nyi umu na msanzi mosanza Ruwa na wandu na umu nyio mndu o wandu Kristo Yesu.

YUDA 1:25

Nyio Ruwa amonyi molukiṟa so kui Yesu Kristo. Mndumii odu. Wuitoṟi nyi woke na wunene na pfinya na wukolonyi na wudedi wuweipfo maheri halawendewiko wuipfo, na ha wulalu wochikaa wudo maheri hose halunganyi. Amenyi.