1 WAKORINTO 8:3 - Bibilia Kui Mdedie fo Kimochi

³ Chila nyi mndu akundi Ruwa; ichu nyi ammanye nyio.

1 WAKORINTO 8:3 ပူးပေါင်းရင်းမြစ်များ

1WAMANGI 3:3

Solomoni kakunda Mndumii, kaweosha njotende tsa ndee Dawidi, kawewuta shichihiṟie Ruwa, kyaindi kawewika kidaso handu hakuirie, kawepfamiṟa handu hakuirie.

SHIIMBO SHA DAWIDI 1:6

Kipfa Mudumii nyi aichi njia ya wasumhanyi, Indi kyama kya wamkika nyi kechideka.

SHIIMBO SHA DAWIDI 17:3

Nyi ulehesha ngoo yako; ulenjichea kio; Omenjitiichia kulawone kidedo Njikuteseheṟye dumbu lyako lilaashe.

IWUKA 33:12

Mose kawia Mndumii-Ruwa, “Ambuya iyo nonjiwia, duo wanduwa; na iyo omenjiwie nyiu ochimduma handu hamu na inyi pfo. Kyaindi nolehamba, Njikuichi rina lyapfo, na iyo nolewona osaṟio oshangunyi loko.

IWUKA 33:17

Mndumii-Ruwa kawia Mose, “Njechiwuta na idedolyi ohamba daa, kyamba iyo nyi mbuya yako, na inyi njimchihie nyi iyo.”

YEREMIA 1:5

Njilamekuumba wusunyi wo mayo njiwekuichi, na kulamefeo, njilekuilisha, njilekuwika nuwe Mwikimbi o wandu wa mkambo.

AMOSI 3:2

Nyi nyo tupu njilemumanya kiidi kya wandu wa mkambo ya wuyanenyi kose; kwi kipfa ikyo, njechimuwuwuya manyamaṟo hanu hose.

NAHUMU 1:7

Mndumii nai mcha, nyi oṟiho kiheri kya kiwi; naichi walya wemdichia.

MATAYO 7:23

Indi inyi nyi njechiwawia na pata njihambe, ‘Njilememmanye-nyofo, kenyiwukenyi mui wandu muwutie sha mkika!’”

YOHANE 10:14

Mlisi mcha nyio inyi. Na inyi njiichi iho hai hako, naho hakawekunjimanya.

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

WAROMA 11:2

Ruwa afunye mkambo foke alemsambuṟa kachapfo. Ang'u mulaichi kilya Madedo Maele hahambia kya Elia ili alenunuwia Ruwa kechianduya Israeli kehamba.

1 WAKORINTO 13:12

Kiheri kya wulalu lushiwonyi cha mfano ya kilolenyi shii mangeṟingesha, indi kiheri kya numa lochishiwona oshangu kui oshangu; kiheri kya wulalu imanya lyako likeri lya mbetesa, kya indi ili numa njechikimanya kyose chando na inyi ngamanyo.

1 WAKORINTO 2:9

Kyakyo kikeri chando kiikiṟehye, “Shilya riso lya mndu lilawewona ma kudu kulaweicho, manya shilaweida na ngoonyi ya mndu o wandu, nyisho Ruwa aweshiṟeheṟye walya wamkundi.”

WAGALATIA 4:9

Indi maheri ha wulalu ili muichi Ruwa, kya ngoseṟa muichio nyi Ruwa, moidima-se muda ikuwihiṟa muwenyi na ko shindo shilya shifafa shikiwa shindo muwekundi iwuya ishisingya?

2TIMOTEO 2:19

Kya indi kiwanja kitumhari kya Ruwa kiikiwanzi kihoṟoki nakyo kii-kiṟehie mṟeho fui mṟehie fuhambie, “Mndumii aichi wai wake,” na lingi, “Orio mndu ekesenda rina lya Mndumii nalekane na wumbafu.”

YAKOBO 1:12

Nanga mndu msoṟo aikuhoda kiheshyonyi, kipfa ili ambangohoda echiambya oṟo iya nchope, nyiyo moo fu Ruwa alemteṟya walya wamkundi.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 1:8

Nao nyio mumkundi mulalemembone, mumwidikye mulambonyi, nyi mochikapa ngululu muwodo nyi sia ilechiwa ihambo ii-njilishe idi.

1YOHANE 4:19

So nyi luwode ikunda, kyamba o Ruwa alesonguo ilukunda.

1YOHANE 4:7

Wakunde wako, luitike ikundana luwenyi-na-wenyi. Kipfa mkundye fumenyi nyi ipfo ko Ruwa fupaṟikye. Na orio menyi-mkundye amefeo nyi Ruwa na imanya kamanya Ruwa.

OTAMBAHALUO LO YOHANE 2:13

Njiichi handu okekaa, nyi alya kidembonyi kya Satana. Kya indi iyo ukuwodie na rina lyako kowekaa kulawekana wuidiki wonjiidikya ma ilindi Antipa, mringishi oko sa mhendeli aleshika iwoho ipfo kidembonyi kya Satana.

OTAMBAHALUO LO YOHANE 2:19

Njiichi mawuta hapfo hose na mkundie fopfo, na mwidikye na mpfuṟukanye na mkukarishie, fopfo. Njiweichi na mawuta hapfo ha wulalu hamecha kota halya ha kuwoka.

OTAMBAHALUO LO YOHANE 2:9

Njiichi matuuro hapfo na wukiwa wopfo, kya indi nyi ui msuṟi. Njiichi na shirumo walekuruma walya wakuhamba ke wai Wayuda nawo walai Wayuda kya indi wakeri siṟi ya Satana!