1 WAKORINTO 8:1 - Bibilia Kui Mdedie fo Kimochi

¹ Na kya nyama tsiinjidasye maruwa ha wongo; na luichi ke so lose lui wenyi-wuṟango. Wuṟango nyi wokeende ikutumbasha indi ikunda nyi lyekepfunga mba.

1 WAKORINTO 8:1 ပူးပေါင်းရင်းမြစ်များ

YESAYA 47:10

Kipfa nokusirie mawicho hapfo, nohambie, ‘Kuwode anjiwonyipfo;’ wulaanyi wopfo na wuṟango wopfo, wokudetsa na iyo kohamba mrimenyi fopfo, ‘Inyi nyio inyi kulawode ungi shile na inyi.’

YESAYA 5:21

Ochia lo walya wenyi wulaanyi ipfo mesonyi hawo wawenyi, na wenyi wuṟango ipfo mahionyi hawo wawenyi.

MAITALA 25:2

Wakawo wakalaha Waisraeli wahende iindia mfiri mnene yedasia maruwa hawo, nawo Waisraeli wakalya shelya na iindia maruwa hawo ha wongo.

MAWUTO HA WASU 15:10

Kyasiang'u le nyi kiili muihesha Ruwa na ipfungya wa kiloshyonyi kidi kya nzingonyi, sa wande yadu ma so luleleidima ikiduo.

MAWUTO HA WASU 15:29

Mukae mochilehana na shindo shii shidasye mfanano na samu na shindo shii shiotsuo na wuṟuhui. Mukakuima isho le nyi mowuta necha. Kekaeny na kipwo.”

MAWUTO HA WASU 21:25

Kya waidiki walya wawukye mkambonyi ya wahenu lulememaa idumbwo na iṟehya paruo ke wakae wechikuṟisa kya shindo shi shidasye mfanano na kya samu na kindo kiotswo na kya wuṟuhui.”

WAROMA 11:25

Kyasia, wanawawama, njikundi mukae mulaichi kyama kikoomepfo, mulawone mokusirya na wuṟango wonu wuwenyi kipfa wuumu wokuumiṟa wo Wayuda waweny wo wulemhoya Israeli nyi wo oweṟe, kyayo itane wandu wa mkambo mhenu washikia Ruwa na mkambo mhenu yamhenda ishika iwonyo okiio.

WAROMA 12:16

Muwe mochikayana kui mhie fumu koorio mndu, mulawone mochihia kya shidembo shesonguo, kya indi muchumie muwodanyi na walya watutu. Mulakutane waṟango nyo muwenyi.

WAROMA 14:10

A iyo nyi kiili oanduya manomayo? Ang'u iyo, nyi kiili uminye manomayo? Kyamba so lose nyi lochikaa lushike ihoṟoka alya mbai ya loṟika lo ianduyo lo Ruwa.

WAROMA 14:14

Inyi njiichi njikusihye Mndumii Yesu ke kwipfo kindo kirie tewepfo.

WAROMA 14:19

Ili nyi wudo kii luwingye isho shiende ofoṟo na isho shepfungana so luwenyi na wenyi.

WAROMA 14:22

Nyi mwidikye uifukaya wocho? Ufukaye kya ora lo-kopfo ukeri oshangunyi Ruwa. Nanga icho alakuendye owingo amonyi lo Ruwa. Nanga icho alakuendye owingo amonyi ipfo kundo akudumbuya kya kindo kiwe.

WAROMA 14:3

Ichu ekelya shelya shose nalawone kechimina ichu alalya shose. Ma ichu ekelya mboha tupu nalawone kechihutsya ichu ekelya shelya shose owingo; kyamba Ruwa nyi awemwambye nao.

WAROMA 15:14

Na inyi mmonyi, wanawawama, njikusirya kyanu nyo ke muwelukye wutechi welu mukaichuo wulaanyi wose mukatana moidima iloshana muwenyi.

1 WAKORINTO 1:5

Kyamba musuṟie kya orio kindo mukuwode nao kiwe kya orio idedo kiwewa kya orio mtambahalukye.

1 WAKORINTO 10:15

Ngadeda nanyo mui wandu waichi, keheshenyi ikyo njideda.

1 WAKORINTO 10:28

Indi kokoya mndu ahenda imbia, “Nyama ii nyi nyama nyidase” ma mulailye nyi kimaduma kya ichu mosenda na kimaduma kya ngo tsa mrimenyi.

1 WAKORINTO 14:20

Wanawawama, ma mulawone mochiwa wana kui wutichi wotichia mbonyi muwe wandu watimye.

1 WAKORINTO 15:34

Ṟamkenyi necha ma mulatahachie hando; kyamba kuwode walaichi Ruwa; nakwipfo echiwesa, aa wuda wapfu washike iṟutso ngesa? A nyi wechicha warie mbihu ida ko?

1 WAKORINTO 4:10

So lui matondo kimaduma kya Kristo, indi nyo mui waṟango kui Kristo. So nyi wafafa indi nyo nyi wawanzi. Nyo mui na kiṟumi kicha so lui na wusutsu.

1 WAKORINTO 4:18

Kwipfo wakuṟumbashie cha ili ndaicha na konu.

1 WAKORINTO 4:6

Nasho wanawawama, ngameshihalutsya ora lo kodu so na Apolo kimaduma kyanu, kundu mukuwutye kodu imanya ke kulatole shilya shii-shiṟehye, kundu ichu umu nalakushelye-ho kya ichu umu kechilehana na wengi kya ichu ungi.

1 WAKORINTO 5:2

Nanyo mokutumbashya mulakunda ikuinadya kundo nahende iwuto ipfo kiidi kyanu icho atanye kindo kyo.

1 WAKORINTO 5:6

Ili mukutumbashye mudi chi kichapfo. Mulaichi ke kitarang'asha sa kitutu kidutsye mbumba fo mso fose mtarang'ao?

1 WAKORINTO 8:2

Kokoya mndu akumbuo ke ai na wuṟango woemanya kindo o amemanya njia wuṟango woṟunda nayopfo.

1 WAKORINTO 8:4

Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

1 WAKORINTO 8:7

Kya indi wuṟango wu wukeri na wosepfo. Kwipfo weketsilya cha ili tsiinjidambikye maruwa ha wongo lohi, ngo tsa mrimenyi yawo, ili tsiinyifafa tsidi, tsikahenda ifanyitso.

WAEFESO 4:16

Ipfo kofo mbihu fu fose fukuwutya-ho ikaa fuu mpfungananyishe fui msanze foende-ho yalukya lya mbihu kui orio mpaye ya mwengeṟia fusumhanye wuitiki wuu wuhawye orio kilungo kimu kyose ya ikuhelwo fumenyi kui kikunda.

WAKOLOSE 2:18

Manya mndu oose nalamuwonyie mti echikundya wutindili na wuindi wo mbaṟi ya wasu wa ruwehu aikushela kya shilya amewona echikutimbisha kui mhie ya nyama tsake alawode mweke Mndu o mbari ii amtondoshe nyi wulembi wo wuyanawu.

OTAMBAHALUO LO YOHANE 2:14

Indi njikuwodie mondu kya shindo shiwe, kyamba ipfo konyu uwode wandu wawode njopfundo tsa Bileamu awekelosha Balaki iduo wana wa Israeli wutahachinyi wahende ilya nyama ndasye maruwa ha wongo na wuṟuhuinyi na wulala.

OTAMBAHALUO LO YOHANE 2:20

Indi njikuwodie mondu, kyamba oidikiana na mka ulya Yezebeli ichu akuhamba amonyi ke mwikimbi o Ruwa kalosha echitusa masinga hako wawe waṟuhui wahende ilya na nyama ndasye maruwa ha wongo.