1 WAKORINTO 6:9 - Bibilia Kui Mdedie fo Kimochi

⁹ A mulaichi ke wewuta sha wukika nyi walechioṟa wumangi wo Ruwa? Ma mulakulembe. Makiṟuhuya na mkiṟuhuyo wechioṟa wumangi wo Ruwapfo, manya weindya maruwa ha wongo; manya wetahachia wali, manya wesutsa wukika ang'u wumi.

1 WAKORINTO 6:9 ပူးပေါင်းရင်းမြစ်များ

MAWOOKIONYI 19:5

Wakalaha Loti wakambia, “Nku wai, wanduwo wacha na kopfo kioki? Waende na kodu, luwamanye.”

IWUKA 23:1

Kulaedie mbonyi tsa mboru; kulatarame mndu mmbicho, ma iwuta wuṟingishi wo wongo womtarama.

MFANANO 11:1

Ratili yelemba nyi kisuiṟye Mndumii; Indi shiheo shiṟinganyi shikemchihiṟa.

MFANANO 22:8

Mowaaya mawicho nechisambuo opfu, Na ndichi yake yehoṟwo yechitsitsa.

MFANANO 7:27

Mmba yake nyi kichumi kehenda ko waṟumu Kyekesoka itane mba ya opfu.

YESAYA 55:7

Mndu mbicho nade ohendo loke, Na alai na wusumhanyi nade makusaṟo hake; nawuye ko Mndumii, Nao nechimsaṟia; Nache na-ko Ruwa odu, Nechimhoṟia nakamu.

EZEKIELI 18:11

msa ekelya shidaso shilewuto ko sanamu, kawewa mndu ekechumia na mka o wamṟasa oke,

WALEWI 18:20

Kulalae na mka o wamṟasa opfo, manyale, kudo nyi ikuteṟefutsa iyo kumonyi nao.

WALEWI 18:22

“Kulalae na mndumsoṟo odoo manyale cha ili nyi mndumka. Ikyo nyi kiwicho.

WALEWI 19:15

Kiheri uidumbuo mondu dumbuo kya sungusihu kulakundie; kyaindi kiwaṟi idumbuya mndu o mṟasa kya sungusihu.

WALEWI 20:13

Kokoya mndumsoṟo oose alaa na mndumsoṟo odoe cha ili kee nyi mndumka, nahong'u wose kiwaṟi wawoho kipfa wawuta kindo kipfulutsie kiṟatsie; wechikudika ipusuo samu yawo wawenyi.

ZEKARIA 5:3

Kyasia kanjiwia, “Ipfo kiidi kya kitapu kyo kukuṟehiye pfo oseso lochihoya oruka loose. Ora lumu luluṟehiye ke waiwi wose wechiwingio na ifuno orukenyilu, na ora lungi wose wekelya nyamu tsa wongo nawo nyi wechiwutyo wado.

MATAYO 19:29

Na orio mndu ose ma oku ma oku ichu adeye ma wana wamae ma washiki wake ma ndee ma mae ma wana ma mhunda ma mba kikawa nyi kipfa kya rina lyako inyi orio kindo adee naweengeṟyo shipfoi naweoṟa na moo fokaa mlungana.

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

LUKA 21:8

Nao kahamba, “Ambuyenyi mlawone mochidetseṟo; kipfa nyi kochicha wafoi kui rina lyako wahambe nyio inyi; wawehamba, Kiheri kyamesembelya. Manya mulahende ilungana nawo!

MAWUTO HA WASU 20:32

“Kyasiang'u wulalu le ngamudambikyang'u Ruwa mukae wawanze nyi idedo lyo lya wutonga woke. Nyio Ruwa aidima imupfunga muwe mba na imwenenga kyoṟa kimu ipfo kundo wailishe wake wose walṟe.

MAWUTO HA WASU 24:25

Kyasia ili ashika yongwo mbonyi tsa wuhoṟotsu na tsa wukeha na tsa kiheo kya mondu fochikaa fuche naho Felisi kawuko m madima kahamba, “Kekuhendyeng'u wulalu, ngawona mkonu njechikudumya-se.”

WAROMA 1:18

Kyamba tuuke ya Ruwa yahenda imanyisho ichee ruwehu yechiolokya orio wukika wo wandu na wutahachi wowo iwo wekeshingya wukilohi wulya njia kui tewe lya wutahachi.

1 WAKORINTO 15:33

Ma mulalembike; sumu njiwicho tsekenyamaṟa sonu njicha.

1 WAKORINTO 15:50

Kindo ngahamba le wanawawama, nyi iki, ke shi-nyama na samu sho shaidima yoṟa wumangi wo Ruwapfo. Ma kipuo kyaoṟa kilechipuopfo.

1 WAKORINTO 3:16

Mulaichi ke, nyo nyi hekalu lya Ruwa na ke, Mumuyo mwele ai mokaa nanyo sho?

1 WAKORINTO 5:1

Koichyo kundo kose ke konu kuwode wuṟuhui, na wuṟuhui wu nyi wo mbaṟi ileewa isenda ma ipfo ko wandu walaidikye wai, mndu nakae na mka o ndee.

1 WAKORINTO 5:10

Chi ngamhamba nayo waṟuhui wakeri na wuyana wu ang'u manyinyi ang'u wasoki ang'u weindya maruwa ha wongo wai nawo. Kiwei kido kiwemwitika muwuke iya wuyana.

1 WAKORINTO 5:11

Kya indi wulalu kilya njilemṟehya kiwei kii-le, ke mulasangane na mndu a mlahe manowama nao awa mṟuhui ang'u inyinyi ang'u moindya maruwa ha wongo ang'u mokiruma ang'u makinango ang'u msoki. Mndu o mbaṟi ii ma ilya mulaidikye ilya nao.

1 WAKORINTO 6:10

Manya waiwi, manya wenyi-wuehi, manya makinango, manya makiruma, manya wasoki.

1 WAKORINTO 6:18

Dichenyi wuṟuhui. Orio wunyamaṟi mndu awuta na wukeri kya nja ya mbihu foke. Kya indi ichu aṟuhuya nyi atanya mbihu foke amonyi wunyamaṟi.

1 WAKORINTO 6:19

Ang'u mulaichi ke mbihu fonu nyi fomba hekalu lya Mumuyo Mwele aikaa nanyo, ichu muleinengo nyi Ruwa. Nanyo chi mukeri wanu muwenyipfo.

1 WAKORINTO 9:24

A mulaichi ke walya wetangyana kya ikapa mteeṟa nyi wekewikya mteeṟa ipfo pate-hu wose, kya indi mokoya kirekyo kilya nyi umu. Wikyenyi-ng'u mudo mteeṟa kundu mukiwade.

2 WAKORINTO 12:21

Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.

WAGALATIA 6:7

Manya muladeko, Ruwa ewa inyeṟopfo. Kipfa hando halya mndu akumba-ho mbeu nyihondo echikusambuya-ho kilya kii kyake.

NGUMBUO YA MAWAWASO 22:22

“Mndu katumkio wuṟuhui na mka o mndu ungi, wose wawawi, mndumsoṟo na mndumka, kiwaṟi wawoho. Nyi wudo mochitoromisha wuwichowo.

NGUMBUO YA MAWAWASO 22:5

“Waka walaṟae nguo tsa wasoṟo, na wasoṟo walaṟae nguo tsa waka. Mowuta ado nyi asukiṟa Mndumii-Ruwa, Ruwa onu.

NGUMBUO YA MAWAWASO 23:17

“Mwisraeli oose, mndumsoṟo ang'u mndumka awode momu fowuta wuṟuhui ipfo hekalunyipfo.

WAKOLOSE 3:5

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.

WAEBRANIA 12:16

Kulakae-pfo ai mndu o melumelu ang'u mndu mtaicho cha Esau alekumba wuwee woke kya kilayo kimu.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

YAKOBO 1:16

Wanawawama wako wakunde, ma muladekesho.

1YOHANE 3:7

Wana, wako, mulahendedetso nyi mndu. Mokiwuta wusumhanyi nyio asumhanyi arianyi na Kristo menyi asumhanyi.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.

WACHILI 19:22

Kiheri waweichihio, wasoṟo walawode sonu na chile njicha wa mṟi fo wakacha itengetia mba yo na ikapa kapa mongo. Wakawia mmeku cho menyi mba. “Wuta msoṟo ulya alacha na kofo lukae nao.”