1 WAKORINTO 6:2 - Bibilia Kui Mdedie fo Kimochi

² Ma mulaichi ke walya wai waele wechiwonya wuyana wu mdumbuye fowo? Na kokoya wuyana wu woshika iwonyo mdumbuye ipfo kundo nyo muwode menge akashika mulasumhanye yadanya mondu ii mangu idi?

1 WAKORINTO 6:2 ပူးပေါင်းရင်းမြစ်များ

SHIIMBO SHA DAWIDI 49:14

Cha machondi, wawawike ihenda ko wapfu, na opfu nyi lochiwaringa; Wandu waowoye Ruwa wechiwachilya ngamenyi, chando wai wechikuo, kanyi kowo nyi ko wapfu.

DANIELI 7:18

Indi waele wa ichu ai huya shose wechiambiya wumangi, na iitoṟia mlungana na mlungana.

DANIELI 7:22

mṟasa kacha mmeku chu o maaka ifoi, na waele wa ichu o huye wadumbuyo mondu na maheri ha haafukia waele wakaitoṟia na iwada wumangi.

ZEKARIA 14:5

Nyo nyi mochidicha muide pichinyi, kiidi kya mafumvu hawi ha Mndumii-Ruwa. Mochidicha cha waku wanu waledicha kiding'ashi kiheri kilya kya Mangi Usia o Yuda, kyasia Mndumii-Ruwa, Ruwa oko nechicha na waele wake wose piu.

MATAYO 19:28

Yesu kawawia, “Nyi kya lohi ngambia, ‘Nyo mui wandu weoshana na inyi ili koeshika iya mafeyonyi hewihiṟyo wuhya ilindi Mana o mndu echidamya loṟikehu lo wusuṟi woke nanyo mbedamya lorike-hu tsilya ikumi na tsiwi na idumbuo mondu ya mbaṟi tsa Israeli itsi ikumi na tsiwi.’

LUKA 22:30

Muwe welya na wenyo mesenyi yako ipfo wumanginyi woko; nanyo nyi mochikaa mudamie maloṟike-hu ha wusuṟi mochichilia njoshari-tso ikumi na tsiwi tsa Israeli.”

WAROMA 6:16

Aka mulaichi ke ichu mochikumdambikya cha masinga kyemwanguya madu nao nyio mombia masinga hake mochimwanguya madu kiwe kya wunyamaṟi woduo opfunyi kiwe kya wuidiki woende wuhoṟotsu oshangunyi lo Ruwa.

1 WAKORINTO 1:20

Mndu mṟango nyi ku aya? Mndu mlaanyi o shitapu nyi ku aya? Mndu mwiichi motambahanya njo-pfundo tsa mandi ha nyi ku-aya?

1 WAKORINTO 1:21

Cha kipfa ipfo kundo wuyana wu wulawemanya Ruwa kui wuṟango wowo nyi kuwewode wuṟango wo Ruwa kikachihiana na Ruwa ikiṟa waidiki kui mwongoye fusolongi.

1 WAKORINTO 6:4

Akawo nyo ili muwode kyeanduyana kya shindo sheluya moo nyi mokedamiṟa-ho walya walawode kiṟumi ipfo siṟinyi?

2 WAKORINTO 4:18

Natso nyiso lularinga shilya shiwona indi shilya shilawono. Kyamba shilya shiwono sho shiipfo sha kiwulalu kya indi shiilya shilawono sho nyi sha mulungana.

1WATESALONYIKYE 3:13

Kundu ngoo tsanu tsihende ikanzo tsikae nlalutsu tsii na wuele sumhana na Ruwa Wande odu, matika Mndumii odu Yesu echiwoneka handu hamu na waele wake wose.

OTAMBAHALUO LO YOHANE 20:4

Na ngawewona loṟika tsa wuitoṟi na wandu wadamie hoi wakainengo momu fodumbuo mondu. Ngawewonase na mrima ya walya waledumbuo mdo kimaduma kya kiṟingishyo kyeṟingishia Yesu na kimaduma kya idedo lya Ruwa na ya walya walaleindia indo lilya manya mfano folyo ma walaweambye ofano lulya lolyo ipfo oshangunyi lowo ma ipfo owoko-hu. Wo wakawada moo wakawa wakachilia hamu na Kristo maka kiku kimu. (

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.