1 WAKORINTO 6:11 - Bibilia Kui Mdedie fo Kimochi

¹¹ Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

1 WAKORINTO 6:11 ပူးပေါင်းရင်းမြစ်များ

SHIIMBO SHA DAWIDI 51:2

Unjisanje piu na sha wuwicho woko, unjiwute wunyamaṟi woko.

SHIIMBO SHA DAWIDI 51:7

Unjisanje na maṟa hesamba na inyi njechiila, unjisanje na inyi njechiila, kota makuṟeṟa ha mtsudu.

MFANANO 30:12

Kuwode kishari kya wandu wekutana wecha wo wawenyi; Walawasanje oko lowo.

YESAYA 1:16

Kusanjenyi, kuilishenyi; kuatuonyi wuwicho wo mawuto hanu, wukae kuleshe nanyo; lehanenyi na mawicho;

YESAYA 45:25

Kiidi kya Mndumii oshari lose lo Israeli wechiinengo wulohi na kiṟumi.

YESAYA 53:11

Nechiwona kilimu kya wukiwa woke nachihiyo. Kui wuṟango wo mṟundi oko ai na wusumhanyi. Nawehaluo wafoi wenyi wusumhanyi, Nao naweduo mawicho hawo.

YEREMIA 4:14

Iyo Yerusalemu sanja mrima fopfo ulawade wuwicho, kundu uidime ikia. Mahio hapfo mawicho hechikaa kiidi kyapfo ushike indii?

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

WALEWI 14:48

“Kingise kokoya nyi mkohanyi aida napfo na iambuya, kokoya ndaaṟe ilaledung'ana ipfo mba, mba yammaa ishio chokaa; nlyondi mkohanyi echihamba kee mbayo injiheṟemtsu, kyamba ndaaṟe iya ilesalaa.

WALEWI 8:6

Kyasia Mose kaende Aroni na wana wake; kawasanja na mṟinga.

MATAYO 20:4

Kawewia na wandu walya, “Kewehendenyi nanyo kulya demehu lya msabibu. Na kindo sa kisumuhanyi njechimwinenga.”

LUKA 18:14

Kyasia nyi ngamuwia, ‘Ichu nyi alesoka na kanyi koke amsumuhantse kota ulya.’ Chakipfa orio mokung'anyisha amonyi, nyi echinyiiṟo, na mokunyiiṟa amonyi, nyi eching'anyisho.”

YOHANE 13:10

Yesu kambia “Ichu amsamba awode echikisanjosepfo, shile madende ho tupu, Kya indi nyi a mheṟemtsu-ng'u ose. Nyo mui waheṟemtsu kya indi ma chi wosepfo.” (

YOHANE 13:8

Adi Simon Petro kambia, ochinjisanja madende ma indi-pfo; Yesu kambia, “Ngada ndakusanja uwode kita na inyipfo.”

YOHANE 5:4

cha kipfa ili malaika echisokya kulya nduwenyi ku kiheri kapayapaya mṟinga fulya. Na ulya amewooka isokya ipfo mṟingenyi ili fomekupayapaya kawekuchia ndaṟe yo yake.]

MAWUTO HA WASU 13:39

Na kimaduma kya ichu msa amwidikye nyi echitalo ke nyi alawode mti shindo shilya shose mulaweidima italya wusumhanyi na mweke fo wuwawaso wo Mose.

MAWUTO HA WASU 22:16

Kyasia wulalu nyi kyo iki uwedya? Kure hoṟoka nopatiso nosambe njonyamaṟo tsapfo ochilaha rina lyo lyake.”

MAWUTO HA WASU 26:18

Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”

WAROMA 3:24

Nyi wai-watane wahoṟotsu ki wutonga woke walawewika-ho kindo likawa na oletso lulya luleendo nyi Kristo Yesu.

WAROMA 4:5

Indi mndu alawa moṟundia-woṟunda kawa moidikia kekusirya Ruwa ichu awa motana mndu alasumhanyi nawe mhoṟotsu nao nyio kui wuidiki wu woke atano mhoṟotsu.

WAROMA 5:1

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu.

WAROMA 5:9

Kikawa kido naso lui-watane wahoṟotsu wulalu oshangunyi lo Ruwa kui pfinya ya samu iya yake, nyi wuda kya ngoseṟa lochikaa luhende iletso nyio tuuke iya ya Ruwa.

WAROMA 8:30

Na iwo alesonguo iwasambuṟa nyiwo alewalaha, na iwo o nyiwo alewatana wahoṟotsu; oshangunyi loke; indi iwo alemaa iwatana wahoṟotsu wadi nawo nyiwo alewasumba wuitoṟi.

WAROMA 8:33

Ichu echianduya iwa wai-wasambuṟe nyi Ruwa nyi wu? Ruwa aiho awa mletsi!

1 WAKORINTO 1:2

Loiṟikiṟa siṟi ya Ruwa ikeri ipfo Korinto luweiṟikiṟa iwa wai-waheṟemtse kui Kristo Yesu, wai wa kikale wasambuṟe wo na wengi wose welaha rina lya Mndumii odu Yesu Kristo orio handu ha kowo na kodu.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

1 WAKORINTO 12:2

Muichi lyandi muwekeri wahenu nyi mowekedao ko mfanano ilawode mdedye cha ili mokuruo-pfo.

WAGALATIA 2:16

Kya indi ili luweichi ke iwuta mawuto ha mawawase nyi wuwawaso lilasumhanza mndu shila iidikya Yesu Kristo na ikuwada nao nkyo kimaduma lulekuwada na Kristo Yesu na imwidikya kundu lusumhanzo wusumhanzo wowa na ikuwada na Kristo wulechiwa na mweke fo mawuto ha mawawase, cha kipfa kulaipfo ai nyama awechisumhanzo kui mawuto ha mawawase.

WAGALATIA 3:11

Kilya kimanyikye-ho na pata kikeri kiile, ke mawiko halya hewa hewikya mndu ngaya nasumhanzyo Ruwa-ho, cha kipfa ichu ai msumhanze o etsinda na moo akeri iwonyo kui wuidiki wokusirya na Ruwa.

WAGALATIA 3:24

Na wudo mawiko halya haweluwiia molutoṟishya Kristo, kundu luhendesumhanzo wusumhanzo wo wuidiki wo ikusirya nao.

WAGALATIA 3:8

Nayo bibilia iwesongwo iwona ke Ruwa asumhanza wa mkambo ya wandu kui wuidiki wulya wokusiṟya nao. Nkyo kitewe alesongoṟya Abrahamu ndumi ya sia ya okiio kembia, Mkambo ya wandu ikae yechiwikyo ona luwukye kopfo lose.

WAEFESO 5:26

Kundu naitane njele echiihaṟamisha kisambyonyi kilya kya mṟinga furianyi na idedo.

WAEFESO 5:8

Kipfa kacha muwekeri meemenyi, wulalu mukeri sa kui ikulunga na Mndumii. Chumienyi mui wana wa sa,

2WATESALONYIKYE 2:13

Indi kyalukoya so iana Ruwa kiheri kyose kimaduma kyanu, nyo wanawawama mui wakunde nyi Mndumii, kyamba Ruwa alemsambuṟa nyo wokia mawokyonyi mukiṟo mochiilisho nyi Mumuyo muwe wandu muidikyo kii-lohi kilya.

WAEBRANIA 10:22

Luhendetikiria-ho luwode ngoo nlalutsu lui na welu ya mwidikye lui-waolye ngo tsa mrima tsilakikae makufaṟe lui-wasanje mbihu na mṟinga mharami.

WAEBRANIA 10:29

Chi mochihamba, A nyi wuda wo ngoseṟa wudeheli wuwe wochihoya ichu achuma-chuma Mana chu o Ruwa ekitana samu ya owiko lulya ya mpurya, nyi yo ametano nayo mwele kawa motaluo mumuyo moende wutonga.

WAEBRANIA 2:11

Kyamba ichu mwilishi na iwa weilisha wapaṟikye ko ichu wose. Nkyo kimarete alapfia sonu yewalaha wanawawama.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 3:21

Fui mfano fo ifu fuimletsa nanyo wulalu fui wupatiso. Wo wulakeri iwuta-ho oko lui nyame-hu, kya indi wukeri iterewa Ruwa owanzo lohoṟotsa necha ngo tsa mrima kui pfinya ya iṟuka lya Yesu Kristo.

1YOHANE 2:12

Njikeri imṟehya nyo mui wana kipfa mui wahoṟye manyamaṟo kui rina lyake.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.