1 WAKORINTO 5:8 - Bibilia Kui Mdedie fo Kimochi

⁸ Nakyo kyaenenga luachikie mkonu mnene iya yadu, chi kui kitarang'asha kilya kiku manya kui kitarang'asha kya wuporu na wuwicho kya indi kui shilaishitarang'ashe sha wusalari na wulohi.

1 WAKORINTO 5:8 ပူးပေါင်းရင်းမြစ်များ

SHIIMBO SHA DAWIDI 32:2

Nanga ulya Mndumii alechimwitalia madeko, Mrimenyi koke kulawode mtambo.

SHIIMBO SHA DAWIDI 42:4

Njikumburie isho kipfa mrima foko fui mlalutsu na pata kiidi kyako, chando mbehenda na kisanzio kya wandu, na iwaduo mbenyi ya Ruwa, Kui maṟu heana na ikesa, kisanzio kinene.

IWUKA 12:15

Mochilya mkate ilantarang'ashe ko mkonu mfungade; mkonufo fo kuwoka mochiira orio mtarang'ao fose fulawono kiidi kya mba tsanu manyale, cha kipfa mnducho oose echilya mkate fumtarang'ashe wokia mkonu fo kuwoka tane mkonu fo mfungade, mrima foke fochiletsano kuleshe na Waisraeli.

IWUKA 12:19

Mkonu mfungade kulawono mtarang'ao mmbenyi tsanu manyale; cha kipfa mnducho oose echilya ikyo kikiwike mtarang'ao, mrimafo fochiletsano kuleshe na chila ya Waisraeli, nawe mndu mokaa wuhenunyi ang'u nawe mndu amfee wuhenunyi.

IWUKA 12:8

Wechilya nyama ya kichoondi kyo injikahaṟe modonyi kio kyo, hamu na mkate fulamtarang'ashe; hamu na mboha tsiwode mtarang'ao.

IWUKA 13:6

Mochilya mkate ilantarang'ashe yechilio mkonuyo mfungade; na mkonu fo mfungade fochiwa foana Mndumii.

IWUKA 13:7

Mkate fumtarang'ashe fulawono kopfo, manya mtarang'ao fulawono kopfo, kiidi kya oṟiho lopfo lose.

YESAYA 25:6

Na kiidi kya fumvu lyi Mndumii menyi Matorito nechisungusia wandu wose wa mkambo mfuho fo shindo shinoru, na fo mvinyo fulai fulonge-longe mnu, mfuho fo shindo shinoru shiichuo mafuda, na fo mvinyo fulai fulonge-longe mnu, fui fukame necha.

YESAYA 30:29

Mochiwada kiimbo cha kiheri kya kio, cha mbuka tsa mfuho Mwele, mochiwada sia ya mrima, cha mndu aihenda na mtoṟiṟo kiidi kya fumvu lya Mndumii ai iṟaṟa lya Israeli.

WALEWI 23:6

Mkonu fo ikumi na katanu fo merifo ifo, mfiri mnene fo mkate ilantarang'ashe fuiwoka. Mkonu mfungade mochilya mkate ilantarang'ashe.

MATAYO 16:12

Nalyo wakamanya kilya awawia wakuṟise ke nyi kilakeri kya mdi fo mkate fo Wafarisayo na Wasadukayo chila na kya mloshie fo Wafarisayo na Wasadukayo.

MATAYO 16:6

Kyasia Yesu kawawia, “Keambuyenyi mukuṟise mdi foshimbiṟa mkate ifu fo Wafarisayo na Wasadukayo.”

MARIKO 8:15

Yesu kawawawasa kechihamba, “Keambuyenyi mkuṟise mtarang'ao fo Wafarisayo na fo Herode.”

LUKA 12:1

Kiheri nakyo kukakuwumbia-ho mamwingi fo wandu shiku na shiku itane wachumana-chumana, nao kawooka ideda na wasu wake kuwooka kahamba, “Kuṟisenyi mso fotarang'asha fo Wafarisayo, nyifo wulembetseṟi.

YOHANE 1:47

Yesu kawona Natanaeli kecha na oo ando akeri kadeda kyake kehamba, “A ichu mndu Mwisraeli o lohi; alawode mtambo ipfo mrimenyi.”

1 WAKORINTO 3:3

Kyamba ma wulalu da mukeri-se wa-kimbihu. Kyamba ili ipfo konu kuwode wunyenyi na wuṟingi chi mui wa-kimbihu mochikuhendeshya mbaṟi ya kiwandu?

1 WAKORINTO 5:1

Koichyo kundo kose ke konu kuwode wuṟuhui, na wuṟuhui wu nyi wo mbaṟi ileewa isenda ma ipfo ko wandu walaidikye wai, mndu nakae na mka o ndee.

1 WAKORINTO 5:6

Ili mukutumbashye mudi chi kichapfo. Mulaichi ke kitarang'asha sa kitutu kidutsye mbumba fo mso fose mtarang'ao?

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 8:8

Chi ngadeda njidi njembikya iwawasopfo kya indi mtambahanye fulya fo walya wengi fukanenga lango tsehesha na onu lo mkundye fonu.

WAEFESO 6:24

Wutonga wukae na wose wakundi Mndumii odu Yesu Kristo kui kikunda kilailachika.

NGUMBUO YA MAWAWASO 16:16

“Wasoṟo wose wa mkambo fonu wechicha oshangunyi lo Mndumii-Ruwa, Ruwa onu, makamba haṟaṟu orio maka, handu Mndumii-Ruwa, Ruwa onu echisambuṟa: kiheri kya mkonu mnene fo Pasaka, mkonu mnene fo sambuo na kiheri kya mkonu mnene fo matengo. Walache oshangunyi lo Mndumii-Ruwa na mawoko ha wulya.

NGUMBUO YA MAWAWASO 16:3

Mulalye mwanofo na mkate intarang'ashe. Ko mfiri mfungade mochilya mkate ilantarang'ashe, nyi mkate ya mawukiwa-cha kipfa mulewuka Misri kui wuitiki; ko ikyo, kiheri kyose kya moo yanu mochikumbuo mkonu fulya mulewuka Misri.

YOSHUA 24:14

“Koikyo wulalu, indienyi Mndumii-Ruwa ko mrima mhoṟotsu fuwei na wusumuhanyi, denyi piu iindia maruwa ha wongo halya waku wanu walehaindia kulya molyolya fo meda, na Misri, indienyi Mndumii-Ruwa.

1PETRO 4:2

Nkyo kimwenenge mulakikapye-se moo kui wuitiki wo lango tsa ki-wandu, kya indi muwe mofukapya kui wuitiki wo kilya Ruwa akundi matika-ha hamtsuhae.