1 WAKORINTO 5:7 - Bibilia Kui Mdedie fo Kimochi

⁷ Kyasia muahye kitarang'asha kilya kiku na nja kundu muwe mbumba mhya chando mui mulaiwawike kitarang'asha. Cha kipfa na pasaka yadu ilemmaa ishinjo, nyio Kristo.

1 WAKORINTO 5:7 ပူးပေါင်းရင်းမြစ်များ

IWUKA 12:15

Mochilya mkate ilantarang'ashe ko mkonu mfungade; mkonufo fo kuwoka mochiira orio mtarang'ao fose fulawono kiidi kya mba tsanu manyale, cha kipfa mnducho oose echilya mkate fumtarang'ashe wokia mkonu fo kuwoka tane mkonu fo mfungade, mrima foke fochiletsano kuleshe na Waisraeli.

MATAYO 13:33

Kawuya kawaongoya mbonyi tsa mfanano tsingi, “Wumangi wo ruwehu nyi wufananyi na mdi foshimbiṟa mso. Mka kafuduo kafusanganya msonyi ipongo kaṟaṟu. Fukatana fotarang'a fose piu.”

MARIKO 14:12

Mfiri fo kuwoka fo mfiri iya yelya Mkate Ilantarang'ashe, kiheri kyeshinja huṟuwi lya Pasaka, wa kiloshyo kyake wakambesa, “Nyi ku ukundi luhende isungusia-ho, lukulie-ho Pasaka?”

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

YOHANE 1:36

Kawona na Yesu echikuidyaho kahamba, “Ichu nyio ihuṟuwi lya Ruwa.”

YOHANE 19:14

Nahong'u mkonu fulya fuwei foikuteseheṟa ilya Pasaka saa ya kaṟandaṟu mfiri: Nalyo Pilato kawia Wayuda, “Aichung'u Mangi yanu.”

WAROMA 3:25

Nao nyio Ruwa alemtana njoko yeoloṟa mondu fulya, iwe kui samu yake ko iwo womemwidikya. Nalewuta ado kundu namanyishe wuhoṟotsu wu woke na kya mwidyo fulya aweidya matahachyo halya ha kacha mwidyo.

1 WAKORINTO 10:17

Kyamba mkate nyi fo fumu, naso lufoi li mbihu fumu, kyamba so lose luihawyo mkate fulya fumu.

1 WAKORINTO 5:13

Indi iwo wakeri ora lo nja nyi Ruwa echiwawonya mdumbuye. Funenyimbafu ulya ipfo kiidi kyanu.

WAEFESO 4:22

Kuatuonyi mbikie fo wumndu wo kacha muwekupaye nawo kuwoka, nafo nyi fukeri ideka kui lango tsa wulembi.

OTAMBAHALUO LO YOHANE 5:12

Wakadeda na ṟu ling'anyi wehamba, “Kidahina ki kiwei kishinje kyo nyi kiisumhanyi yambya wukolonyi na wusuṟi na wuṟango na pfinya na wuindi na wuitoṟi na iwikyo kiichiko.”