1 WAKORINTO 5:13 - Bibilia Kui Mdedie fo Kimochi

¹³ Indi iwo wakeri ora lo nja nyi Ruwa echiwawonya mdumbuye. Funenyimbafu ulya ipfo kiidi kyanu.

1 WAKORINTO 5:13 ပူးပေါင်းရင်းမြစ်များ

SHIIMBO SHA DAWIDI 50:6

Ruwehu lyechionguo wulohi woke, kipfa Ruwa nyio ai modumbuo mondu.

KOHELETI 9:18

Wuṟango wuidiye shisha sha shida; Indi mdeko umu nekenyamaṟa mecha hafoi.

MATAYO 18:17

Indi kada alaadanya iwo nohende ikyongoya siṟi. Kada alaadanya siṟi naho nakuwie cha o mbaṟi njihenu na msanyi o okamba.”

MAWUTO HA WASU 17:31

Nyi ili indi akuteṟye na mkonu foke msa arie icha idumbo nafo mondu fo wuyana wose kya wuhoṟotsu nafudumbuo na msoṟo ulya akumbikye-ho kechiitsya wandu wose mweke fomwidikya ili alemṟutsa wapfunyi.”

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

1 WAKORINTO 5:1

Koichyo kundo kose ke konu kuwode wuṟuhui, na wuṟuhui wu nyi wo mbaṟi ileewa isenda ma ipfo ko wandu walaidikye wai, mndu nakae na mka o ndee.

1 WAKORINTO 5:2

Nanyo mokutumbashya mulakunda ikuinadya kundo nahende iwuto ipfo kiidi kyanu icho atanye kindo kyo.

1 WAKORINTO 5:5

Kyedambikya Satan mndu cho mbihu fohoṟuo kundu mrima fukiṟo mkonu fulya fo Mndumii.

1 WAKORINTO 5:7

Kyasia muahye kitarang'asha kilya kiku na nja kundu muwe mbumba mhya chando mui mulaiwawike kitarang'asha. Cha kipfa na pasaka yadu ilemmaa ishinjo, nyio Kristo.

NGUMBUO YA MAWAWASO 13:5

Kyaindi mwikimbicho ang'u mlashacho o ndodo nechiwooho, kipfa kya ili alosha wandu ilekana na Mndumii-Ruwa, Ruwa onu, alemuwuta orukenyi lo Misri na imukiṟa kuwuka wusingenyi, kundu mude njia Mndumii-Ruwa, Ruwa onu alemuwawasia, nyi wudo mochitoromesha wuwicho kiidi kyanu.

NGUMBUO YA MAWAWASO 17:12

Na mndu alasaṟie iindia mkohanyi ambikeho mohidia Mndumii-Ruwa, Ruwa onu, ang'u modumbuo mondu, mnducho nechiwooho. Nyi wudo mochitoromisha wuwicho kiidi kyanu.

NGUMBUO YA MAWAWASO 17:7

Waṟingishi walya wawi nyiwo wechiwooka imkapa maho kuwooka, numa wengi wamkape na maho. Nyi wudo mochitoromisha wuwicho kiidi kyanu.

NGUMBUO YA MAWAWASO 21:21

O wandu wa mṟifo wechimkumbia manacho maho mṟasa napfe. Nyi wudo mochitoromesha wuwichowo kiidi kyanu. Orio mndu kiidi kya Waisraeli nechiicho kindoki na nechiowuo.”

NGUMBUO YA MAWAWASO 22:24

mochiwaduo wose wawawi nja ya mṟi na iwakapa na maho tane wapfa. Manacho o waka kiwaṟi nawoho kipfa kya ili alalefihiṟa kiherikyo alewado kundu nataramo kyamba nawei mṟinyi; na msoṟocho kiwaṟi nawoho cha kipfa naterefutsa tindi ya mndu o mṟasa oke. Nyi wudo mochitoromisha wuwichowo kiidi kyanu.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

2PETRO 2:9

Mndumii aichi iletsa wandu wamwidikie kiheshionyi kyawo, indi iwa walasumhanyi nyi aichi iwasuṟumya ngapo mfiri foanduo waipfo wechidehelyo.

WACHILI 20:13

Wulalu luinengenyi wandu wo wawicho wawuṟie sonu wa Gibea kundu luwawahe na isanja wukiwa kiidi kya Israeli.” Kyaindi wandu wa oshari lo Benyamini waleadanyia wana wa mayawo wa Israeli pfo.