1 WAKORINTO 5:11 - Bibilia Kui Mdedie fo Kimochi

¹¹ Kya indi wulalu kilya njilemṟehya kiwei kii-le, ke mulasangane na mndu a mlahe manowama nao awa mṟuhui ang'u inyinyi ang'u moindya maruwa ha wongo ang'u mokiruma ang'u makinango ang'u msoki. Mndu o mbaṟi ii ma ilya mulaidikye ilya nao.

1 WAKORINTO 5:11 ပူးပေါင်းရင်းမြစ်များ

SHIIMBO SHA DAWIDI 10:3

Mndu mnyamaṟi nyi akuṟumisha ipfo langonyi tsake, Mndu muumu nyi alehanyi na Ruwa na impiṟa.

SHIIMBO SHA DAWIDI 101:5

Moiria mndu o mṟasa oke kya kiṟika; icho njechimnyamaṟa. Msa awode meso ha orikiiki na ngoo yekushela, icho njechimtirisiapfo.

EZEKIELI 22:12

Kiidi kyapfo kuwode wandu wekeambia fesa kundu wawahe. Koweambia ngeṟia tsa wulembi kundu ukusuṟishe, kochiotoya manawomayo, konjihadima inyi piu.” Nyi wudi Mndumii-Ruwa ahamba.

MATAYO 18:17

Indi kada alaadanya iwo nohende ikyongoya siṟi. Kada alaadanya siṟi naho nakuwie cha o mbaṟi njihenu na msanyi o okamba.”

MATAYO 23:25

Ochia lonu nyo walosha wa mawawaso na Wafarisayo makulembetseṟe, nyi ilindi mokesania ora lo kya nja lo kirahu na kitela, kyaindi ipfo kiidi kikaichuo shindo shii shisoke sha pfinya na shii shyole sha wuseṟeṟi.

LUKA 18:11

Mfarisayo ulya kahoṟoka, katerewa mrimenyi koke adi, ‘Ruwa ngakuichika, kipfa ili njilafananyi na wandu wengi, wasoki, wa ukika, waṟuhui, ma ndafananyi na msanyii-cho o okamba.

LUKA 21:34

“Kyasia, kuṟisenyi, mulawone ngoo tsanu tsechilemeṟo nyi itandaluo ndeu na wunanzi na mawinyisha ha wanda-i, mfiri fulya fuwone fochimutowokia mulakusirie.

MAWUTO HA WASU 1:15

Mafiri naho Petro kakure ipfo kiidi kya wanawawama, na msanzo fo marina hose fuweshikye ihana na makumi hawi, kahamba.

MAWUTO HA WASU 9:17

Kyasia Ananyia kakure kahenda iida na kulya mba iya kamhekya mawoko kahamba, “Saulo, mowowama oko, nyi Mndumii anjiduma o Yesu chu alekuwonekya kulya njienyi kochicha kundu uwuye-se iwona noichuṟo Mumuyo Mwele.”

WAROMA 13:13

Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi.

WAROMA 16:17

Lanye wanawawama, ngamtutuma muringe mnu weitsaho mpaṟakano weitsa shipaṟatsana na shilahutsa shilya shikapanyi na opfundo lulya mui-wapfunde, mukushowe mnu kyawo.

1 WAKORINTO 10:14

Nkyo kimwitike, nyo wakunde wako, mudiche wuindi woindya maruwa ha wongo.

1 WAKORINTO 11:21

na ichu awodo n njaa, na ichu nyi a mnanzi.

1 WAKORINTO 5:13

Indi iwo wakeri ora lo nja nyi Ruwa echiwawonya mdumbuye. Funenyimbafu ulya ipfo kiidi kyanu.

1 WAKORINTO 6:10

Manya waiwi, manya wenyi-wuehi, manya makinango, manya makiruma, manya wasoki.

1 WAKORINTO 6:6

Kya indi mndu manowama ekeanduyana na manomae nakyo nyi ipfo patenyilya walaidikye.

1 WAKORINTO 6:9

A mulaichi ke wewuta sha wukika nyi walechioṟa wumangi wo Ruwa? Ma mulakulembe. Makiṟuhuya na mkiṟuhuyo wechioṟa wumangi wo Ruwapfo, manya weindya maruwa ha wongo; manya wetahachia wali, manya wesutsa wukika ang'u wumi.

1 WAKORINTO 7:12

Kya indi wandu wengi ngawawia inyi chi Mndumii-pfo ke kokoya mndu manowama awode mka oke alai mwidiki nao mka chu akundi kukaya nao nalamsame.

1 WAKORINTO 7:15

Kya indi ichu alai mwidiki kalekana nakulekanye. Hando ho manowama mndumii ang'u mka nampfungiṟyepfo. Kilya Ruwa alulahye so nakyo nyi kiidikyano.

1 WAKORINTO 8:11

Na ulya mfafa kahenda idetso nyi wuṟango wu wopfo, nao ai nyi manowama msa Kristo alempfia.

WAGALATIA 2:12

Cha kipfa mandi wa ko Yakobo walandeshika-ho o awelya handu hamu na wa mkambo ingi. Indi matika halya wo wamcha napfo kakuwukya kowo kawe kuwika kyanya kipfa aweowoye walya wadine.

WAEFESO 5:18

Ma mulakunanze na mpfinyo fuwode kidetsa okiio, indi muichuṟo nyi Mumuyo Mwele.

WAEFESO 5:5

Nakyo nyikyo mukiichi mukamanya ke kwipfo mṟuhui oose ang'u o wulala ang'u mwehi nao moindya maruwa ha wongo awode kyoṟa ipfo wumanginyi wo Kristo na wo Ruwapfo.

WAKOLOSE 3:5

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

2WATESALONYIKYE 3:14

Indi kokoya kwipfo mndu alaicho idedo lyadu lya paruo ii, mumbikie kichano, mulakulonge nao kundu nawado nyi sonu.

2WATESALONYIKYE 3:6

Natso lombawasya nyo wanawawama, kui rina lya Mndumii Yesu Kristo; ke mlekane na orio manowama awuka kambenyi alaichumia kehendelya opfundo lulya lulemdambikya.

1TIMOTEO 3:3

Nalawe mkuwi, nalasohuo mondu, indi nawe mwoloṟu alalang'a, alai mweehi.

1TIMOTEO 6:5

na masingano ha kitsitsi ha wandu wai wafurunjie mhie waiwasoke wukilohi, nyiwo wehamba ke wuindi wulya wowa woikapa nawo mbucha.

2YOHANE 1:10

Kokoya mndu echicha konu alarie opfundo-lu mulamwambye kanyi konu, mulambie ma idedo lyemwiṟikiṟa.

OTAMBAHALUO LO YOHANE 2:14

Indi njikuwodie mondu kya shindo shiwe, kyamba ipfo konyu uwode wandu wawode njopfundo tsa Bileamu awekelosha Balaki iduo wana wa Israeli wutahachinyi wahende ilya nyama ndasye maruwa ha wongo na wuṟuhuinyi na wulala.

OTAMBAHALUO LO YOHANE 2:20

Indi njikuwodie mondu, kyamba oidikiana na mka ulya Yezebeli ichu akuhamba amonyi ke mwikimbi o Ruwa kalosha echitusa masinga hako wawe waṟuhui wahende ilya na nyama ndasye maruwa ha wongo.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.