1 WAKORINTO 5:10 - Bibilia Kui Mdedie fo Kimochi

¹⁰ Chi ngamhamba nayo waṟuhui wakeri na wuyana wu ang'u manyinyi ang'u wasoki ang'u weindya maruwa ha wongo wai nawo. Kiwei kido kiwemwitika muwuke iya wuyana.

1 WAKORINTO 5:10 ပူးပေါင်းရင်းမြစ်များ

LUKA 18:11

Mfarisayo ulya kahoṟoka, katerewa mrimenyi koke adi, ‘Ruwa ngakuichika, kipfa ili njilafananyi na wandu wengi, wasoki, wa ukika, waṟuhui, ma ndafananyi na msanyii-cho o okamba.

YOHANE 15:19

Kima muwei wa kiwuyana, wuyana wu wuwechimukunda nyo mlai wandu wawo. Indi ili nyo wa mlai kiwuyana na inyi njilemusambuṟa njemletsa na wuyana-wu lyo lyatewa wuyana wu womsuo.

YOHANE 17:6

“Rina lyi lyapfo lyo njiletambaṟuya wandu wa ulewanjienenga na iwawuta kunu wuyana. Wawei wandu wapfo, na iyo kowanjienenga, nawo nyi wamewada idedo lyo lyapfo.

YOHANE 17:9

“Nawo nyiwo njiwaterewya. Chi wuyana wu ngawuterewyapfo, kya indi nyi iwo ulenjinenga kipfa ili wakeri wapfo.

YOHANE 8:23

Yesu kawawia, “Nyo nyi kunu wuyana mupaṟikye, inyi kipaṟika kyako nyi kulya huye. Nyo mui wandu wa wuyana, inyi chi o wuyanapfo.

1 WAKORINTO 1:20

Mndu mṟango nyi ku aya? Mndu mlaanyi o shitapu nyi ku aya? Mndu mwiichi motambahanya njo-pfundo tsa mandi ha nyi ku-aya?

1 WAKORINTO 10:27

Mndu o walya walaidikye kamlaha nanyo mukakunda ihenda-pfo kulienyi orio kindo wamuwikya mulechiwesa kundo kuwukye mochiringa ngo tsa mrimenyi.

1 WAKORINTO 5:11

Kya indi wulalu kilya njilemṟehya kiwei kii-le, ke mulasangane na mndu a mlahe manowama nao awa mṟuhui ang'u inyinyi ang'u moindya maruwa ha wongo ang'u mokiruma ang'u makinango ang'u msoki. Mndu o mbaṟi ii ma ilya mulaidikye ilya nao.

1 WAKORINTO 5:9

Njilemṟehya na paruo iya ke ma mulasangane na waṟuhui.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

WAEFESO 2:2

Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

WAFILIPI 2:15

Kundu muwe watechi na wasalari mui wana wa Ruwa walawode paṟi kiidi kya mbaṟi ya wandu ilee kipfuṟi ipfulukye, ipfo kiidi kyawo muiwaa cha nyenyeri tsii aa wuyana.

1YOHANE 4:5

Walya nyi wapaṟikye kunu wuyana. Nkyo kyatewa wekededa sha kunu-wuyana na wuyana wu wukawaicho.

1YOHANE 4:7

Wakunde wako, luitike ikundana luwenyi-na-wenyi. Kipfa mkundye fumenyi nyi ipfo ko Ruwa fupaṟikye. Na orio menyi-mkundye amefeo nyi Ruwa na imanya kamanya Ruwa.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.