1 WAKORINTO 4:7 - Bibilia Kui Mdedie fo Kimochi

⁷ Kyamba nyi o ku akuwika iyo mdonyi. Nyi kiki ukiwode ulakiambye? Na kiwe nyi ukiambye nyi kyaki ukushela cha nyi kulakiambye?

1 WAKORINTO 4:7 ပူးပေါင်းရင်းမြစ်များ

MFANANO 2:6

Kipfa Mndumii nekeinenga wandu wuṟango; Dumbunyi lyake kuwode wulaanyi na imanya shose,

EZEKIELI 29:3

Mbie kudi, Inyi Mndumii-Ruwa menyi matorito ngahamba njidi: “Inyi njelimbana na iyo mangi o Misri, Iyo nyi kinyau kilee medenyi Nili! Kyamba nuichi ke meda fo Nili nyi fopfo, Ke nyi iyo ufuwikie!

DANIELI 5:18

Ko mbonyi tsapfo iyo mangi kikeri kiile:- Ruwa-chu akeri huya shose naleinenga Nebukadneza wumangi akeri ndeo, kamnenga wusuṟi wuitoṟi na wunene

DANIELI 5:23

Kokuirinyisha oshangunyi lo Mndumii-Ruwa o ruwehu; mkaende shombo shilya shele shikaendo na mmbenyi yapfo mukanyo nasho iyo na wanene wa mkambo, na waka wapfo na shitonga shapfo, mokiidima mukaṟumisha maruwa hanu ha wongo ha sahabu na fesa na aṟeṟa, na ha mashidi na ha maho; halekewona manya iicho, na halaichi idedo lyose na Ruwa ulya mṟufu fopfo fui kuwokohu koke na njia tsapfo nyi tsake ulakunde imṟumisha.

LUKA 19:13

Kalaha wasoṟo wake ikumi, kawainengia mahana ikumi ha shilingi, kawawia, ‘Kape-kapenyi natso mbucha njitane ngawuya.’

YOHANE 1:16

Na ili pfo koke nyi kidahyonyi lukawa welimyo kisumbo kikaweitumano nyi kisumbo.

YOHANE 3:27

Yohane kahalwo kahamba, “Kwipfo mndu eidima iwada kindo shila nyi kilya ainengo nyi Ruwapfo.

WAROMA 1:5

Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose.

WAROMA 12:3

Kisumbo njii-msumbe nakyo kyanjienenga njiwie orio mndu ose akeri ipfo konu, ke nalahie kyake kyekung'anyisha kyeng'anya kilya kimsuhananye, kya indi nahie-ho kyeidikya kidembo kyake chando Ruwa ahawye orio mndu kiheo kya mwidikye.

WAROMA 12:6

Na shisumbo so lui-wasumbe shirianyi na wutonga wulya, sho shii shingi na shingi. Msa amsumbe wuikimbi naikimbe kisumhanye wuidiki.

1 WAKORINTO 15:10

Kya indi kui wutonga wo Ruwa nji chasa nji, na wutonga wu woke wunjikerye chi wulewa wo wulyapfo kya indi ngamewinya kya wueṟa kota wo wose, ma chi inyipfo shile nyi wutonga wu wo Ruwa wukeri na inyi.

1 WAKORINTO 3:5

Alewo Apolo nyi ai ki, na Paulo nyi ai ki? Nyi wakeri wapfuṟu-kanyi mulemidikisho nyiwo na orio ose aweiṟunda kiheo kilya Mndumii alemnenga.

1 WAKORINTO 5:6

Ili mukutumbashye mudi chi kichapfo. Mulaichi ke kitarang'asha sa kitutu kidutsye mbumba fo mso fose mtarang'ao?

1 WAKORINTO 7:7

Kyako inyi njikundi nyi kiile ke wandu wose wawe cha inyi njimonyi. Kya indi orio mndu ose ai msumbe nyi Ruwa kii kyake amonyi ichu nyi wudi na ichu nyi wudi.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

1PETRO 4:10

Muwe mochipfuṟukanyana muwenyi na wenyi orio mndu ose kui kisumbo kya wutonga ameinengo nyi Ruwa, mui waiṟichi wecha weiṟichya-ho wutonga wo Ruwa wui-wuhawie-ho wo mbaṟi ii na ii.