1 WAKORINTO 4:5 - Bibilia Kui Mdedie fo Kimochi

⁵ Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

1 WAKORINTO 4:5 ပူးပေါင်းရင်းမြစ်များ

YOBU 12:22

Nekeshikuo njoṟoo tsa meema, kairia huye ko sa shilya shii meemenyi.

MFANANO 12:8

Mndu nechiṟumisho kipfa kya wuṟango woke; Indi mndu o mrima fo okachu nechimino.

KOHELETI 11:9

Iyo manake, chihiyo kipfa nyi ui mkoho, na mrima fopfo fuchihiyo ikeseka kiheri ki, uweosha ohendo lo mrima fopfo, na ipfo kiidi kya isho uwonyi na meso hapfo; kyaindi nowemanya ke kipfa kya isho shose Ruwa nechikuende mengenyi nakuanduye.

KOHELETI 12:14

Kipfa Ruwa nechianduya orio iṟunda, na orio idedo lya kiṟika, liwe licha ang'u liwicho.

YEREMIA 16:17

Kipfa inyi njiwonyi mawuto hawo hose kuwode kindo kiṟike kokopfo. Madeko hawo hose hai pata koko.

YEREMIA 23:25

Njileicho isho waikimbi walehamba shisuku sha wongo kui rina lyako wehamba, ‘Ngalodia ndodo! Ngalodia ndodo!’

HOSEA 8:13

Ambuya wo nyi wakundi iwuta mwano na shidaso, nyi wekewuta shidaso wakawelya nyama tso, kyaindi inyi Mndumii-Ruwa shekenjichihiṟapfo, Inyi njihenda ikumbuo njonyamaṟo tsawo, njihenda iwakapa kipfa kya madeko hawo, ambuya nyi njihenda iwawihiṟa wusingenyi kulya Misri.

MALAKI 3:18

Nlyong'u mochiwuya na imanya wecha na wawicho na weṟundia Ruwa nyi waki na walamṟundia.”

MATAYO 10:26

“Kyasiang'u manya mulawone mochiwaowuo. Kipfa kwipfo kindo kii kipfinyike kide kilapfunuka numapfo, ma kindo kii kiṟike kide kilapfunuka numapfo, ma kindo kii kirike kide kilamanyikapfo.

MATAYO 24:30

Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi.

MATAYO 24:46

Sia na ya isinga lilya lyechikoya Mndumii olyo ache kambona kewuta ado.

MATAYO 25:21

Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.”

MATAYO 25:23

Mndumii ulya oke kambia, “Nyi ulewuta mecha kui isinga icha sa lihendeli. Nyi uwekeri mnene o shindo sa shitutu koweshihe-ndelia. Njekuwika mnene o shindo shifoi. Henda kuidye na sienyi ya Mndumii opfo.”

LUKA 6:37

“Ma mlawone mochiwonyia wengi wuwicho, nanyo mochiwonyiopfo; ma mulatetekie owingo, nanyo mochitetekyopfo, leheṟenyi, nanyo kundu muleheṟo.

YOHANE 21:22

Yesu kambia, “Kokoya ngakunda ichu nakae-pfo njitane ngawuya a ikyo kikuwode ki iyo? Iyo kenjiosha tupu.”

YOHANE 21:23

Nahong'u nyipfondo kuwewukye mhambo fulya fuvedung'anye ipfo ko wanawawama foehamba, ke mndu chu o kiloshyonyi epfapfo. Na kindo Yesu alembia chi alembia epfapfo. Nyi alembia, “Kokoya ngakunda ichu nakae-pfo njitane ngawuya a ikyo kikuwode ki iyo?”

YOHANE 5:44

Nyi wuda moidima iidikya nyo ili mokeringa kiṟumi mukeri muiwikyana muwenyi na wenyi, na kiṟumi kilya kicheye ko Ruwa amonyi mulaikiwalya?

WAROMA 14:4

A iyo nyi o wu notane oanduya mṟundi o mndu ungi? Nyi Mndumii oke amonyi ekembanza mafuo hake ang'u imwolotsa wanda; indi nyi echihoṟoka kyamba Mndumii ai na pfinya yemhoṟotsa.

WAROMA 2:1

Nkyo kyaenenga hoi iyo, ui mndu o wandu, ma kowa wu, ulaidima ikuwuta-ho ili uidedya ungi; kyamba ipfo kundo odedya ungi mpfondo okuwonya owingo iyo kumonyi, kyamba isho ukeri ideda kyasho nyisho nasho iyo kumonyi ukeri iwuta.

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

WAROMA 2:29

Kya indi sa ai Myuda o lohi nyi ichu akukerye adi Myuda kya mba na odino nyi lukukerye ipfo kundo ngoo iinjitsane. Likawa kui Mumuyo likawewa kui mweke fo iwawaso. Na mndu ai adi kiichiko kyake ewikyo kiwukye ko wandupfo shila nyi ko Ruwa amonyi.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

1 WAKORINTO 1:7

Nakyo kikaenenga mulatiyo nyi kisumbo ma kida ma kida mukakaa mochiwedya ikuloṟa lya Mndumii odu Yesu Kristo.

1 WAKORINTO 11:16

Indi kokoya kwipfo ahamba nawike-ho Ngano, so luwode kido cha ikyopfo, manya siṟi tsa Ruwa ote.

1 WAKORINTO 11:26

Kyamba orio mandi molya mkate fu na inyo kirahu ki mukeri ihamba opfu lo Mndumii itane echiwuya.

1 WAKORINTO 15:23

Kya indi orio mndu ose na itumana limsumhanye, mboki nyio Kristo numa walya wake o Kristo ili echiwuya.

1 WAKORINTO 3:13

Kyasia kiṟundyo kya orio mndu kyechiwoneka na pata, kyamba mkonu fulya fulya fochikimanyisha kipfa nyi fochikuwonekya furie modo, na modo fu fumenyi nyi fochihamba kiṟundyo kya orio mndu ke nyi kiwei kya mbaṟi nki.

1 WAKORINTO 3:14

Kiṟundyo kya mndu awikye-ho kikakaa-ho kiwangi echiambya woṟunda woke.

1 WAKORINTO 3:8

Kya indi mowaya na monosa wahianyi, na orio owo echiwona woṟunda woke wumsumhanye o wuidikyanyi na mawina hake.

2 WAKORINTO 10:18

Kyamba chi ichu akuhamba amonyi awa mtechipfo shila nyi ichu aihambo nyi Mndumii.

2 WAKORINTO 10:9

Ndashike iwono cha nyi njikundi imwowesha kui paruo tsako.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

2 WAKORINTO 5:10

Kyamba so lose pyu nyi kiluwaṟi ihoṟotso na pata ipfo mengenyi injidose nyi Kristo kundu orio mndu ose naambye kiheo kyake chando awetana kui mbihu shiwe nyi shicha a shiwe nyi shiwicho.

1WATESALONYIKYE 5:2

Kipfa nyo muwenyi mwichi na kamu ke mkonu fo Mndumii, cha mwiwi o kio nyi wudo fochicha.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

YAKOBO 4:11

Muladedane, wanawawama. Ichu aideda manowama ang'u aidumbuo manomae nyi ekededa wuwawaso na idumbuo wuwawaso. Indi kokoya odumbuo wuwawaso nyi ukeri mtanyi motana wuwawasopfo indi nyi ui modumbuo.

YAKOBO 5:7

Tsindenyi mochikukarishya itane Mndumii echikuloṟa. Ambuya, mndu mdemi akeri iwedya kilimu kicha kya sanga echikukarishya kyakyo itane kyaambya mvuo yesonguo na mvuo yainutsya.

YAKOBO 5:9

Wanawawama, mulanunuwiane muwenyi-na wenyi, kundu mulahende yanduyo. Ambuya, moanduo aakya ipfo shichuminyi.

1PETRO 1:7

Kitewe nyi kundu kihesha mwidikye fonu kiende kiṟumi kicha kota kilya kyehesha sahabu iya yechisia nayo yekyemanyisho modonyi, kishikye iwono kyechiende kiichiko na wuitoṟi na kiṟumi mandi halya Yesu Kristo echiwonekya.

1PETRO 5:4

Mukamba mudo nyi mochikudaya oṟo ilechinaa yehamba wuitoṟi matika na halya mlisi chu ang'anyi ewonekya.

2PETRO 3:12

Muwe mochiweda iwoneka lya Mkonu fukeri fo Ruwa mofuwingya. Mfo fochitewa ngina yechipaṟatsano modonyi na shiṟaana shechisalaṟo shii-shii-rohie m mrike.

2PETRO 3:4

Wekehamba, “Kyasa kya iwuya lyake kilemawutsyo hanga ngesa?” Wokya mandi waku wamepfa, shindo shose shii chando shiwei lilya shilewiko iya wuyanenyi.

YUDA 1:14

Indi kyawo na Enoki mku chu o mfungade wokia Adamu alemaa ideda kui Mumuyo kehamba. “Ambuya Mndumii nechicha arianyi na malaika wake wai matorito ha shiku ikumi ikumi.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 20:12

Na ngamwambuo ngawewona wandu walya wang'anyi na walya watutu wahoṟoki oshangunyi lo loṟika lulya lo wuitoṟi. Na shitapu shikatambaṟuo. Kukawetambaṟuo na kitapu kingi, nkyo kitapu kya moo. Na wapfu walya wakaanduyo kyawo kisumhanye mawuto hawo haimaṟehye ipfo shitapunyi.