1 WAKORINTO 4:12 - Bibilia Kui Mdedie fo Kimochi

¹² Luiwina lochiluya moo kui maṟunda ha mawoko hadu luwenyi. Hando lohenda irumo nyi lowika-ho ona, hando lohenda iterengyo nyi lokutirisia.

1 WAKORINTO 4:12 ပူးပေါင်းရင်းမြစ်များ

MATAYO 5:11

Nanga nyo ili mochiwona wemruma na imwamtsia shiterengio na imdeda-deda orio kindo kiwicho kyose kii kya wongo, indi kikawa kifa kyako inyi.

MATAYO 5:44

Indi inyi nyi ngambia, Kekundenyi wakituwa wanu, na iwo wemterengia, kewaterewienyi!

LUKA 23:34

Na Yesu kahamba, “Hoi Wande uwahooṟie, kipfa iki waiwuta wakiichipfo.” Na nguwo tsilya tsake wakatsihawa wechikapa natso kuṟu kuhya.

LUKA 6:28

Kundenyi iwo wekemsesa mboṟa, muweterewia iwo wekemruma.

YOHANE 15:20

Kumbuonyi shilya njilemuwia: Kuipfo mndu isinga ang'anye menyi olyopfo. Komkoya nyi walenjiterengya inyi, nanyo na wudo wechimuterengya. Kukoye waweringa madedo hako na iho hanu nyi wechiharinga-da.

MAWUTO HA WASU 18:3

Nawo nao ili wupfuru wowo wuwei wumu kakaa kowo wechiṟunda handu hamu. Kyamba wei waarya wesungusia mahema.

MAWUTO HA WASU 20:34

Nyo mbeichi muwenyi ke mawoko ho hako nyiho halenjitambahanya shindo shako shinshikye na sha wodoya wako.

MAWUTO HA WASU 7:60

Kapfiria ndi kalaha na ṟu ling'anyi kahamba “Hoi Mndumii! Ma kulawapfungiṟye-wo wunyamaṟi wu!” Kekihamba ado donyi kadonyikya madonyi kapfa.

WAROMA 12:14

Walya waimterengya muwawikye ona. Ee-wo iwawikya ona, ma mulawasese.

WAROMA 12:20

Kya indi iyo mkituwa opfo kawado nyi njaa kewemnenge shelya, kawado n nyoda kewemrutse mṟinga; kowika kudo nyi ochimsanya okaa lwake oo mdo-hu foke.

WAROMA 8:35

Ichu echiluletsana na ikunda lya Kristo nyi wu ngesa? Ngesa kiwe nyi shiwira ang'u ikisokiso, ang'u iterengyo, ang'u nyi njaa ang'u nyi iwuṟa nguo, ang'u nyi ndenga; ang'u ifunyo oshu?

1 WAKORINTO 9:6

Ang'u alae nyi inyi njimonyi na Barnaba lulai na momu foda maṟunda heluya moo?

2 WAKORINTO 11:8

Siṟi tsingi njiletsisoka njeambyaho kitarama kyempfuṟukanya nyo.

WAEFESO 4:28

Muiwi nalakiiwe-se, indi naṟunde necha nawe motambahanya kilya kii kicha ekisungusia na mawoko hake hamenyi kundu nakuwonye-ho kyenenga na ulya akiwuṟye.

1WATESALONYIKYE 2:9

Kekumbuonyi-ng'u-wo ngatara tsadu na wawina, wanawawama. Luweiṟunda kio na mfiri, kundu lulawewona lochirohya ma umu onu iliindi luwemwongoya ndumi ya sia ya okiio iya ya Ruwa.

2WATESALONYIKYE 3:8

Ma luwekekulia mkate ya nga luweinengo nyi mndupfo, kya indi luwekyekuwinyisha na ikurohya lochiṟunda kio na mfiri kundu lularohye manya umu onu.

1TIMOTEO 4:10

Nalyo lyaluenenga lokuwinyisha loira-ho ngapano kipfa lokusirya na Ruwa chu menyi moo ai mkiṟi o wandu wose, kya ngoseṟa o walya wamwidikye.

1PETRO 2:23

Nao ili arumo aletaa erumapfo kawawiṟo alasese; kakidea Ruwa ichu modumbuo kya wusumhanyi.

1PETRO 3:14

Kya indi kokoya mohenda iwawiṟo kipfa mowuta kya wusumhanyi, nanga nyo. Ma mulaowuo mndu oose, ma iwuko m madima.

1PETRO 3:9

Shiwicho mowutyo nyo, ma mulataaye na shiwicho shingi. Ma mularume ili momrumo nyo. Indi kaenyi ora lungi muwe mowikya ona, kipfa kilya mui-walahie nyi Ruwa kundu muhendeduo ona luwe kyoṟa kyanu.

1PETRO 4:19

Nkyo kimaduma iwo waiwawiṟo kui wuitiki wo Ruwa wadambikye mrima yawo mtsanyi chu mhendeli wechiwuta kilya kii kicha.

YUDA 1:9

Indi o Mikaeli msu chu ang'anyi ilindi aleloyana na Satana wechikapanya-ho mnying'a fo Mose ma alekarya imkumbya satana mdumbuye echimrumapfo kya indi alehamba. Mndumii nakudedye.