1 WAKORINTO 3:5 - Bibilia Kui Mdedie fo Kimochi

⁵ Alewo Apolo nyi ai ki, na Paulo nyi ai ki? Nyi wakeri wapfuṟu-kanyi mulemidikisho nyiwo na orio ose aweiṟunda kiheo kilya Mndumii alemnenga.

1 WAKORINTO 3:5 ပူးပေါင်းရင်းမြစ်များ

MATAYO 25:15

Ichu kamnengia talanta tsitanu na icho ungi tsiwi na icho ungi imu. Orio mndu ose kamnengia chando kisumuhanyi na pfinya yake. Naho kahenda kyaṟo.

LUKA 1:2

Chando watsiludambikie iwo wawetsiwonyi matsika kuwoka, wawewei na wahidi wa kidedo-kyo.

YOHANE 3:27

Yohane kahalwo kahamba, “Kwipfo mndu eidima iwada kindo shila nyi kilya ainengo nyi Ruwapfo.

MAWUTO HA WASU 18:24

Kyasia mndu Myuda rina lyake ewio nyi Apolo amfeye Aleksandria kashika kulya Efeso ai mlaanyi molaya shindo shose awei na mbahanyi ipfo mṟehonyi.

MAWUTO HA WASU 19:1

Kikashika Apolo akeri kulya Korinto Paulo kekikuidya njorukenyi tsilya tsa huye kashika Efeso kakumbuhanana-pfo na wa kiloshyonyi maata.

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

1 WAKORINTO 12:28

Na kwipfo Ruwa awawikye ipfo siṟinyi, lyesonguo nyi wasu, lya kawi nyi waikimbi, lya kaṟaṟu nyi wedambuo, lingi nyi wewuta ngata tsa pfinya, lingi nyi warie pfinya tsechiṟa waluo, lingi nyi waeki, lingi nyi waiṟichi, lingi nyi wededa mdedye ya shiṟuma.

1 WAKORINTO 16:12

Indi kya Apolo chu manowama nyi ndemterewa mnu ke nache na konu kimu na wanawawaam, nao kaleha ihenda wulalu pichu; kya indi echicha ili echiwona daawa.

1 WAKORINTO 3:10

Kui kiheo kya wutonga wo Ruwa njii-msumbe nyi ngamewika kiwanja cha mpfuru mṟango na ungi kawika-ho mba. Kya indi orio ose moiwika-ho naṟunde na osaṟe.

1 WAKORINTO 3:22

Liwe nyi Paulo, liwe nyi Apolo, liwe nyi Kefa, liwe nyi wuyana wu, liwe nyi moo, liwe nyi opfu liwe nyi shindo shi-ho liwe nyi shilya shekaa shiwe, shose nyi shanu.

1 WAKORINTO 3:7

Kokoya nyi wudo kii mowaya chi kindopfo ma ichu monosa chila Ruwa moalutsa nyio.

1 WAKORINTO 9:17

Cha kipfa ngatana iki kui ikunda lyako njiwode woṟunda woko. Kokoya kilai nyi ikunda lyako, kya indi wukaṟa wu na njimdambikye.

2 WAKORINTO 11:23

Wo nyi wapfuṟukanyi wa Kristo? Hondo ngadeda njisuko, ke na inyi kawi; njiwewodo nyi shiwira sheida shingi, njiwepfungo mapfungo herohya kota njiwekapa makapo nguka njiwerie ihenda ipfa njopfu tsifoi.

2 WAKORINTO 3:3

Nyi mutambahalukye na pata ke nyi mui paruo ya Kristo i njitomboyane nyiso, ii njiṟehye chi kui wino kya indi kui Mumuyo o Ruwa chu menyi-moo; chi mapalu-hu ha mahopfo indi mapalu-ho ha ngoo stii nyama.

2 WAKORINTO 3:6

Nao nyio alutanyie watechi wepfuruṟukanya mkundano fu mhya fulai fo mṟeho indi nyi fo Mumuyo; kyamba mṟeho foende opfu, indi Mumuyo awikye moo.

2 WAKORINTO 4:1

Nkyo kyainenga ili lui na wupfuṟukanyi wu kui isaṟia lilya nyi lokewuya numapfo.

2 WAKORINTO 4:5

Kyamba lulakeri ikuhamba so luwenyi, kya indi nyi luihamba Kristo Yesu mndumii, naso luwenyi lui masinga hemsingya nyo kimaduma kya Yesu.

2 WAKORINTO 4:7

Indi lurie kisa ki shihienyi shii-shiwumbe na wumba kundu pfinya ii iingiki idi imanyike ke nyi ikeri ya Ruwa, ilahambo ke nyi kodu so iwukie.

2 WAKORINTO 5:18

Indi ishi shose shiwukye ko Ruwa ichu alusanzye so nao amonyi kui Kristo nao aluinengye wupfuṟukanyi wo kisanza-ki.

2 WAKORINTO 6:1

Indi ili lukeri wa kyando-ki nyi lomututuma, ma mulawone mochiambya wutonga wo Ruwa kya wulya.

2 WAKORINTO 6:4

Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

WAEFESO 3:7

Kyayo nyio inyi ngamtano mṟundi kui isaṟia mopfuṟukanya kui kisumbo kilya kya wutonga wo Ruwa njimwinenge kui wuitiki wo pfinya yake.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

WAKOLOSE 1:25

Na inyi njimbike mṟundi-oyo kui wuiṟichi wu wo Ruwa njilewudambikio wo kiira kyanu, kundu njiawutsie necha imwongoya idedo li lya Ruwa.

1TIMOTEO 1:12

Ngaana Mndumii odu Yesu Kristo mbanzi oko ili alenjikusaṟa mhendeli kanjiwika kipfuṟukanyonyi.

1PETRO 4:10

Muwe mochipfuṟukanyana muwenyi na wenyi orio mndu ose kui kisumbo kya wutonga ameinengo nyi Ruwa, mui waiṟichi wecha weiṟichya-ho wutonga wo Ruwa wui-wuhawie-ho wo mbaṟi ii na ii.