1 WAKORINTO 3:19 - Bibilia Kui Mdedie fo Kimochi

¹⁹ Kyamba wuṟango wo wuyana wu nyi wutondo ipfo sumuhana na Ruwa. Kyamba kii-kiṟehye kii-le, “O nyio mochawilia waṟango ipfo mlemekonyi yawo.”

1 WAKORINTO 3:19 ပူးပေါင်းရင်းမြစ်များ

2SAMWELI 15:31

Dawidi kawio ke mlaanyi oke Ahithofeli nakulunga na Absalomu. Dawidi katerewa Ruwa kahamba, “Mndumii ngakuterewa nohaluo wulaanyi wose wo Ahithofeli wuwe wutondo.”

2SAMWELI 16:23

Kyasia Absalomu kaindia madedo ha Ahithofeli, chandu ndeye o Dawidi awekewuta; kipfa kiheri kilya orio madedo hose ha wulaanyi ha Ahithofeli hawekeindio cha madedo hawukie ko Ruwa na iinengo kiṟumi nyi Dawidi na Absalomu.

2SAMWELI 17:14

Kyasia, Absalomu na wandu wake wa Israeli wakahamba, “Wulaanyi wo Hushai wuwucha kota wulya wo Ahithofeli; kipfa Ruwa naweteṟie ifunja wulaanyi wucha wo Ahithofeli kundu naende mawicho huya Absalomu.”

2SAMWELI 17:23

Kyasia Ahithofeli kawado nyi sonu ing'anyi mnu kipfa kya ili Absalomu aleha wulaanyi woke; kaala njonyi huye ya nzoi yake, kaidoya kahenda mṟinyi foke, kakuotsuo kapfa, kaṟiko shipfunyi hando ndeye awemṟike.

ESTA 7:10

Kyasia wakaduo Hamani wakamasa alya ikidihu handu ha Mordekai. Nyashi ya mangi ikahuo.

YOBU 5:13

Nekewada wenyi wuṟango kwi-mtambo-yawo, makusaṟo ha wenyi mtambo kahatoromesha-oweṟe.

SHIIMBO SHA DAWIDI 141:10

Wawicho wakeoloka kiidi kya mdeho, yawo wawenyi ya ndusu. Kiheri kyo inyi njikuidiaho na kipuo.

IWUKA 1:10

Kyasiang'u! Luwawutie sha wuṟango, walacheiengeṟeka; kukocha shida, wo walashike ikulunga na wakituwa wadu na ikapana naso, na idicha iwuka kunu orukenyi.”

IWUKA 18:11

Wulalu ngamanya ke Mndumii-Ruwa nyai mnene kota maruwa hose; ee-da, kiidi kya mbonyiyo walewawutia kui wunesi.”

MFANANO 14:8

Wuṟango wo mndu mlaanyi nyi imanya njia yake; Indi wutondo wo matondo nyi wulembi.

MFANANO 21:30

Kuwode wuṟango ma imanya-pfo, Ma makusaṟo kya Mndumii.

YESAYA 44:25

Njekenyamaṟa shichano sha wewuta wongo, na ihaluo wahanga wawade oṟuṟe; njekewihiṟa walaanyi na numa, ngahaluo wuṟango wowo wutondo;

1 WAKORINTO 2:6

Sha wuṟango na lushiwode sheongoya walya wai waholoki, indi wuṟango wu wulai wo maindi ha ki-wulalu manya wo waitoṟi wa ki-wulalu ki kyerumara.

1 WAKORINTO 4:6

Nasho wanawawama, ngameshihalutsya ora lo kodu so na Apolo kimaduma kyanu, kundu mukuwutye kodu imanya ke kulatole shilya shii-shiṟehye, kundu ichu umu nalakushelye-ho kya ichu umu kechilehana na wengi kya ichu ungi.

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

YAKOBO 3:15

Iwu wukeri wudi chi wuṟango wuwukye ipfo huyepfo, indi wukeri wo shi, wo ki-wandu, wo ki-waṟupfu.