1 WAKORINTO 3:17 - Bibilia Kui Mdedie fo Kimochi

¹⁷ Kokoya mndu anyamaṟa hekalu lya Ruwa, na Ruwa echinyamaṟa mdu cho. Kyamba hekalu lya Ruwa lii yele, nalyo nyi nyo.

1 WAKORINTO 3:17 ပူးပေါင်းရင်းမြစ်များ

MAWOOKIONYI 28:17

Nao kaowuo kahamba, “Handuha haoweshie cha kiki! Kofia iya nyi mba ya Ruwa, naho nyiho mongo fo ruwehu.”

1MBONYI TSA MAHERI 29:3

Ngoseṟa ya isho shose ngamewuta ko mba yo njiele ya Mndumii-Ruwa, njiwodese masaa hako njimonyi ha sahabu na fesa, sa njishiwuta ko mba yo ya Mndumii-Ruwa oko, kipfa kya ikunda lyako lya mba yo ya Mndumii-Ruwa;

SHIIMBO SHA DAWIDI 74:3

Iriaho madende hapfo nowone chandu kulenyamaṟika piu; wakituwa walewutia orio wuwicho handu hapfo haele.

SHIIMBO SHA DAWIDI 79:1

Ewo Ruwa, wandu wa mbaṟi njihenu waida na kyoṟenyi kyapfo. Wameteṟefutsa hekalu lyapfo liele. Wametana Yerusalemu mrapu.

SHIIMBO SHA DAWIDI 93:5

Shiṟingishio shapfo nyi lohi nakamu; wuele nyiwo wuwaṟi ipfo mbenyi yapfo, ee wo Mndumii, mlungana na mlungana.

SHIIMBO SHA DAWIDI 99:9

Ichimbiṟenyi Mndumii, Ruwa odu; aramenyi mochiambuya fumvunyi lyake liele; kyamba Mndumii, Ruwa odu nyio ai mwele.

IWUKA 3:5

Nao Mndumii-Ruwa kahamba, “Manya kulatikirie iya; wuta shadu shapfo ipfo; madendenyi hapfo; kyamba iya handu uhoṟoki nyi handu haele.”

YESAYA 64:11

Mba yadu njiele, na njicha, kulya wandeadu walekuṟumisha, yasaramaya na modo; shindo shadu shiweipfo shicha shanyamaṟika.

EZEKIELI 43:12

Ili nyi lyo iwawaso lya hekalu li kyamba orukalu luṟingichie hekaluli iya fumvuhu nyi litane liele. Ambuyang'u ili nyi lyo iwawaso lya hekalu.”

EZEKIELI 5:11

Mndumii-Ruwa chu ai na moo, ichu ulefanyitsa hekalu lyake na mawuto hapfo hafanyi na mchumie fopfo mbicho nechikukapa manya riso lyake lyechikulilia ma ikusaṟia pfo.

EZEKIELI 7:22

Mndumii nahamba ke nechiwada wahende ifanyitsa hekalu lyake, kyamba waiwi wechiida na ipfo hekalunyi lyake wawehenda ilifanyitsa.

WALEWI 15:31

“Nyi wudi mochiwaletsana wana wa Waisraeli na mteṟefutsie yawo; kundu walapfe wai mteṟefutsienyi yawo, ili wechiteṟefutsa handu hako kiidi kyawo.

WALEWI 20:3

Inyi njimonyi njechikoyana na mnducho njimletsane na wandu wake kipfa kya ili alekia umu o wana wake kidaso ko ruwa Moleki na kudo kafanyitsa handu hako haele handu hamu na rina lyako.

SEFANIA 3:4

Waikimbi wake nyi wandu wafafa, walembi; wakohanyi wake walefanyitsa ngafu handu haele, wakahaluo wuwawaso wunyamaṟi.

MAITALA 19:20

“Kyaindi mndu aterefukie kada alakuheṟemtsa, mnducho nechiwuto kambenyi lya wandu nawiko kuleshe, kipfa kya ili aterefutsa ihema lya Mndumii-Ruwa. Kyamba alaleolio mṟinga foheṟemtsa, naterefukie.

1 WAKORINTO 3:16

Mulaichi ke, nyo nyi hekalu lya Ruwa na ke, Mumuyo mwele ai mokaa nanyo sho?

1 WAKORINTO 3:18

Kulakae-pfo echikulemba amonyi. Kokoya kwiipfo konu akuwona amonyi ke aa mṟango na maindi ha kiwulalu, nakuwiie tondo nakuwutie-ho ihenda ṟanguo.