1 WAKORINTO 3:13 - Bibilia Kui Mdedie fo Kimochi

¹³ Kyasia kiṟundyo kya orio mndu kyechiwoneka na pata, kyamba mkonu fulya fulya fochikimanyisha kipfa nyi fochikuwonekya furie modo, na modo fu fumenyi nyi fochihamba kiṟundyo kya orio mndu ke nyi kiwei kya mbaṟi nki.

1 WAKORINTO 3:13 ပူးပေါင်းရင်းမြစ်များ

YESAYA 28:17

Inyi njechianduo ke nyikyo mdumbuye, na wulohi iwa kipiṟinyi kya orusu (kelaho ni timazi ang'u biringi;) na mvuo ya maho yechiduo kuleshe madedo ho ha wongo na mṟinga fochinyamaṟa handu heowa.

YESAYA 8:20

Wahende kui wuwawaso na wuṟingishi, kokoya waladeda kirianyi na idedo li, kulawode kingi kowo kuwode ngamenyi pfo.

YEREMIA 23:28

Mwikimbi awode ndodo nahambe ndodo yake; na ulya awode idedo lyako nahambe idedo lyako kui wuhendeli. Muulu nyi kiki kota Ngano?” Mndumii ahamba.

YEREMIA 23:29

Idedo lyako chi cha modo? Mndumii ahamba; Cha kiria kepaṟa maho shipeṟengupeṟengu.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

MALAKI 3:17

“Wo wechiwa wako,” Mndumii menyi Matoṟito ahamba, Kiidi kya mkonu njifutana, wechiwa kisa kyako, “Inyi njechimulekia, cha mfee molekia mana oke ekemṟundia.

MALAKI 3:2

Indi nyiu echiidima iwedia mkonu fo foicha lyake? Ang'u nyiu echiidima ihoṟoka ili echiwono. Kyamba nafananyi na modo fo mndu aisanja fesa, kafanana na mndu mosanja nguwo, kawa cha sapunyi,

MATAYO 10:15

Na kya lohi ngambia, kilya kya oruka lo Sodoma na Gomora nyi kyechyiangwo ili mfiri fo mondu kota kya mṟifo.”

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

LUKA 2:35

Na iyo kumonyi oshu nyi lochikuambada ipfo makiidi hawi ha mrima fopfo; kundu mahio na ngoo tsifoi hamanyike napata.”

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

WAROMA 2:5

Na orikiki lu lopfo na wuumu wo ngoo ilakunda imhalukia sho shekuwiia tewe okuruwia kumonyi tuuke ya Mkonu fulya fo tuuke fomanyisha mdumbuyo fusumhanyi fo Ruwa.

1 WAKORINTO 1:8

Nao nyio echiwa momkapya owanzo itane masiiyonyi mulawonyo tewe mkonu fulya fo Mndumii odu Yesu Kristo.

1 WAKORINTO 3:12

Na kokoya mndu awika kiwanje-hu ki sahabu ang'u fesa ang'u maho maili pang'a ang'u shidi ang'u nyatsi ang'u mamwahiṟo.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

2TIMOTEO 1:18

Mndumii namwenenge nashike ikoya echisaṟyo oshangunyi lo Mndumii Mkonu fulya fulya. Na iyo uichi necha chando aweinjipfuṟukanyia kafoi ipfo Efeso.

2TIMOTEO 3:9

Indi wechishika haleshepfo kyamba wutondo wowo wumanyikie kose na pata chando kiwei na ko Yane na Yambire.

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

WAEBRANIA 10:25

Lulalembeṟye shisanzyo shadu chando waliwe waichiwie, kya indi lulahane naho. Luitike iwuta ludi ili luwonyi ke mkonu fulya fulya fuitikiria icha.

1PETRO 1:7

Kitewe nyi kundu kihesha mwidikye fonu kiende kiṟumi kicha kota kilya kyehesha sahabu iya yechisia nayo yekyemanyisho modonyi, kishikye iwono kyechiende kiichiko na wuitoṟi na kiṟumi mandi halya Yesu Kristo echiwonekya.

1PETRO 4:12

Nyo mui wakunde, ma mulaṟihisho nyi wuhyu wulya woaka konu wochimhesha cha ili wombiia wuhenu.

2PETRO 3:10

Kochicha mkonu fo Mndumii oweṟe faa cha mwiiwi. Nafo nyifo ngina yechisaramaya neduika ling'anyi na shiṟaana shayo shechipaṟakana shii-shirohie m modo, na wanda ii na wudo yechihenda ikoṟo hamu na shiwike shii nayo.

2PETRO 3:7

Indi ngina ya ki-wulalu na wanda ii shishiṟihikye nyi idedo lya Ruwa, tso tsikeri nteṟye modo kui idedo li lya Ruwa tsiinkoomye mkonu fo maanduo halya hang'anyi forumatsa wandu walya wenyi-wulemeshi.

OTAMBAHALUO LO YOHANE 20:12

Na ngamwambuo ngawewona wandu walya wang'anyi na walya watutu wahoṟoki oshangunyi lo loṟika lulya lo wuitoṟi. Na shitapu shikatambaṟuo. Kukawetambaṟuo na kitapu kingi, nkyo kitapu kya moo. Na wapfu walya wakaanduyo kyawo kisumhanye mawuto hawo haimaṟehye ipfo shitapunyi.