1 WAKORINTO 3:12 - Bibilia Kui Mdedie fo Kimochi

¹² Na kokoya mndu awika kiwanje-hu ki sahabu ang'u fesa ang'u maho maili pang'a ang'u shidi ang'u nyatsi ang'u mamwahiṟo.

1 WAKORINTO 3:12 ပူးပေါင်းရင်းမြစ်များ

SHIIMBO SHA DAWIDI 119:72

Iwawaso lya dumbunyi lyapfo nyi lii licha koko, kota shiku sha sahabu na fesa.

SHIIMBO SHA DAWIDI 19:10

Fuendiye lango kota sahabu, Kota mfoeṟa fo sahabu njicha. Fokeloda kota wuki, Kota ihuo lya wuki.

IWUKA 5:12

Kyasia, wanduwo wakanyanyaṟikia orukenyi lose lo Misri kundu waidime isanyiapfo masaho ha mademenyi handu ha maṟa.

MFANANO 16:16

Chi nanga iwada wuṟango kota sahapu? Ee da, nanga isambuṟa imanya kota fesa.

MFANANO 30:6

Kulaengeṟe idedo kiidi kya madedo hake; Alache kusuo, uwono nyi ui mowongo.

MFANANO 8:10

Ambilya shiloshyo shako, chi fesa pfo, Na wulaanyi kota sahabu njicha.

YESAYA 60:17

Handu ha aṟeṟa njeende sahabu, Handu ha menya njeende fesa, Handu ha ikidi njeende aṟeṟa, Handu ha maho, menya; Njechihaluo walya wekuhoṟokia wakuhoṟokie kui wukiilohi na ofoṟo na wusumuhanyi.

YEREMIA 23:28

Mwikimbi awode ndodo nahambe ndodo yake; na ulya awode idedo lyako nahambe idedo lyako kui wuhendeli. Muulu nyi kiki kota Ngano?” Mndumii ahamba.

MAWUTO HA WASU 20:30

Ma ipfo kiidi kyanu muweny kochiamka-pfo weṟdeda kya mkika wechikuruya wa kiloshyonyi ora lo kowo.

WAROMA 16:17

Lanye wanawawama, ngamtutuma muringe mnu weitsaho mpaṟakano weitsa shipaṟatsana na shilahutsa shilya shikapanyi na opfundo lulya mui-wapfunde, mukushowe mnu kyawo.

1 WAKORINTO 3:11

Kyamba kulaipfo mndu aidima iwika kiwanja kingi shie nyi kilya kilemmaa iwiko, nyikyo Yesu Kristo.

1 WAKORINTO 3:13

Kyasia kiṟundyo kya orio mndu kyechiwoneka na pata, kyamba mkonu fulya fulya fochikimanyisha kipfa nyi fochikuwonekya furie modo, na modo fu fumenyi nyi fochihamba kiṟundyo kya orio mndu ke nyi kiwei kya mbaṟi nki.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

WAKOLOSE 2:8

Kuṟisenyi mulawone mndu echimduo wapfunguo kui wulaanyi wulya wo kiwandu na wulembi wo mbonyi tsa wulya tsiduana na ṟungusu tsa wandu, tsa shiwundo sha wuyana wu shiladuanyi na Kristo amonyi.

1TIMOTEO 6:3

Kokoya kwipfo ailosha kiwungi alakuwada na madedo ha oru ha Mndumii odu Yesu Kristo na kiloshyo kilya kiende wuindi wusumhanyi.

2TIMOTEO 2:20

Indi kiidi mba ing'anyi kuwode nzohoṟa tsa orio mbari. Tsingi nyi tsa sahabu na pesa tupu tsingi tsa mbau ang'u tsa teri. Na kyatso kwipfo tsiwode iṟunda lya kyaanya na tsingi iṟunda lyingi.

2TIMOTEO 3:13

Indi wandu walya wawicho na walembi wo wechiitika ihenda wichuo wechilemba wandu nawo wawenyi wai walembe.

2TIMOTEO 3:7

Mawaka haikupfunda-pfunda halaidime ikoya imanya wurango wo lohi ma indi.

2TIMOTEO 4:3

Kyamba kochicha kiheri welechiidimana na kiloshyo kya lohi kyechiṟa mrima, kya indi wechikufeṟya wawenyi walosha waidikyanyi na lango tsawo tsiinjenyi, chando madu hawo hakundi.

WAEBRANIA 13:9

Mulahende patsyo nyi mapfundo maliwe hai ha kihenu. Kyamba kilya kii kicha kyechiwanza ngoo nyi wutonga chi chonga; tso tsiweendie walya wawekekurohya natso mbuchapfo.

1PETRO 1:7

Kitewe nyi kundu kihesha mwidikye fonu kiende kiṟumi kicha kota kilya kyehesha sahabu iya yechisia nayo yekyemanyisho modonyi, kishikye iwono kyechiende kiichiko na wuitoṟi na kiṟumi mandi halya Yesu Kristo echiwonekya.

OTAMBAHALUO LO YOHANE 2:14

Indi njikuwodie mondu kya shindo shiwe, kyamba ipfo konyu uwode wandu wawode njopfundo tsa Bileamu awekelosha Balaki iduo wana wa Israeli wutahachinyi wahende ilya nyama ndasye maruwa ha wongo na wuṟuhuinyi na wulala.

OTAMBAHALUO LO YOHANE 21:18

Na omombo lu luuwike na maho ha Yaspisi na mṟi fumenyi fumbikye fui fo maho ha sahabu njiharami iwake bilauri iwaa sa pang'a.

OTAMBAHALUO LO YOHANE 3:18

Ngakuikimba, kunda ihuṟa koko sahabu inlangishe-langishe modonyi kundu uwe msuṟi lohi. Nohuṟe, na mṟae iya mwiili, ukushikye nayo, kundu kulawono wusutsu wo kiṟanguo kyapfo. Huṟa-da na mafuda mecha heshiia meso hapfo kundu uhende yambuo.