1 WAKORINTO 2:10 - Bibilia Kui Mdedie fo Kimochi

¹⁰ Natso nyio Ruwa alelutaṟa-mbuya kui Mumuyo. Kyamba mumuyo asumye shose na shiṟike sha kisenyi kya Ruwa.

1 WAKORINTO 2:10 ပူးပေါင်းရင်းမြစ်များ

YOBU 12:22

Nekeshikuo njoṟoo tsa meema, kairia huye ko sa shilya shii meemenyi.

YESAYA 48:16

Njisembelienyi, adanyienyi ishi; wokia mawookionyi njilededa kiṟika-pfo; wokia shiipfo inyi njiipfo; na wulalu Mndumii-Ruwa nanjiduma, na mrima foke.”

YESAYA 59:21

Mndumii ahamba, “Mumuyo foko fui huye yapfo na madedo hako hai dumbunyi lyapfo, hechiwuka dumbunyi lyapfo ma dumbunyi lya wana wapfo, ma dumbunyi lya wachuku wapfo-pfo, Mndumii ahamba, wokia inu itane mlungana.”

DANIELI 2:22

Nekedambuo shiṟike; kawemanya shii meemenyi, kipfa koke kuwode ngeela.

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

LUKA 10:21

Saa iya iya kakeseka kui Mumuyo Mwele kahamba, “Ngakuana Wande, ui Mndumii menyi ruwehu na oruka, kipfa ili mbonyi-tsi utsiṟikie iwo waṟango na iwo waṟamtsu, kowuya idambuya shikoku; ee-wo Wande, na kiweekuchihie kihendeke kido.”

LUKA 2:26

Nao nyiawewembikie kyaasa nyi Mumuyo Mwele ke, echipfa shile awona Kristo o Mndumii kuwookapfo.

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

YOHANE 16:13

Indi kiheri ichu echicha ai Mumuyo o wukilohi, o echimuwiia mateteṟa momwitsa wukilohinyi wose, kyamba alechideda kui wuitiki woke amonyi, kya indi shilya aicho nyisho echideda, na shilya shirie iwa nyisho echimwongoya.

1 WAKORINTO 14:30

Kya indi sa adambye kamanyisho idedo, ulya o kuwoka nahende itsia.

1 WAKORINTO 2:11

Kyamba ipfo wandunyi nyi o ku aichi shilya shiwode mndu shile nyi mumuyo fo mndu fui nao? Nyi wudo na shilya sha Ruwa kulaipfo msa aichi shile Mumuyo o Ruwa.

WAGALATIA 1:12

Njileiwada ko mndupfo, ma ikulosha njileikulosha njimonyipfo, kya indi nyi lilewa kui ikuloṟa lya Yesu Kristo.

WAEFESO 3:3

Ngammanyisho kyama kikoome kui kilya mawonesyo chando njilewooka ihamba (Ngaṟehia ko kifui.

WAEFESO 3:5

Kilya kilawemanyishyo wandu marika halya ha kacha indi wulalu Ruwa kamanyishia wasu wake waele na waikimbi kui Mumuyo.

1TIMOTEO 4:1

Indi mumuyo ahambie na pata ke shiheri sha numa kochiwoneka wewuka wuidikinyi wechiku-wada na mumuyo idetsa wandu na mhambo ya waṟufu wawicho.

1PETRO 1:12

Wakashika iwonesyo ke shindo shi weshikuwinya wo wa wenyipfo indi kitewe n nyo. Nashonyisho muleshiongoyo wulalu nyi walya walemwendie nyo Ndumi ya Sia ya okiio kui Mumuyo Mwele aa-mdume awuka ruwehu, sho sheamtsya na wasu wa ruwehu macha hemehya-ho.

1YOHANE 2:20

Nanyo mshimbuo nyi fonu ifu fuwukye ko ichu ai mwele mukaṟanguo mui waichi mose.

1YOHANE 2:27

Nanyo, mshimbuo-fu momwambya fuwukye ipfo koke mfo fookaa nanyo. Nanyo muwuṟye mndu mompfundapfo. Kya indi chando mshimbuo foke fuimlosha kya shose nafo fui lohi fulai wongo, na chando fulemlosha nyo kaenyi nafo.

OTAMBAHALUO LO YOHANE 1:1

A ilu otambahaluo lo Yesu Kristo. Ruwa aleluinenga Kristo loloṟa masinga hake shilya shii-shiteṟye shewutika matika ha afui. Kristo kaduma ndumi ya malaika oke mwele kashiwonesya isinga lyake Yohane.

OTAMBAHALUO LO YOHANE 2:24

“Indi nyo wengi mui ipfo Tiatira mulakuwode na kiloshyo kya Yezebeli, mulalekulosha, ‘Mbonyi tsa Satana,’ makisenyi ha Satana wai, chando wo wekehamba, nyi ngambia ke njechimuwikya ṟio lingipfo.