1 WAKORINTO 2:1 - Bibilia Kui Mdedie fo Kimochi

¹ Na inyi lyandi ndecha na konu-le wanawawama, njechimwongoya kiṟingishyo kii-kiwike nyi Ruwa njilalecha na mtandawuko fo madedo na fo wuṟango.

1 WAKORINTO 2:1 ပူးပေါင်းရင်းမြစ်များ

IWUKA 4:10

Mose kawia Mndumii-Ruwa, “Hoi Mndumii, wokia kacha inyi chi mndu mokidedapfo, manya wokia mandi ulewooka ideda na mṟundiopfo, kyamba inyi njimwangu idedapfo, na olimi loko luulemeri”

YESAYA 8:20

Wahende kui wuwawaso na wuṟingishi, kokoya waladeda kirianyi na idedo li, kulawode kingi kowo kuwode ngamenyi pfo.

MAWUTO HA WASU 20:21

Njechiṟingishya Wayuda na Wagriki kya mdumbuye wakucheye nafo Ruwa na kya mwidikye wakuihetse na Mndumii odu Yesu.

MAWUTO HA WASU 22:18

Ngambona kenjiwia, “Faṟa kure nowuke kunu Yerusalemu owinyi, cha kipfa wechikuidikya kiṟingishyo kyapfo kyenjiringishya inyifo.”

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

1 WAKORINTO 1:17

Kyamba Kristo alanjitanye msu nyi kundu njipatise, kya indi nyi kundu njiongwo ndumi ya sia yo okiio. Nalyo lilawe kui madedo ha wuṟango kundu msalaba fo Kristo fulahendewiro.

1 WAKORINTO 1:6

Kikatanyika kui kiṟingishyo kehamba Kristo ili kilembanzyo kido ipfo konu.

1 WAKORINTO 2:13

Nasho nyisho luideda kyasho chi kui madedo ha-masungusie na wuṟango wo kiwandu, kya indi ha-mawike nyi Mumuyo, lochiṟinganyisha shilya sha Mumuyo na mweke fo Mumuyo.

1 WAKORINTO 2:4

Na ili njiweideda na yonguo ma njileidimaidima na wuṟango woitika iwinapfo kya indi njiwemanyishya-ho Mumuyo na pfinya.

1 WAKORINTO 2:7

Kya indi luihamba wuṟango wo Ruwa wo kisenyi wui wukoome wusa Ruwa aweteṟye. Maheri halawendewiko woluwonya so wuitoṟi.

2 WAKORINTO 10:10

Cha kipfa kwipfo wehamba, hoo paruo tsilamye, mnu na yapfinya, indi kiheri aiho o amonyi afafaa adi kui mbihu na mdedye foke nyi fomina.

2 WAKORINTO 11:6

Manya koya njiwei mleheshi kui ideda kya indi njii mlehetsi kui itichia, njiwemanyishie nyo ikyo kiheri kyose kui shindo shose.

2WATESALONYIKYE 1:10

Mkonu echicha nakuwutie-ho ewikio kiṟumi kiwukie ko wandu wake, nawe echiichiko nyi kya walya wake wamwidikye wose. Nanyo na wudo kipfa muleidikia wungochi wodu. Sho shechiwa mkonu fulya fulya.

1TIMOTEO 1:11

na kya kingi-se kyose iki kikeri ikapana na kiloshyo kyechiṟa mrima kisumhanye ndumi ya okiio iwukie wuitoṟinyi wo Ruwa ichu menyi sia, nayo njileiwawasyo.

2TIMOTEO 1:8

Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.

OTAMBAHALUO LO YOHANE 1:2

Nao Yohane ameṟingishya dedo lya Ruwa kaweṟingishya kilya kii-kiṟingishye nyi Yesu Kristo, ishi ameshiwona shose.

OTAMBAHALUO LO YOHANE 1:9

Inyi Yohane nji manowama onyu na mokyando o wuaalenyi na wumanginyi na wukukarishi-hu wo ko Yesu njiwekeri ipfo kyandenyi kilya rina lyakyo nyi Patimo. Njileendo naho kundu njionguo idedo lya Ruwa na iṟingishya kii lohi kya Yesu.

OTAMBAHALUO LO YOHANE 19:10

Na inyi ngamwolokya madendenyi hake njikundi imwindia. Kanjiwia, “Leka, kudo ote! Inyi njikeri mṟundi mokyando opfo na o wanawamayo, so lose luwade kilya luwai-waṟingishye nyi Yesu. Nyio Ruwa lochimwindia!” Kyamba kiṟingishyo kya Yesu nyi mumuyo fuiwaya waikimbi.