1 WAKORINTO 15:3 - Bibilia Kui Mdedie fo Kimochi

³ Kyamba ndemwendie nyo kilya ndekiambya na inyi, kya kuwoka ke Kristo apfie kitewe nyi njonyamaṟo tsadu chando kuwei kuṟehye.

1 WAKORINTO 15:3 ပူးပေါင်းရင်းမြစ်များ

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

EZEKIELI 3:17

“Iyo mndu nyi ngakusambuṟa uwe mringi o wana wa Israeli. Nochiwatutuma chando njechikuduma.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

MATAYO 26:24

Mana o mndu ihenda na ahende chando kiwei kiṟehye kyake. Kyaindi ochia nyi lo mndu ulya echidambika-ho Manomndu. Iki nyi kiwei kicha-ho nokoe mndu ulya alalefeo.”

MATAYO 26:28

Iki nyi samu yako ya mkundano mhya ikeri yolo kipfa kya wandu wafoi kya ihoṟyo nyonjamaṟo.

LUKA 24:25

Nao kawawia, “Nyo mulaichi mbonyi mui mudo na ngoo njilemeri iidikia shilya waikimbi wa Ruwa wahambie.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

MAWUTO HA WASU 17:2

Nao Paulo kawuta chando aichiwie kahenda kowo ipfo mba kechideda nawo Sabato tsiṟaṟu kya shilya shii shiṟehye mṟehonyi fulya.

MAWUTO HA WASU 3:18

Nyiyo njia Ruwa aleinutsya nayo shilya awesongoye ihamba kui dumbu lya waikimbi walya kya mawawyo ha Kristo.

MAWUTO HA WASU 8:32

Na kifunjo kya mṟeho awei ikisoma nyikyo iki, “Nyi aledao kishinjyonyi cha ichondi lilechifuha oshangunyi lo molioda, nyi wudo nao ma nalatambaṟuo dumbu lyake.

WAROMA 3:25

Nao nyio Ruwa alemtana njoko yeoloṟa mondu fulya, iwe kui samu yake ko iwo womemwidikya. Nalewuta ado kundu namanyishe wuhoṟotsu wu woke na kya mwidyo fulya aweidya matahachyo halya ha kacha mwidyo.

WAROMA 4:25

Nyio icho ammaa ihenda idambiko kimarete kya matahachyo hadu kashika iṟutso kipfa kya wuhoṟotsu wodu.

1 WAKORINTO 11:2

Na ngamwichika, wanawawama, nyi kipfa monjikumbuo kya shindo shose mukuwode necha na njowawaso tsilya njilemwinenga.

1 WAKORINTO 11:23

Kyamba nyio Mndumii amenjienenga imanya shilya njilemmaa imudambikya nyo, nasho shii shidi, ke Mndumii odu Yesu kio kilya aleṟingyo nyi alewada mkate.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAGALATIA 1:12

Njileiwada ko mndupfo, ma ikulosha njileikulosha njimonyipfo, kya indi nyi lilewa kui ikuloṟa lya Yesu Kristo.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAGALATIA 3:13

Nahong'u Kristo amelutalaa so oseso loluwukya mawikonyi halya kachekuwika shi ya oseso lo kelukaya-ho so kikawehendeka na wuitiki wo kilya kii kiṟehye, ke momasyo kidi-hu o ai msese.

WAEFESO 1:7

Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAEBRANIA 5:1

Kyamba orio mkohanyi aimtunge kiidi kya wandu awiko-ho mokaya wandu kya kiheo kyeṟundia Ruwa, kundu namdambikye njooko na shidaso sheoloṟa manyamaṟo.

WAEBRANIA 5:3

Na kimaduma kyawo kimbaṟi nawike-ho kidaso kyeoloṟa manyamaṟo, kiwe kido kipfa kya wandu kiwewa kido na kipfa kyake amonyi.

1PETRO 1:11

Nyi waweihana-hana ke kiheri nyi iki na lya iindi Mumuyo ichu o Kristo awei nawo alimanyishye-ho ilindi awesonguo iṟingishya mawawyo halya hehoya Kristo na mawusuṟi kiṟumi kilya kechiitumana naho.

1PETRO 2:24

O amonyi kasanzya mbihu-hu foke manyamaṟo hadu kahadosya msalabehu hamu nafo, kundu so lukae lui waletsane na manyamaṟo lukapye moo foṟundya wuhoṟotsu. Nyi ichenje lyake lilemchiṟa.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1YOHANE 2:2

Nao Kristo menyi akeri njoko iinjiwike kya manyamaṟo hadu, indi chi kya njonyamaṟo tsandu tupupfo, na kya wunyamaṟi-wu wo wuyana wose.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.