1 WAKORINTO 14:6 - Bibilia Kui Mdedie fo Kimochi

⁶ Alewo wanawawama, kokoya ngamchea njededa mdedye shiṟuma nyi kiira kiki njembonya ngamda ndadeda nanyo otambahaluyo ang'u wulaanyi ang'u odambuyo ang'u mapfundo.

1 WAKORINTO 14:6 ပူးပေါင်းရင်းမြစ်များ

YEREMIA 16:19

Iyo Mndumii-Ruwa! Iyo nyi pfinya yako na opanga loko kopfo, nyi kidichionyi kiheri kya ngataṟa. Njoshari tsose tsa wuyana tsekuchea tsechihamba, “Waku wadu wawewode kindo pfo shila maruwa ha wongo, shindo sha mai shilawode kiira.

YEREMIA 23:32

Ambuya inyi njii huye ya iwo wekehamba shisuku sha wongo. Mndumii ahamba, “Na idetsa wandu wako kui ndodo tsawo na ikushela lyawo lya wutondo, indi inyi njiwadumiepfo, ma njilewawasapfo, manya wechitarama wandu manya kitutupfo. Nyi inyi Mndumii ngahamba.”

MATAYO 11:25

Kyasia mandi na halya Yesu kahaluo kahamba, “Ngakuana, hoi Wande, kui mnene o ruwehu na oruka, kipfa ili mbonyi tsi utsiṟikye iwo waṟango na iwo waamtsu kowuya idambuya shikoku.

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MATAYO 16:26

Kipfa iki mndu echiira-ho kya wowina woke nyi kiki kokoya nyi awinyia wuyana wose kawuwona kadetsya-ho moo foke? Ang'u kindo mndu echiwika kiwe ndalai ya moo foke nyi kiki?

MAWUTO HA WASU 2:42

Nawo wakawa wekuwada ipfo kiloshyonyi kya wasu na ipfo kipfunganyonyi ipfo kifunjonyi kya mkate na ipfo shiterewyonyi.

WAROMA 15:14

Na inyi mmonyi, wanawawama, njikusirya kyanu nyo ke muwelukye wutechi welu mukaichuo wulaanyi wose mukatana moidima iloshana muwenyi.

WAROMA 16:17

Lanye wanawawama, ngamtutuma muringe mnu weitsaho mpaṟakano weitsa shipaṟatsana na shilahutsa shilya shikapanyi na opfundo lulya mui-wapfunde, mukushowe mnu kyawo.

WAROMA 6:17

Indi Ruwa nawikyo mwaano kipfa muwesia ikaa masinga ha wunyamaṟi mukashika yanguya madu mateteṟa-chu mompfunda muiwadambikye koke mukuwode-ho na mrima msanze.

1 WAKORINTO 10:33

Chando nao inyi nyekechihiana na wose kya shindo shose njilaipfula kilya kinchihiṟye inyi indi kilya kichihiṟye walya wafoi kundu wahende ikiṟo.

1 WAKORINTO 14:1

Lalakyenyi mkundie fu muwe mochilanga shisumbo sha Mumuyo, indi kilya kii kinene nyi kundu muhendetambahaluya.

1 WAKORINTO 14:7

Ma koka nyi shindo shilai na moo ili shalekya maṟu kiwe nyi mtoṟiṟo kiwe nyi kinubi (nyi wuda lyekapa lii na ndusu mfungade), shilamlekya maṟu hailachanyi kechimanyika kida ke nyi kiimbo kiki kikapo nyi mtoṟiṟo ang'u nyi kinubi?

2 WAKORINTO 11:6

Manya koya njiwei mleheshi kui ideda kya indi njii mlehetsi kui itichia, njiwemanyishie nyo ikyo kiheri kyose kui shindo shose.

2 WAKORINTO 12:1

Kiwaṟi ikuṟumisha, ma lilaende mbucha, na njechihoya ihamba mawonesyo na matambahaluo na Mndumii.

2 WAKORINTO 12:7

Na kimaduma kya wunene wo matambahaluo halya nyi kundu njilakuichike njiame nkyo kitewe njii mkapye omambo lwohi ipfo njiamenyi tsako, nyio msu o Satan nankape nzina ndashike ikuichika njiame.

WAEFESO 1:17

Kundu Ruwa chu o Mndumii odu Yesu Kristo nao nyio Wande menyi wuitoṟi ili molanga immanya namwenenge Mumuyo motambahalwo nawe momṟangusha.

WAEFESO 3:4

Mukaisoma moiduma imanya wutichia woko wo kyamenyi kya Kristo.)

WAFILIPI 3:15

Kyasia so lui waholotsi na iki luwe lochikihia. Kokoya kwipfo ma kingi muihiahia kyakyo na Ruwa echikimtambahaluya.

2TIMOTEO 2:14

Uwakumbuṟye ishi ochiwaikimba wuikimbi wu oshangunyi lo Ruwa ke walaire shida ya njolimi kui madedo ilaende kindo shila nyi ipfuluo walya weadanya.

2TIMOTEO 3:10

Kya indi iyo omeosha kiloshio kyako, uwerianyi na wupfundi woko na wuteteṟi na wuitiki wo ikuhoṟotsya haa-hateṟye na wuidiki woko, na wuleeli woko; wuhoṟotsu na wukundi woko, na wutirisi woko.

2TIMOTEO 3:16

Maṟehyo hose Maele hai mahomoye nyi Ruwa hai mecha hepfunda na hededya na heheluo na hetoṟishya wandu wuhorotsunyi.

2TIMOTEO 4:2

Onguo idedo-lyo, kuilikye-ho (kui-ho mwaanya mcha ang'u kulai-ho) Dedya, ikimba, isima wandu kui wuleeli wuhoṟotsu na wuloshi wucha wose.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

WAEBRANIA 13:9

Mulahende patsyo nyi mapfundo maliwe hai ha kihenu. Kyamba kilya kii kicha kyechiwanza ngoo nyi wutonga chi chonga; tso tsiweendie walya wawekekurohya natso mbuchapfo.

2PETRO 1:5

Nakyo nyikyo kimwenenge muitike-ho na kamu yende mbuka ncha ipfo wuidikinyi wonu; indi na ipfo mbukenyi ncha muende-ho wulaanyi.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

2YOHANE 1:9

Orio mndu ailosha wandu nao alawa mokaaa opfundo lo Kristo o awode Ruwapfo. Ichu awa mokaaa opfundo-lu, nyio awode Wande awewode na Mana.

1SAMWELI 12:21

Mulaoshe maruwa ha wongo halawode kiira manya haleidima imukiṟa, kyamba nyi ha wongo.