1 WAKORINTO 14:3 - Bibilia Kui Mdedie fo Kimochi

³ Kya indi ichu motambahaluya nyi adedya wandu kyewaholotsa na iwaṟamtsa na iwakarisha.

1 WAKORINTO 14:3 ပူးပေါင်းရင်းမြစ်များ

LUKA 3:18

Kyasia kawa moongoya wandu walya mbonyi tsiwode sia na iwatutuma-tutuma shindo shingi shifoi.

MAWUTO HA WASU 13:15

Kyasia msomye fo kuwoka fo wuwawaso na fo kawi fo waikimbi yekimaa isomo wanene wa sinagoge wakawadumya kewawia, “Hoi womi mui wanawawama! Kokoya muwode idedo lyewanza mkambo fu kulihambyenyi.”

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

MAWUTO HA WASU 15:32

Na Yuda na Sila nawo wawenyi wawei waikimbi wakaikimba wanawawama kui madedo hafoi wakawakarisha necha.

MAWUTO HA WASU 4:36

Kuwepfo na mndu Mlewi awukye Kipro, rina lyake Yosefu, aledeyo rina nyi wasu Barnaba, ikyo nyi ihamba, mana kiṟeenyi.

MAWUTO HA WASU 9:31

Nahong'u siṟi tsikakukaya na ofoṟo kulya Yudaya kose na Galilaya na Samaria wakakulunga mbika imu wechichumia weowuo Mndumii wakawonyo mwengeṟya kui wuamtsu wo Mumuyo Mwele.

WAROMA 12:8

Msa amsumbe chila yewhiṟia wengi moo nawewuta ado. Kwipfo ai motutuma, nawekaa echitutuma; kwipfo Sa ai mohawia wengi shindo awode nahawe ai msalari, kwipfo ai mosaṟya, nakae-ho echiṟamka. Na mosaṟia nasaṟie na sia.

WAROMA 14:19

Ili nyi wudo kii luwingye isho shiende ofoṟo na isho shepfungana so luwenyi na wenyi.

WAROMA 15:2

Orio mndu odu nawe molisiṟa odoe na kilya kii kicha kiwe kechimira.

1 WAKORINTO 10:23

Shindo shose njikuwodie kyasho momu, kya indi chi shose shanjiwiia kya wuchapfo. Shindo shose njikuwodie kyasho momu kya indi chi shose shapfunga mbapfo.

1 WAKORINTO 14:12

Na wudo nanyo ili mulalakye mudo sha mumuyo kundenyi ilanga sheholotsa siṟi mushike isuṟyo.

1 WAKORINTO 14:17

Kyamba iyo ee nyi uiana necha, kya indi ulya ungi akuwutia-ho ihenda iiropfo.

1 WAKORINTO 14:26

Alewo wanawawama, nyi kukuwukyeho ki? Orio mandi mosanza handu hamu nyi orio mndu onu awode kiimbo ang'u opfundo ang'u otambahaluyo ang'u shiṟuma ang'u odambuyo; isho shose shitanyike shewembesha kiwimbi.

1 WAKORINTO 14:31

Kyamba nyi moidima iikimba nyo mose umu umu wawuteho ikulosha wose na ihenda wihiṟyo moo wose.

1 WAKORINTO 8:1

Na kya nyama tsiinjidasye maruwa ha wongo; na luichi ke so lose lui wenyi-wuṟango. Wuṟango nyi wokeende ikutumbasha indi ikunda nyi lyekepfunga mba.

2 WAKORINTO 1:4

O ai moluwihiṟya moo shiwirenyi shadu shose luidime ikuwutya-ho iwihiṟya moo walya wai warohie kui kiwihiṟia kilya luikarisho nakyo nyi Ruwa.

2 WAKORINTO 2:7

Nanga-nanga muwuye imhoṟya na imbihiṟya moo, kundu mndu chu ili amba adi nalawone echifoyo nyi iwawiṟa lya ngoseṟa limhoya njia ii ang'u ii.

WAEFESO 4:29

Dumbunyi lyanu kulawuke-pfo idedo lyiwicho; indi orio idedo lii licha lyetarama wengi, lilele na walya kowuṟyo, kundu waimwadanya.

WAEFESO 6:22

Na kimaduma ngamduma konu nyi kundu mumanye oloho lo kodu lose nawekarisha ngoo tsanu.

WAKOLOSE 4:8

Kitewe ngamduma konu, nyi kundu mumanye oloho loko nawekarisha ngoo tsanu.

1WATESALONYIKYE 2:11

Na mwichi chando luleikimba orio umu onu.

1WATESALONYIKYE 2:3

Wuikimbi wu wodu wuwekuwode manya na wudetsi na wulembipfo, ma mtambo iweihopfo.

1WATESALONYIKYE 3:2

Lukaaweduma Timoteo manowama odu mṟundi o Ruwa mopfuṟukanya ndumi ya Kristo kundu nambanze nyo nawemkarishia wuidiki.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

1WATESALONYIKYE 4:18

Wihiṟianenyi moo nyo muwenyi na wenyi mochiongoyana oloho lu.

2WATESALONYIKYE 3:12

Iwo wai wado nyi lowawawasa na iwatutuma kui Mndumii Yesu Kristo ke waṟunde ṟunda wechikutsia walye kelya kyawo wa wenyi.

1TIMOTEO 1:4

Ma walasumesume shihanu na maitumano ha marika halechidumbuka. Shindo cha isho shekeende mawesano indi shilaende owiko lo Ruwa locha wuidikinyi.

1TIMOTEO 4:13

Itane ngashika icha, tsinda ochisomya siṟi na iikimba na ipfunda.

1TIMOTEO 6:2

Indi iwa wawode wenyi wai waidiki manya walawamine ili wai wanawawama, kya indi waengeṟe iwapfuṟukanya ili wai waidiki na wakunde wechitaa kui isumba. Losha ishi na itutuma.

2TIMOTEO 4:2

Onguo idedo-lyo, kuilikye-ho (kui-ho mwaanya mcha ang'u kulai-ho) Dedya, ikimba, isima wandu kui wuleeli wuhoṟotsu na wuloshi wucha wose.

TITO 1:9

Nawe mokuwada na idedo liidikyanyi necha na kiloshyo kilya, kundu naidime iikimba na mweke fo wupfundi wochiṟa mrima na iwinga walya wekefurunja mbonyi.

TITO 2:15

Kya ishi udede, uikimbe, ututume na wuitiki wose. Kulakae-pfo ekumina.

TITO 2:6

Na wudo ututumye womi walya wakoho wakae na chile tsa shindo shose.

TITO 2:9

Masinga hakuwike shi ya wanene waho hakuwakundishye na shindo shose, halaambiṟane nawo.

WAEBRANIA 10:25

Lulalembeṟye shisanzyo shadu chando waliwe waichiwie, kya indi lulahane naho. Luitike iwuta ludi ili luwonyi ke mkonu fulya fulya fuitikiria icha.

WAEBRANIA 13:22

Indi ngamtutuma nyo wana wa wama ke ambyenyi necha idedo li lya wuikimbi, kyamba njilemṟehya nyo njido ngamdumbuo owinyi.

WAEBRANIA 3:13

Kya indi ke kuikimbyanenyi orio mkonu mandi haihambo inu hose, kundu ipfo konu kulaumiṟyo mndu mrima echilembo nyi wunyamaṟi.

1PETRO 5:12

Ngamṟehya paruo ii ngahamba ikeri mfui ngamdikya kui owoko lo Silwano manowama ichu mhendeli njetutuma na iṟingishya ke ipfo kundo muhoṟoki kuwode na wutonga wo Ruwa iwu wo lohi.

YUDA 1:20

Indi nyo mui-wakunde mukuilikishe necha muwenyi ipfo wuidiki-hu wonyu wuele. Terewenyi muwodo nyi pfinya ya Mumuyo Mwele.