1 WAKORINTO 14:2 - Bibilia Kui Mdedie fo Kimochi

² Kyamba ichu modeda mdedya Ruwa. Kyamba kulaipfo mndu moicho, indi awa modeda sha kisenyi kui Mumuyo.

1 WAKORINTO 14:2 ပူးပေါင်းရင်းမြစ်များ

MAWOOKIONYI 11:7

Lusokeng'u napfo, luwarahanyitse mdediefo fowo kundu walaadanyanese madedo wo wenyi ko wenyi.”

MAWOOKIONYI 42:23

Ma walamanye ke Yosefu nawaichuo, kyamba kuwewode motambahaluo kiidi kyawo.

2WAMANGI 18:26

Kyasia, Eliakimu mana o Helkia, Shebna na Yoa wakawia wadi mnene o wanzenge, “Kededa naso kui mdedie fo Kiaramu, kipfa lufuichi, uladede naso Kiebrania kipfa wose wai mawandenyi weicho.”

SHIIMBO SHA DAWIDI 78:2

Njipfunguo dumbu lyako kui shihano, njisende mfanano ya kacha.

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

MARIKO 16:17

Na shiṟingishyo sheimya iwo waidikye nyi shikeri shii-le, nyi kui rina lyako wefuna nalyo waṟufu wawicho, na ideda kui mdedie mhya.

MARIKO 4:11

Nao kawawia, “Nyo mu wainenge imanya mbonyi tsa Wumangi wo Ruwa tsi njiṟike, kyaindi walya wa nja wawio shose ku mfanano.

MAWUTO HA WASU 10:46

Kyamba walewaicho wechideda na njolimi njihya wechiichimbiṟa Ruwa. Nalyo Petro kahaluo kahamba,

MAWUTO HA WASU 19:6

Nalyo ili indi Paulo alewahekya awoko Mumuyo Mwele kawachea wakawoka ideda na njolimi njihya na ihamba shisuku.

MAWUTO HA WASU 22:9

Na walya warianyi na inyi walewona ngeela iya kya indi ṟu lya ulya aweideda na inyi waleliichopfo.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

1 WAKORINTO 12:10

Na ungi amnenge iwuta ngata tsa pfinya, na ungi ihamba wuikimbi na ungi itichya wuilachi wo Mumuyo iya iipfo, na ungi aimnenge mdedye ya shiṟuma, na ungi amnenge wuṟango wodambuya shiṟuma shilya.

1 WAKORINTO 12:28

Na kwipfo Ruwa awawikye ipfo siṟinyi, lyesonguo nyi wasu, lya kawi nyi waikimbi, lya kaṟaṟu nyi wedambuo, lingi nyi wewuta ngata tsa pfinya, lingi nyi warie pfinya tsechiṟa waluo, lingi nyi waeki, lingi nyi waiṟichi, lingi nyi wededa mdedye ya shiṟuma.

1 WAKORINTO 13:1

Ma ngadeda shishomo sha wandu na sha wamalaika, na inyi njiwuṟye ikunda njiwewa cha manga fodihina na cha mangalili hededa.

1 WAKORINTO 13:2

Ma mbewode shisuku njiweichi shindo sha kisenyi shose na wulaanyi wose, mbewode na mwidikye foteshuo mafumwu, na inyi ndawode ikunda njikeri kindopfo.

1 WAKORINTO 14:16

Cha kipfa kokoya iyo oterewa kui mumuyo ochiana na ichu adamya kidembo-hu kya mndu alaichi nyi echiidikya kindo uihamba?

1 WAKORINTO 14:26

Alewo wanawawama, nyi kukuwukyeho ki? Orio mandi mosanza handu hamu nyi orio mndu onu awode kiimbo ang'u opfundo ang'u otambahaluyo ang'u shiṟuma ang'u odambuyo; isho shose shitanyike shewembesha kiwimbi.

1 WAKORINTO 15:51

Ambuyenyi ngamuwia kii kiṟikie, ke lulechihenda kulaya lose, kya indi lochiilachika lose.

1 WAKORINTO 2:10

Natso nyio Ruwa alelutaṟa-mbuya kui Mumuyo. Kyamba mumuyo asumye shose na shiṟike sha kisenyi kya Ruwa.

1 WAKORINTO 2:7

Kya indi luihamba wuṟango wo Ruwa wo kisenyi wui wukoome wusa Ruwa aweteṟye. Maheri halawendewiko woluwonya so wuitoṟi.

WAEFESO 6:19

Muweterewia na inyi, kundu njenengo idedo njechipfungwo dumbu lyako lya yongoya kui wukahari kyama kilya kikoome kya Ndumi ya Sia ya okiio.

NGUMBUO YA MAWAWASO 28:49

“Mndumii-Ruwa nechiende mkambo fumu fo wandu kuwuka kuleshe fumupufukie owicho cha mbeṟo, mkambo mulaichi manya mdedie fowo.

WAKOLOSE 2:2

Njiiṟunda njidi kundu ngoo tsawo tsihendekarisho tsilungana kikundenyi tsiwefeṟyo mfeeṟa fo welu ya wutiichi wose wo imanya kyama kikoome kya Ruwa nkyo Kristo amonyi.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1TIMOTEO 3:9

Wakae wakomie kyama kii kiṟike kya wuidiki mrimenyi iwode ngo tsihaṟamie.

OTAMBAHALUO LO YOHANE 10:7

Kya indi mkonu iya ya msu ulya o mfungade mandi echideda; ilyi echikapa ombe loke; Ruwa echiawutsia kyama kilya kyake kirikye alekimanyishya masinga hake waikimbi ke nyi kikeri ndumi ya sia.