1 WAKORINTO 13:4 - Bibilia Kui Mdedie fo Kimochi

⁴ Ikunda nyi liwode wuleeli. Ikunda nyi lyekewongoya wandu. Ikunda chi liwode wulang'apfo, manya lyekekushelapfo.

1 WAKORINTO 13:4 ပူးပေါင်းရင်းမြစ်များ

MAWOOKIONYI 30:1

Nao Raheli kekiwona ke aiwonyiase Yakobo manapfo, Raheli kanyenyia manomae. Kawia Yakobo, “Nnenga wana; chila wudo inyi njechipfa.”

MAWOOKIONYI 37:11

Wana wa mae wakamrihinyikia indi ndee kalindia idedolyo.

NEHEMIA 9:17

Wakaleha iosha; walakikumbuo ṟiho uletsiwuta kiidi kyawo. Wakawada mrima njiumu, nalyo wakasambuṟa mṟundi mowawihiṟa wusingenyi kulya Misri. Kyaindi iyo nyi Mndumii-Ruwa okehoṟia, uwode isaṟia na ikunda, manya ulekewado nyi nyashi owinyi. Isaṟia lyapfo nyi ling'anyi; ulakunde iwawihitsa.

SHIIMBO SHA DAWIDI 10:5

Njia tsake nyi tsinjihoṟotsu orio kiheri, Mdumbuye yapfo ikeri huye mnu nalawone, Wakituwa wake wose nyi awapirisikya.

MFANANO 10:12

Isuana lyechiende wuṟiingi; Kyaindi ikundana lyekeṟika madeko hose.

MFANANO 13:10

Orikiki lochiende marekiano; Indi wuṟango wochikaa na wechila.

MFANANO 17:14

Mawookyonyi ha ngapano kimu na itocha mṟinga; Kyasia denyi ngapano ilamewumba mfu.

MFANANO 17:9

Moṟika deko nakundi ikundo; Indi ulya motaluo idedo nakuletsana na mbuya.

MFANANO 19:22

Kilya mndu alangie nyi kiira kyake; Nanga mkiwa kota mowongo

MFANANO 31:20

Nekeinenga wakiwa kilya waterewa; Kaweleshya mawoko walya wahuṟi.

MFANANO 31:26

Nekedambuo dumbu lyake kui wulaanyi Wuwawaso wucha wui kiidi kya olimi loke.

KOHELETI 10:4

Mumuyo fo msongoru fukapfuluko kipfa kyapfo, ma kulakure handu ui; kipfa mumuyo fo wuhoo fokeoloṟa mawicho hang'anyi.

MATAYO 27:18

Nyi kifa lyandi aichi ke kindo wacha mdambikya-ho na wunyenyi.

MAWUTO HA WASU 7:9

“Waku walya wadu wakanyenyia Yosefu wakamkumba wuhuru nadao Misiri. Ruwa kamkayapfo,

WAROMA 1:29

Wakaichuo wutahachi wo orio mbaṟi na wunyenyi na wuwahi na isohuo mondu na yoka mtambo na maupahapaha na maweweda.

WAROMA 13:13

Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi.

1 WAKORINTO 3:3

Kyamba ma wulalu da mukeri-se wa-kimbihu. Kyamba ili ipfo konu kuwode wunyenyi na wuṟingi chi mui wa-kimbihu mochikuhendeshya mbaṟi ya kiwandu?

1 WAKORINTO 4:18

Kwipfo wakuṟumbashie cha ili ndaicha na konu.

1 WAKORINTO 4:6

Nasho wanawawama, ngameshihalutsya ora lo kodu so na Apolo kimaduma kyanu, kundu mukuwutye kodu imanya ke kulatole shilya shii-shiṟehye, kundu ichu umu nalakushelye-ho kya ichu umu kechilehana na wengi kya ichu ungi.

1 WAKORINTO 5:2

Nanyo mokutumbashya mulakunda ikuinadya kundo nahende iwuto ipfo kiidi kyanu icho atanye kindo kyo.

1 WAKORINTO 8:1

Na kya nyama tsiinjidasye maruwa ha wongo; na luichi ke so lose lui wenyi-wuṟango. Wuṟango nyi wokeende ikutumbasha indi ikunda nyi lyekepfunga mba.

2 WAKORINTO 12:20

Kyamba ngaowuo ke kiheri njeshika icha njilamukoye chando njiwekundi imukoya nao inyi njishike ikoyo n nyo njiio mkao mulafukundi, kofia njishike ikoya muwudo-pfo shiloyo na wunyeng'i na wushimbi woshimbyana na wuṟingi woṟingana na shidedano na shiwehewehe na shimtengelele na shitohyo.

2 WAKORINTO 6:6

Luiho lukeri na wusalari na wutiichi na wuleeli na wuwongoya luwodo nyi Mumuyo Mwele na mkundie fulakulembetseṟye.

WAGALATIA 5:26

Lulakushele na shindo sha maai lochianduyana na inyeng'ana luwenyi na wenyi.

WAEFESO 4:2

Mchumie fu fuwade ikunyiṟa lyose na woloṟu wose na mununyie fose mochidaṟana muwenyi na wenyi kui kikunda.

WAEFESO 4:32

Kya indi muwade mrima mhoo; muichyo mndu wukiwa mochihoṟyana muwenyi na wenyichando nao Ruwa alemhoṟya kui Kristo.

WAFILIPI 1:15

Kala na kwipfo wekehamba wadi Kristo wai-waamtse nyi wunyenyi na isohuo mondu kya indi kwipfo na wekemhamba kui wuheki.

WAKOLOSE 1:11

Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose.

WAKOLOSE 2:18

Manya mndu oose nalamuwonyie mti echikundya wutindili na wuindi wo mbaṟi ya wasu wa ruwehu aikushela kya shilya amewona echikutimbisha kui mhie ya nyama tsake alawode mweke Mndu o mbari ii amtondoshe nyi wulembi wo wuyanawu.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

1WATESALONYIKYE 5:14

Indi lomwitika nyo, wanawawama, ke mututume walakaa kambenyi, mukahaṟe wenyi mrima mfafa, walya walawode muwatarame shilya wahuṟi, muwikye wandu wose tirisi.

1TIMOTEO 6:4

Ichu aimlahutse, alaichi kindo indi aluye mrima kui kitoṟongocho kya mahio na pfumu lya njolimi, nyihondo kowuka wunyeng'i na mlusano, na shirumo na mawewedo mawicho;

2TIMOTEO 2:25

Echidedya kiomboho walya walehanyi nao kulako Ruwa echiwailachia mhie nawaenenge idumbuya na imanya kii-wulohi wawuye isanjika mdo.

2TIMOTEO 3:10

Kya indi iyo omeosha kiloshio kyako, uwerianyi na wupfundi woko na wuteteṟi na wuitiki wo ikuhoṟotsya haa-hateṟye na wuidiki woko, na wuleeli woko; wuhoṟotsu na wukundi woko, na wutirisi woko.

2TIMOTEO 4:2

Onguo idedo-lyo, kuilikye-ho (kui-ho mwaanya mcha ang'u kulai-ho) Dedya, ikimba, isima wandu kui wuleeli wuhoṟotsu na wuloshi wucha wose.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

YAKOBO 4:5

Ang'u mohamba biblia yadeda kya wulya kehamba, “Mumuyo alefusamiṟya konu nyi folalakya na iṟisaṟisa?

1PETRO 2:1

Kuatuonyi orio mawicho hose wongo, na orio maoka mtambo; na makulembetseṟi; na mawunyeng'a masutsa hose.

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 4:8

Ngoseṟa ya shingi shose kundanenyi nyo muwenyi na wenyi kui mrima fose. Mukuwade tsee kipfa ikunda li lishikye na mfeṟa fo manyamaṟo.

2PETRO 1:7

Na ipfo wupfudinyi muende-ho ikundana na wana wa wawama, na ipfo ikundanenyi na wanawawama muende-ho ikunda lilya ling'anyi.

1YOHANE 4:11

Wakunde wako, na ili Ruwa amelukunda so nyi kiluwaṟi naso lukundane luwenyi na wenyi.