1 WAKORINTO 13:2 - Bibilia Kui Mdedie fo Kimochi

² Ma mbewode shisuku njiweichi shindo sha kisenyi shose na wulaanyi wose, mbewode na mwidikye foteshuo mafumwu, na inyi ndawode ikunda njikeri kindopfo.

1 WAKORINTO 13:2 ပူးပေါင်းရင်းမြစ်များ

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

MATAYO 17:20

Nao kawawia, “Nkipfa ili muwode mudo kiidikyo kyangu. Kifa nkya lohi ngambia, ‘Kokoya nyi muwode idikya ling'anyi cha mbeu ya haradali na mochiwia fumvu li, kure aa hando ukeri uhende alya. Nalyo na lyeteshuka. Naho ma kulekikaa-se ho kindo mlechiidima.’ [

MATAYO 21:19

Nalyo kawona mkuyu fukeri mamba na njia kacha na handu fudoe ma nalawone-ho ndunda, na mambale tupu. Kafuwia, “ma kulakumbie-se ndunda tsiwuka kunu kopfo!” Nalyo kudi mkuyu fulya fukauma ng'aa.

MATAYO 21:21

Yesu kahaluo kawawia, “Nyi kya lohi ngambia, kokoya muwode idikya mkada mlawado nyi mkeu-keu ma chi ikyo kya mkuyu tupu mochiwutapfo. Indi ma kokoya nyi fumwu li nyi mochiliwia, kuṟuka ukumbo kulya ipalyipalyinyi, na kewutika kido.

MAWUTO HA WASU 13:1

Na ipfo siṟinyi iya ikeri ipfo Antiokia koipfo waikimbi na walosha, nyiwo Barnaba na Simeon elaho Nyigeri na Lukaio Mkirene na Manaen ulya ei odoya o mangi Herode, na Saulo.

WAROMA 11:25

Kyasia, wanawawama, njikundi mukae mulaichi kyama kikoomepfo, mulawone mokusirya na wuṟango wonu wuwenyi kipfa wuumu wokuumiṟa wo Wayuda waweny wo wulemhoya Israeli nyi wo oweṟe, kyayo itane wandu wa mkambo mhenu washikia Ruwa na mkambo mhenu yamhenda ishika iwonyo okiio.

WAROMA 15:14

Na inyi mmonyi, wanawawama, njikusirya kyanu nyo ke muwelukye wutechi welu mukaichuo wulaanyi wose mukatana moidima iloshana muwenyi.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

1 WAKORINTO 11:4

Orio mndu msoṟo kashika iterewa anu kashika ideda awodo Mumuyo nao aṟee kindo kisoke mdonyi nyi asutsa mdo foke.

1 WAKORINTO 12:28

Na kwipfo Ruwa awawikye ipfo siṟinyi, lyesonguo nyi wasu, lya kawi nyi waikimbi, lya kaṟaṟu nyi wedambuo, lingi nyi wewuta ngata tsa pfinya, lingi nyi warie pfinya tsechiṟa waluo, lingi nyi waeki, lingi nyi waiṟichi, lingi nyi wededa mdedye ya shiṟuma.

1 WAKORINTO 13:1

Ma ngadeda shishomo sha wandu na sha wamalaika, na inyi njiwuṟye ikunda njiwewa cha manga fodihina na cha mangalili hededa.

1 WAKORINTO 13:3

Ma mbechihawya wakiwa masaa hako hose ngawedambikya na mbihu foko fuhende koṟo, na inyi njiwewuṟye ikunda na isho shinjiwukia-ho kindosho.

1 WAKORINTO 13:8

Ikunda lyechisia manyalelyo; shisuku nasho shechihenda idumbuka, na ideda na shiṟuma nalyo lyeshika imanda, na wulaanyi wolanya shindo wo wochidumbuka.

1 WAKORINTO 14:29

Indi waikimbi wadede wawi ang'u waṟaṟu na wengi watambahaluo.

1 WAKORINTO 14:39

Ili kyamba kido, wanawawama, muitike ihenda dambuya, na ideda kui shiṟuma mulaiime.

1 WAKORINTO 14:4

Ichu aideda mdedye fo shiṟuma nyi ekekuholotsa amonyi, indi motambahaluya o awa moholotsa siṟi.

1 WAKORINTO 15:51

Ambuyenyi ngamuwia kii kiṟikie, ke lulechihenda kulaya lose, kya indi lochiilachika lose.

1 WAKORINTO 16:22

Mndu ma kawa u msa alakundi Mndumii nawiko ṟisenyi. Maranatha.

1 WAKORINTO 4:1

Na wudo so orio mndu nalutane waṟundi wa Kristo na waheki wa kyama ki-koome kya Ruwa.

1 WAKORINTO 7:19

Kiende kiṟumi chi mkae fui mdinepfo ma chi mkae fulai mdinepfo, indi ihendelya mawawaso ha Ruwa.

1 WAKORINTO 8:4

Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

2 WAKORINTO 12:11

Ngamewa tondo n nyo momenjiitikya. Kyamba kiwechia njiwehamba necha n nyo. Kyamba kulaweipfo kindo njewekaa nakyo numa ya ma-wasu halya ma kikawa chando inyi ndai kindo.

WAGALATIA 5:16

Na ngahamba, muchumie muiwaitike nyi Mumuyo, kyo kimwenenge mulechihenda yawutsya wulanga wo kii nyama.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAGALATIA 6:3

Cha kipfa ipfo kundo mndu aikumbwo ke amba mndu nao alai kindo lohi nyio akulemba amonyi.

WAEFESO 3:4

Mukaisoma moiduma imanya wutichia woko wo kyamenyi kya Kristo.)

WAEFESO 6:19

Muweterewia na inyi, kundu njenengo idedo njechipfungwo dumbu lyako lya yongoya kui wukahari kyama kilya kikoome kya Ndumi ya Sia ya okiio.

WAKOLOSE 1:26

Kyo kyama kikoome kiwei kiowishe wandu wokia kacha, indi kikawewonesio wandu wake wulalu.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1YOHANE 4:8

Mndu alawode mkundye aichi Ruwapfo. Kipfa Ruwa nyi ikunda.