1 WAKORINTO 13:13 - Bibilia Kui Mdedie fo Kimochi

¹³ Na wulalu mwidikye na mukundie na mbedie, isho shiṟaṟu nasho shechikaa. Kya indi mkundie nafo fung'anyi kiidi kyasho.

1 WAKORINTO 13:13 ပူးပေါင်းရင်းမြစ်များ

SHIIMBO SHA DAWIDI 146:5

Nanga ulya Ruwa o Yakobo nyi mtarami oke, na kikusirio kyake nyi ko Mndumii, Ruwa oke.

SHIIMBO SHA DAWIDI 42:11

Mrima foko nkili osokio nyi fowa Na iangalala kiidi kyako? Kusirie na Ruwa; Kipfa njekaa njimṟumishe, Icho ai pfinya yako. Na Ruwa oko.

SHIIMBO SHA DAWIDI 43:5

Mrima foko nkili osokio nyi fowa, Na iangalala kiidi kyako? Kusirie na Ruwa; kipfa njechikaa njimṟumishe, icho ai pfinya yako, na Ruwa oko.

LUKA 10:27

Nao kahaluo kambia, “Kunda Ruwa Mndumii opfo na ngoo yapfo yose, na mrima fopfo fose, na pfinya yapfo yose na makusaṟo hapfo hose, nowekunda na odoo chando ukundi moo fopfo kumonyi.”

LUKA 22:32

Kyaindi inyi ngamekuterewia, kundu iidikia lyapfo lilamande; na iyo komewanga, wanza wanawamayo.”

WAROMA 15:13

Nao Ruwa-chu mokusihyo adi nawe mombonya nyo mfeṟa fo orio msiha fose na ofoṟo shirianyi na mwidikye fomwidikya kundu mukusuṟye necha mui na mkusihye kui pfinya ya Mumuyo Mwele.

1 WAKORINTO 14:1

Lalakyenyi mkundie fu muwe mochilanga shisumbo sha Mumuyo, indi kilya kii kinene nyi kundu muhendetambahaluya.

1 WAKORINTO 16:14

Shindo shanu shose shitanjike kui mkundie.

1 WAKORINTO 3:14

Kiṟundyo kya mndu awikye-ho kikakaa-ho kiwangi echiambya woṟunda woke.

1 WAKORINTO 8:1

Na kya nyama tsiinjidasye maruwa ha wongo; na luichi ke so lose lui wenyi-wuṟango. Wuṟango nyi wokeende ikutumbasha indi ikunda nyi lyekepfunga mba.

1 WAKORINTO 8:3

Chila nyi mndu akundi Ruwa; ichu nyi ammanye nyio.

2 WAKORINTO 5:10

Kyamba so lose pyu nyi kiluwaṟi ihoṟotso na pata ipfo mengenyi injidose nyi Kristo kundu orio mndu ose naambye kiheo kyake chando awetana kui mbihu shiwe nyi shicha a shiwe nyi shiwicho.

2 WAKORINTO 5:15

Nao nyi alepfia wose kundu iwo wai na moo walawone wechikukaya na moo kipfa kyawo wawenyi, kya indi wawe wechikaya nafo ichu alewapfia kashika iṟutso.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAFILIPI 1:9

Na kindo njiimterewya na iki tupu ke, kunda lyanu lihende ifeṟyo mwengeṟya fo wulaanyi fo orio mtambahaluye fose.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 1:5

Kimaduma kya kilya muiwedie muiwasuṟumye ipfo ruwehu. Nakyo nyi momsonguo ikiicho kui idedo lya wulohi wurie Ndumi ya Sia ya okiio.

WAKOLOSE 3:14

Indi mwengeṟia fo isho shose nyi kikunda, kipfa kikunda nkyo kilunga kya orio mbika ikawa imu itoṟikye.

1WATESALONYIKYE 1:3

Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo.

1WATESALONYIKYE 5:8

Indi so ili lui wa mfiri lukuotoye luṟeee na kiringa mdo nakyonyiowedo loiweda okiṟo.

1TIMOTEO 1:5

Indi mṟasa fo wuikimbi wulya nyi ikunda liṟukye ngooyi tsiharami na mrimenyi mcha fuu na ngo tsii teṟe na wuindikinyi wulakulembetseṟye.

2TIMOTEO 1:7

Kipfa Mumuyo luleinengo nyi Ruwa chi folutana waowu-pfo; kya indi, nyi fo pfinya na makundie na osaṟe.

WAEBRANIA 10:35

Ma mulawone mokumba wutumbe wu wonu wanda wui na wuṟundi wung'anyi wudi.

WAEBRANIA 10:39

Indi so lulai wandu wewuya numa lochihenda ideka, kya indi lui waidiki lochiletsa-ho mrima.

WAEBRANIA 6:11

Na lulalakye mnu ke orio mndu onu ose nawe momanyishya-ho wuitiki wu wumu wo mfeṟa fo owedo lulya shika mawutsyonyi.

WAEBRANIA 6:19

Lo lulukerye kipfunga mrima kiwangi kitumuhaa kikeri ikuhendya ora lo kya mba ipfo kundu kiṟikishya kilya kiishingya-ho.

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.

1YOHANE 2:10

Mokikunda manomae awa mokaapfo senyi, na kilahutsa kilarianyi nao.

1YOHANE 2:14

Ngamṟehya nyo mui wana kipfa muichi Wande. Ngamṟehya nyo, mui wandee wa wandu ipfa muichi ichu ai o mawookyonyi. Ngamṟehya nyo mui wanake, kipfa mui na pfinya na idedo lya Ruwa likaananyo mukamaa winza mbicho.

1YOHANE 2:24

Lilya mulemwicho lya mawokyonyi likae nanyo. Lilya momeliicho lya mawokyonyi likakaa nanyo nyi mochikaa na Mana na Wande.

1YOHANE 3:3

Na orio ose akuwode nao kui owedi-lu nyi aikuilisha amonyi naile chando Kristo amwili weṟu.

1YOHANE 3:9

Orio ose alefeo nyi Ruwa awuta wunyamaṟipfo kyamba mbeu yake ikaa nao. Nao alaidima inyamaṟa nyi kipfa nyi amfee nyi Ruwa.