1 WAKORINTO 12:9 - Bibilia Kui Mdedie fo Kimochi

⁹ Ungi amnenge wuidiki kui Mumuyo ulya ulya, na ungi aimsumbe pfinya tsechiṟa waluo kui Mumuyo ichu umu.

1 WAKORINTO 12:9 ပူးပေါင်းရင်းမြစ်များ

MATAYO 10:8

Kiṟenyi iwo waluo, ṟutsenyi iwo wapfu, heṟemtsenyi iwo wawodo nyi iwawe, funenyi mṟufu mbicho. Nyi mleambya kya wulya, keveinengyenyi kya wulya.

MATAYO 21:21

Yesu kahaluo kawawia, “Nyi kya lohi ngambia, kokoya muwode idikya mkada mlawado nyi mkeu-keu ma chi ikyo kya mkuyu tupu mochiwutapfo. Indi ma kokoya nyi fumwu li nyi mochiliwia, kuṟuka ukumbo kulya ipalyipalyinyi, na kewutika kido.

MARIKO 16:18

Na mawoko hawo wechiira naho njoka, wakanyo kindo kyewaha kyechiwawutia ma kindopfo; walya wai mtengeṟi, wechiwahekya mawoko, nawo nyi wechisambuka.”

MARIKO 6:13

Wakafuna waṟufu wawicho wafoi wakashia wandu wai mtengeṟi mafuda wakawachiṟa.

LUKA 10:9

Chiṟenyi wandu-wo wakeri-pfo waluo, muwawie, ‘Wumangi wo Ruwa womchea hafui.’

LUKA 9:2

Kawaduma wahende yonguo wumangi wo Ruwa na ichiṟa wandu waluo.

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 5:15

Koikyo kukatana wandu waluo wawa moleṟyo ipfo njiehu tsing'anyi wawalaṟe njonyi-hu na shitaṟe-hu kundu Petro kacha kiṟishe kyake tupu kiwikye umu-ho owo mṟishe.

1 WAKORINTO 12:28

Na kwipfo Ruwa awawikye ipfo siṟinyi, lyesonguo nyi wasu, lya kawi nyi waikimbi, lya kaṟaṟu nyi wedambuo, lingi nyi wewuta ngata tsa pfinya, lingi nyi warie pfinya tsechiṟa waluo, lingi nyi waeki, lingi nyi waiṟichi, lingi nyi wededa mdedye ya shiṟuma.

1 WAKORINTO 12:30

Alae nyi wai warie pfinya tsechiṟa waluo wose ko? Alae wai wededa mdedye ya shiṟuma wose ko? Alae nyi wai wetambahaluya shiṟuma wose ko?

1 WAKORINTO 13:2

Ma mbewode shisuku njiweichi shindo sha kisenyi shose na wulaanyi wose, mbewode na mwidikye foteshuo mafumwu, na inyi ndawode ikunda njikeri kindopfo.

2 WAKORINTO 4:13

Indi ili luwode mumuyo na fulya fo wuidiki wulya wu-wuṟehye wuwehambye; njiidikye nakyo kimaduma ngadeda, naso nyi luidikye ludi likaenenga luideda.

WAEFESO 2:8

Cha kipfa mui wakiṟe kui wutonga kui njia ya wuidiki. Lyo lilewutika kui pfinya yanupfo; nyi kisumbo kya Ruwa.

WAEBRANIA 11:33

Wonyiwo walelaṟa maumangi kui wuidiki wakaende wusumhanyi, wakashika ikoya shilya shileteṟyo wakapfunga madumbu ha miso.