1 WAKORINTO 12:8 - Bibilia Kui Mdedie fo Kimochi

⁸ Kyamba ichu umu amnengo nyi Mumuyo ideda wuṟango, na ichu ungi ideda wulaanyi kui mweke fo Mumuyo ulya ulya.

1 WAKORINTO 12:8 ပူးပေါင်းရင်းမြစ်များ

NEHEMIA 9:20

Ambuya kui ikunda lyapfo kowaloṟa kilya ki wawaṟi iwuta, kowewaihutsa ko mana, na iwarutsa mṟinga fonyo.

YOBU 32:8

Indi mumuyo fui kiidi kya mndu mṟufu fo Ruwa menyi pfinya, foketarama mndu imanya.

SHIIMBO SHA DAWIDI 143:10

Kenjilosha iwuta isho ukundi, kyamba nyi iyo ui Ruwa oko; Mumuyo fopfo mcha funjiteteṟe orukenyi lo lohi,

IWUKA 31:3

na inyi ngamwichuṟa mumuyo fo Ruwa, kiidi kya osaṟe, na wuṟango, na wumanyi, na wuaria wo orio mbaṟi ya iṟunda,

MFANANO 2:6

Kipfa Mndumii nekeinenga wandu wuṟango; Dumbunyi lyake kuwode wulaanyi na imanya shose,

YESAYA 50:4

“Mndumii-Ruwa nanjiinengie olimi lo iwo welosho, njimanye chando njechimbanza kui madedo ha icho awinyie, nekenjiamtsa orio mfiri kilawo, kudu koko kuicho cha wandu welosho.

YESAYA 59:21

Mndumii ahamba, “Mumuyo foko fui huye yapfo na madedo hako hai dumbunyi lyapfo, hechiwuka dumbunyi lyapfo ma dumbunyi lya wana wapfo, ma dumbunyi lya wachuku wapfo-pfo, Mndumii ahamba, wokia inu itane mlungana.”

DANIELI 2:21

O nyi ekeilacha maheri na chila yake; nekewuta wamangi, kawewika-ho, Wamangi na iwainenga wuṟango na wulaanyi, kainenga waṟango wusalari.

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

MAWUTO HA WASU 6:3

Nkyo kimaduma le wanawawama, kekusambuṟyenyi ipfo kiidi kyanu sa wawode kiṟumi kicha waichuṟe Mumuyo Mwele wai na waṟango kundu luwadambikye kiṟundyo ki.

WAROMA 15:14

Na inyi mmonyi, wanawawama, njikusirya kyanu nyo ke muwelukye wutechi welu mukaichuo wulaanyi wose mukatana moidima iloshana muwenyi.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

1 WAKORINTO 1:5

Kyamba musuṟie kya orio kindo mukuwode nao kiwe kya orio idedo kiwewa kya orio mtambahalukye.

1 WAKORINTO 13:2

Ma mbewode shisuku njiweichi shindo sha kisenyi shose na wulaanyi wose, mbewode na mwidikye foteshuo mafumwu, na inyi ndawode ikunda njikeri kindopfo.

1 WAKORINTO 13:8

Ikunda lyechisia manyalelyo; shisuku nasho shechihenda idumbuka, na ideda na shiṟuma nalyo lyeshika imanda, na wulaanyi wolanya shindo wo wochidumbuka.

1 WAKORINTO 14:26

Alewo wanawawama, nyi kukuwukyeho ki? Orio mandi mosanza handu hamu nyi orio mndu onu awode kiimbo ang'u opfundo ang'u otambahaluyo ang'u shiṟuma ang'u odambuyo; isho shose shitanyike shewembesha kiwimbi.

1 WAKORINTO 14:6

Alewo wanawawama, kokoya ngamchea njededa mdedye shiṟuma nyi kiira kiki njembonya ngamda ndadeda nanyo otambahaluyo ang'u wulaanyi ang'u odambuyo ang'u mapfundo.

1 WAKORINTO 2:11

Kyamba ipfo wandunyi nyi o ku aichi shilya shiwode mndu shile nyi mumuyo fo mndu fui nao? Nyi wudo na shilya sha Ruwa kulaipfo msa aichi shile Mumuyo o Ruwa.

1 WAKORINTO 2:16

Kyamba nyi o ku aichi mhie ya Mndumii awechimloṟa njia. Indi so lui na mhie fo Kristo.

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2 WAKORINTO 11:6

Manya koya njiwei mleheshi kui ideda kya indi njii mlehetsi kui itichia, njiwemanyishie nyo ikyo kiheri kyose kui shindo shose.

2 WAKORINTO 2:14

Indi Ruwa nakae echiwikyo mwaano ili ailuenenga iwinza lyi lya kui Kristo kitsitsi echipfamiṟa orio kundu kose mtambahalukye foke ai naso.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

2 WAKORINTO 6:6

Luiho lukeri na wusalari na wutiichi na wuleeli na wuwongoya luwodo nyi Mumuyo Mwele na mkundie fulakulembetseṟye.

2 WAKORINTO 8:7

Na chando mukeri mdonyi kya shindo shose kiwe kya wuidiki kiwe kya wuongoyi kiwe kya wutichi kiwe kya wuidimi wucha wose kiwe kya wukundi wuwukye kodu shika konu, na wudo mukuwike mdonyi kya mwaano fo.