6 Kuwade makamba ha matanyo kya indi nyi Ruwa ai motana shi shose arie wose.
Isho shose nyi Ruwa akewuta kawi, ee ma kaṟaṟu ko mndu.
Nao kawahalwo, “Ndeyako nyi aiṟunda kiheri kyose na inyi daa njiṟunda.”
Indi isho shose nyi Mumuyo ichu umu ose ashitanye echihawya orio umu kikoke chando akunda.
Kuwode makamba ha mapfuṟukanya, na Mndumii nyio amonyi.
nao amonyi o Mana echikuleṟya ichu alemeṟya shose kundu nao Ruwa nawe menyishose mohomuo shose.
Kokoya nyi wudo kii mowaya chi kindopfo ma ichu monosa chila Ruwa moalutsa nyio.
Ruwa nyi umu nao nyio Nde o wose mokaa hiaa wose mokaa mrimenyi ya wose.
Kyamba nyio Ruwa aitana kimu nanyo iteseheṟa na iṟunda shilya shichihianyi.
Nakyo nyi ngakiwinya njekapana kui wuitiki wu wo Kristo wuiṟunda kiidi kyako na pfinya ing'anyi.
Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.
Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.