1 WAKORINTO 12:13 - Bibilia Kui Mdedie fo Kimochi

¹³ Kyamba so lose lulempatisyo mbihu fumu kui Mumuyo umu, kiwe luui Wayuda ang'u kiwe lui Wagriki, kiwe lui masinga ang'u kiwe lui masumba. Nyi luiwarutsye Mumuyo chu umu so lose.

1 WAKORINTO 12:13 ပူးပေါင်းရင်းမြစ်များ

SHIIMBO SHA SOLOMONI 5:1

Njiida na kyahunyi kyako, mshiki oko, mana mka o walyi. Njihaa manemane na shiungo , njilya iwuwu lyako lya wuki, njinyo mvinyo foko na maruwa hako. Henda lyenyi, nyonyi, ee, nyonyi mnu, wakunde wako.

YESAYA 55:1

“Kyasia orio mndu awodo nyi nyoda njonyi mṟingenyi, na ulya alawode fesa; njonyi huṟenyi mlye; Ee da, nchonyi huṟenyi mvinyo na maruwa, kulawode fesa ma sahabu.

YOELI 2:29

Kiheri kyo njechipusuya mumuyo foko, huya waṟundi wanu wakisoṟo na wakika.

MATAYO 3:11

Kyako inyi nyi njekepatisa na mṟinga kya idumbuya, indi ichu echicha numa yako, nao nyi anjing'anyie, njilasumhanyi ma iduo shadu shake, icho nyi echimpatisa na Mumuyo Mwele na modo.

LUKA 3:16

Naalyo Yohane kahaluo kawawia, “Inyi nyi njekempatisa na mṟinga; kyaindi nyi kukeri icha msa anjieṟie, nao kinsumuhanyie ma yoṟowuo ngowa tsa shadu shakepfo, o nyio echikaa nampatise na Mumuyo Mwele na modo.

YOHANE 1:16

Na ili pfo koke nyi kidahyonyi lukawa welimyo kisumbo kikaweitumano nyi kisumbo.

YOHANE 1:33

Na inyi njiwemwichipfo, indi ichu alenjiduma njipatise wandu na mṟinga nyio alenjiwia, ‘Mndu-chu ochimbona Mumuyo fo Ruwa fochimsokia fuwuka ruwehu fukamkaya nyio echiwa mopatisa na Mumuyo Mwele.

YOHANE 3:5

Yesu kahalwo, “Kya lohi na lohi ngakuwia, Mndu kada alafeo nyi mṟinga na Mumuyo echiidima ihenda ipfo wumanginyi wo Ruwa manyale-pfo.

YOHANE 4:10

Yesu kahalwo kambia, “Koye kuweichi kisumbo kya Ruwa na nyiu ichu aideda na iyo kyekuwia, ‘Njirutsa mṟinga njinyo,’ koye uwemwichi nyio uwechimterewa nao awekuenenga mṟinga fuwode moo.”

YOHANE 4:14

Indi mndu kanyo mṟinga fu njechimnenga inyi ewado nyoda ma indipfo shika mlungana. Kya indi mṟinga fu inyi njechimenega ipfo koke nyi fochiwa soka ya mṟinga fuwode moo, na fochimnenga moo fo mlungana.”

YOHANE 6:63

Mumuyo mfo fuiwika moo, mbihufu fumenyi fochiidima kindopfo. Madedo ho ngamemuwia ho hai ha Mumuyo hakawewa na moo.

MAWUTO HA WASU 1:5

Cha kipfa Yohane nyi alewa mopatisa kwi mṟinga indi nyo mochipatiso kwi Mumuyo Mwele ma kulatiṟe-se kafoi kiwokia mafiri hapfo.”

WAROMA 3:22

Ruwa neketana wandu wahoṟotsu oshangunyi loke kui wuidiki woidikya Yesu Kristo iwo wamwidikye wadi wose, kyamba kulaipfo mletsano.

WAROMA 3:29

Alae Ruwa nyi o Wayuda tupu ko? Chi nao mkambo ingi riti wo? E-ko na o mkambo ingi riti!

WAROMA 4:11

Na kichano kya odino kyo alekiambya kiwe kichano kya wuhoṟotsu wulya wuwemba kui mweke fo wuidiki wulya awei nawo mandi alawendedino, kundu nawe mku o walai wadine wechiidikya wakashika italio wuhoṟotsu wu.

1 WAKORINTO 10:2

Wakashika ipatisyo Mose ipfo shi ya puchi lilya na ipfo mṟingenyi wose.

WAGALATIA 3:23

Kya indi maheri halya ha wuidiki wokuwada nao halawendeshike luwei washingye nyi mawiko halya haweluringa itane wuidiki wulya wokuwada nao wushike iwonesyo.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAEFESO 3:6

Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio.

WAEFESO 4:5

Mndumii nyi umu, wuidiki nyi wumu, wupatiso nyi wumu.

WAEFESO 5:26

Kundu naitane njele echiihaṟamisha kisambyonyi kilya kya mṟinga furianyi na idedo.

WAEFESO 6:8

Kumbwonyiwo ke orio mndu ose kindo aleuta kiwei kicha, manya awei isinga manya msuṟi, echikitao nyi Mndumii.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 3:11

Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.

1PETRO 3:21

Fui mfano fo ifu fuimletsa nanyo wulalu fui wupatiso. Wo wulakeri iwuta-ho oko lui nyame-hu, kya indi wukeri iterewa Ruwa owanzo lohoṟotsa necha ngo tsa mrima kui pfinya ya iṟuka lya Yesu Kristo.