1 WAKORINTO 11:26 - Bibilia Kui Mdedie fo Kimochi

²⁶ Kyamba orio mandi molya mkate fu na inyo kirahu ki mukeri ihamba opfu lo Mndumii itane echiwuya.

1 WAKORINTO 11:26 ပူးပေါင်းရင်းမြစ်များ

YOHANE 14:3

Na ili njihenda imteseheṟya-ho hando, nyi njechiwuya lingi njiche imwondwo na ipfo koko; kundu hando inyi njikeri mpfondo nanyo mochikaa.

YOHANE 21:22

Yesu kambia, “Kokoya ngakunda ichu nakae-pfo njitane ngawuya a ikyo kikuwode ki iyo? Iyo kenjiosha tupu.”

YOHANE 21:23

Nahong'u nyipfondo kuwewukye mhambo fulya fuvedung'anye ipfo ko wanawawama foehamba, ke mndu chu o kiloshyonyi epfapfo. Na kindo Yesu alembia chi alembia epfapfo. Nyi alembia, “Kokoya ngakunda ichu nakae-pfo njitane ngawuya a ikyo kikuwode ki iyo?”

MAWUTO HA WASU 1:11

Wakahamba, “Lanye wasoṟo wa Galilaya, nyikili muhoṟoki mdi iya mochiambuya ruwehu? Yesu chu awuto konu kedao ruwehu na wudo echikaa nache na chando mbembonyi kehenda na ipfo ruwehu.”

1 WAKORINTO 15:23

Kya indi orio mndu ose na itumana limsumhanye, mboki nyio Kristo numa walya wake o Kristo ili echiwuya.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

1WATESALONYIKYE 4:16

Kipfa matika halya koichio iwawaso lyeamtsa ṟu lya msu mwele mchili na ombe lo Ruwa lochideda, Mndumii kachesoka ruwehu, oweṟe na lulya wapfie wa Kristo wechiṟuka wasonguo.

2WATESALONYIKYE 1:10

Mkonu echicha nakuwutie-ho ewikio kiṟumi kiwukie ko wandu wake, nawe echiichiko nyi kya walya wake wamwidikye wose. Nanyo na wudo kipfa muleidikia wungochi wodu. Sho shechiwa mkonu fulya fulya.

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.

2PETRO 3:10

Kochicha mkonu fo Mndumii oweṟe faa cha mwiiwi. Nafo nyifo ngina yechisaramaya neduika ling'anyi na shiṟaana shayo shechipaṟakana shii-shirohie m modo, na wanda ii na wudo yechihenda ikoṟo hamu na shiwike shii nayo.

1YOHANE 2:28

Na wulalu, wana, kaenyi mukuwode na Mndumii kundu mandi echiwoneka, lukae-ho na wulalutsu lulahutsyo sonu nyio ipfo machee hake.

YUDA 1:14

Indi kyawo na Enoki mku chu o mfungade wokia Adamu alemaa ideda kui Mumuyo kehamba. “Ambuya Mndumii nechicha arianyi na malaika wake wai matorito ha shiku ikumi ikumi.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 22:20

Moṟingishya ishi o ahambye, Ee nyi icha njikeri. Amenyi ke-njoo-wo, hoi Mndumii Yesu.