1 WAKORINTO 10:13 - Bibilia Kui Mdedie fo Kimochi

¹³ Kiweipfo kihesho kilemhoya kilawei kya kiwandupfo. Na Ruwa ai mhendeli alechimda muhesho kidye mng'ang'ana fonu, kya indi handu hamu na kihesho kilya kawika-ho na mongo fowukia, kundu muidime ikutirisia.

1 WAKORINTO 10:13 ပူးပေါင်းရင်းမြစ်များ

SHIIMBO SHA DAWIDI 124:7

Mrima yadu ileashuka cha kilehe, kiidi kya mdeho ya welasa, mdeho fulefunjika, naso lukokia.

SHIIMBO SHA DAWIDI 125:3

Kyamba ndichi ya wukika, yechikaa huya ohawi lo walya wa wusumhanyipfo, wawode wusumhanyi walashike ilesha mawoko hawo wuwichonyi.

SHIIMBO SHA DAWIDI 36:5

Hoi Mndumii, osaṟio lopfo lushikiye ruwehu, wuhendeli wopfo mṟasa mapuchinyi.

SHIIMBO SHA DAWIDI 89:33

Kyaindi wuoloru woko njechimsoka o-pfo; manya njichihaluo wuhendeli woko wuwe wongopfo.

IWUKA 3:17

Na inyi ngahamba, Njechimudosa kuwuka kiidi kya matuuro ha Misri na imuduo orukenyi lo Mkanaani, na Mhiti, na Mwamori, na Mperizi, na Mhivi, na Myebusi, njechiwaduo orukenyi luichuo maruwa na wuki.

YESAYA 11:5

Wukiilohi wochiwa okowa lopfunga kitsi kyake, na wuhendeli okowa lokupfungia.

YESAYA 25:1

Hoi Mndumii, iyo nyi ui Ruwa oko; Njechikung'anyisha na iichika rina lyapfo; Kipfa nyi uwutie ṟiho tsing'anyi, Chila tsa mbooko, na wuhendeli wo lohi.

YESAYA 49:7

Mndumii mkiṟi o Israeli, Mwele oke, nawia adi ichu ammine nyi wandu; ichu asuikie ko oshari lu lo wandu; ichu ai mṟundi o iwa waitoṟie; “Wamangi wechiwona, wechihoṟoka; wanene nawo wechipfira ndi; kipfa kya Mndumii ai mhendeli, Mwele o Israeli alekusambuṟa.”

YEREMIA 12:5

Ruwa nahamba; ‘Kokoya nuwikia mteeṟa na iwo wechumia na madende kolehela, nyi uda ochiidima ikuṟinganyisha na Frasi, kokoya nochioloka kiidi kya oruka lulawode kiringa, nochiwika kuda kiidi kya ngeṟa ya Yordani.

YEREMIA 29:11

Kipfa njiichi makusaṟo njikusaṟa kyanu, Mndumii ahamba nyi makusaṟo ha ofoṟo ma chi mawicho pfo, imuinenga nyo mkusirie mafiri hanu hefurumia.

SHILIO 3:23

Kyamba orio ngamenyi nyi injihya mnu, wusumhanyi woke nyi wung'anyi mnu.

DANIELI 3:17

Kokoya nyi wudo, Ruwa odu ichu lokemṟundia nyi echiidima ilukiṟa na modo fu focha;

HOSEA 2:20

Ee, njechikutaya ngosa ko wuhendeli, na iyo nochimanya ke inyi nyi Mndumii-Ruwa.

MATAYO 6:13

Ma ulaluduo kitewionyi indi ulukiṟe shindo shiwicho!

LUKA 11:4

Uludeye sile tsapfo luwode, chando naso lokedeea wasile wadu. Ma ulaluduo kitewionyi. Indi ulukiṟe shindo shiwicho.”

LUKA 16:26

Ma koda isho shose, kunu kiidi kyadu nanyo nyi kung'alawukie-ho pichi lya ngolokio ing'anyi, kundu iwo wakundi yambadia ipfo konu walaidime, na iwo wa konu walaidime yambadia kodu.

LUKA 22:46

Kawawia, “Kimaduma nyiki mukalaa? Kurenyi muterewe, mulawone mochida kiheshionyi.”

MAWUTO HA WASU 27:44

Na walya watsuhae wakukiṟe wechikuwada iwa maṟaṟo-hu na iwa shindo-hu shingi sha ngalawenyi. Na wudo wandu wose wakawuta-ho yafukya oruke-hu na kipuo.

1 WAKORINTO 1:9

Ruwa ai mhendeli, nao nyio amemlahya kilunganyonyi kyelungana na Manoke Yesu Kristo Mndumii odu.

2 WAKORINTO 1:10

Nyio aleluletsa ndenga ya opfu luwicho ludi na iletsa echiletsa. Nyio luwekumsirie ke echiengeṟa ilutetsa.

NGUMBUO YA MAWAWASO 7:9

Ko ikyo, manyenying'u ke Mndumii-Ruwa, Ruwa onu, nyio Ruwa; nyi Ruwa mhendelyi ekewada mkundano foke; na iloṟa woloru woke ko wana wafoi wa wandu walya wekeindia mawawaso hake.

1WATESALONYIKYE 5:24

Alulaha nyio mhendeli, nao echiwuta.

2WATESALONYIKYE 3:3

Mmhendeli nyio Mndumii. Nao echimbanza na imringa kipuo na mbicho ulya.

2TIMOTEO 4:18

Mndumii nechinletsa echinjiwuta mawuto mawicho hose, nenjikiṟa enjiduo kipuo Wumanginyi woke wo ipfo ruwehu. Nyio ai mokaa echiichiko maheri hose halunganyi. Amenyi.

WAEBRANIA 10:23

Lutsinde lochiṟi ngishya kilya luiweda ma lulalemo, kyamba mokiteṟya nyio m mhendeli.

WAEBRANIA 11:11

Nyi wuidiki nawo wukaenenga Sara alewada pfinya yeembeṟa mbeu amekuo wuku wulakiwona-se katana moteṟya kiteṟyo kilya mokusirio.

WAEBRANIA 12:4

Ipfo ngapanonyi yelehana na wunyamaṟi mulemekuhode itane moewa samupfo.

WAEBRANIA 6:18

Kundu lukae wakarishe kui pfinya lukuwode na njowiko tsiwi tsihoṟoki tsilawewa iwiko nyi Ruwa tsa wongo lochiwingya ikuwada na owedo lulya lui wasumbe.

1PETRO 4:19

Nkyo kimaduma iwo waiwawiṟo kui wuitiki wo Ruwa wadambikye mrima yawo mtsanyi chu mhendeli wechiwuta kilya kii kicha.

2PETRO 2:9

Mndumii aichi iletsa wandu wamwidikie kiheshionyi kyawo, indi iwa walasumhanyi nyi aichi iwasuṟumya ngapo mfiri foanduo waipfo wechidehelyo.

1YOHANE 1:9

Indi lukatocha manyamaṟo hadu o Ruwa ai mhendeli asumhany nechiluhoṟya manyamaṟo-ha na ilusanja hando hose lufanyi.

OTAMBAHALUO LO YOHANE 19:11

Ngameambuo, ngawona ruwehu kuṟuhukye. Ngawona frasi njiili pang'a na ichu adamye mhongo-hu foyo amlahe nyi “Mhendeli” na “Mokiilohi.” Nyio ekedumbuo mdumbuye mdumbuye isumhanyi na iira shida kyayo.

OTAMBAHALUO LO YOHANE 2:10

Ma kulaowuo manyale ishi shekuendie iwawyo. Ambuya! Mbicho ulya nakundi ikumba wanu-ho maata kipfungonyi kundu muhende ihesho. Nanyo mochihenda iliso wukiwa mfiri ikumi. Wenyi wahendeli mtaane mopfa na inyi njechimuinenga aambo lya moo.

OTAMBAHALUO LO YOHANE 3:10

Kyamba iyo uleringa na iwawaso lyako lya ikutirisia, na inyi njechikuiṟicha necha saa iya ya kihesho kilya kyechichea wuyanawu ihesha wandu waipfo kunu wuyanenyi.

1SAMWELI 29:10

Wulalu iyo na waṟundi wa mndumii opfo Sauli walecha na iyo, ngama ngamenyi otuko, kurenyi mukuhendie oweṟe ili kochitambaruka.’”