1 WAKORINTO 1:9 - Bibilia Kui Mdedie fo Kimochi

⁹ Ruwa ai mhendeli, nao nyio amemlahya kilunganyonyi kyelungana na Manoke Yesu Kristo Mndumii odu.

1 WAKORINTO 1:9 ပူးပေါင်းရင်းမြစ်များ

SHIIMBO SHA DAWIDI 100:5

Kyamba Mndumii nai mcha, isaṟia lyake nyi lya mlungana; na wuhendeli woke oshari na oshari.

YESAYA 11:5

Wukiilohi wochiwa okowa lopfunga kitsi kyake, na wuhendeli okowa lokupfungia.

YESAYA 25:1

Hoi Mndumii, iyo nyi ui Ruwa oko; Njechikung'anyisha na iichika rina lyapfo; Kipfa nyi uwutie ṟiho tsing'anyi, Chila tsa mbooko, na wuhendeli wo lohi.

YESAYA 49:7

Mndumii mkiṟi o Israeli, Mwele oke, nawia adi ichu ammine nyi wandu; ichu asuikie ko oshari lu lo wandu; ichu ai mṟundi o iwa waitoṟie; “Wamangi wechiwona, wechihoṟoka; wanene nawo wechipfira ndi; kipfa kya Mndumii ai mhendeli, Mwele o Israeli alekusambuṟa.”

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

MATAYO 24:35

Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”

YOHANE 17:21

Ngaterewa ke wose wawe wamu chando iyo, Hoi Wande, ui umu na inyi, Na inyi njii umu na iyo kundu nawo wawe kiidi kyadu. Wuyana wu wuteho iidikya ke nyi iyo ulenjiduma.

WAROMA 11:17

Indi komkoya maṟamba halya maata-ho ha msinepfu mcha halepahuo handu halya kukadongio ho iṟamba lya msinepfu fongeṟenyi. Kowa malungyo-ho na mru fo na malenda ha msinepfu,

WAROMA 8:28

Na luichi kya shindo shose Ruwa nekeṟunda hamu na walya, wamkundi na iwaonyisha wucha wose, nawo nyiwo wai-walahe kui kyama kilya kyake.

WAROMA 8:30

Na iwo alesonguo iwasambuṟa nyiwo alewalaha, na iwo o nyiwo alewatana wahoṟotsu; oshangunyi loke; indi iwo alemaa iwatana wahoṟotsu wadi nawo nyiwo alewasumba wuitoṟi.

WAROMA 9:24

Nawo nyiso so alelulaha lupaṟikye chi ko Wayuda tupupfo kya indi na ipfo mkambonyi ya wahenu.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

1 WAKORINTO 10:13

Kiweipfo kihesho kilemhoya kilawei kya kiwandupfo. Na Ruwa ai mhendeli alechimda muhesho kidye mng'ang'ana fonu, kya indi handu hamu na kihesho kilya kawika-ho na mongo fowukia, kundu muidime ikutirisia.

1 WAKORINTO 10:16

Kirahu kilya kya ona luikionyisha chi kulusanzye samu ya Kristo? A mkate fulya luifufunya chi fulusanzye mbihu fo Kristo?

2 WAKORINTO 1:18

Kya indi Ruwa nyio o lohi kanega idedo li luwelimwendie lilaweṟukeweṟuke liwe ee na ote.

WAGALATIA 1:15

Kya indi Ruwa awenteseheṟye kyako kyanya wokia wusunyi wo mai kawenkilahya kui wutonga woke.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAEFESO 3:6

Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio.

NGUMBUO YA MAWAWASO 32:4

Mndumii-Ruwa nyio Iṟaṟa lya okio; maṟunda hake nyi haawukie, njia tsake tsose nyi tsa wusumhanyi. Onyi Ruwa mhendeli alawode ideko, o nekewuta mbonyi tsa wuhendeli na wusumhanyi.

NGUMBUO YA MAWAWASO 7:9

Ko ikyo, manyenying'u ke Mndumii-Ruwa, Ruwa onu, nyio Ruwa; nyi Ruwa mhendelyi ekewada mkundano foke; na iloṟa woloru woke ko wana wafoi wa wandu walya wekeindia mawawaso hake.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

1WATESALONYIKYE 2:12

Na imkarisha nyo na imtutuma cha mndu wande ekewutya mana, kundu muchumie mchumie isumhanye Ruwa ichu alemulahya nyo wumangi wulya woke na wuitoṟi.

2WATESALONYIKYE 2:14

Nakyo nyi kyo Ruwa lemulahya kui Ndumi yadu ya Sia ya okiio, kundu muhendeduo wuitoṟi wo Mndumii odu yesu Kristo.

2WATESALONYIKYE 3:3

Mmhendeli nyio Mndumii. Nao echimbanza na imringa kipuo na mbicho ulya.

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

2TIMOTEO 2:13

“Kokoya so loda lulakae wahendeli, o ekaa ai mhendeli mlungana, kipfa alaidima ikukana amonyi.”

TITO 1:2

Njikuwode na owedo loiweda moo fo mlungana ifu Ruwa chu alai mowongo alemteseheṟya matsika halya maheri halunganyi halawemche.

WAEBRANIA 10:23

Lutsinde lochiṟi ngishya kilya luiweda ma lulalemo, kyamba mokiteṟya nyio m mhendeli.

WAEBRANIA 11:11

Nyi wuidiki nawo wukaenenga Sara alewada pfinya yeembeṟa mbeu amekuo wuku wulakiwona-se katana moteṟya kiteṟyo kilya mokusirio.

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

WAEBRANIA 3:14

Kyamba so lomba wenyi-kita na Kristo lukakaa lochikuwada tsee na kiwanja kilya handu luwoke itane maawutsyonyi.

WAEBRANIA 6:18

Kundu lukae wakarishe kui pfinya lukuwode na njowiko tsiwi tsihoṟoki tsilawewa iwiko nyi Ruwa tsa wongo lochiwingya ikuwada na owedo lulya lui wasumbe.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

1YOHANE 1:3

Iki lulekiwona na ikiicho nyi kyo luimwongoya nanyo kundu muwade kita kimu naso. Indi kita-ki kyadu lukiwode na Wande na Manoke Yesu Kristo.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

1YOHANE 4:13

Hando lokuwutya-ho imanya ke nyi lokaa nao nao menyi akeri naso nyi ili ameluenenga Mumuyo oke.

OTAMBAHALUO LO YOHANE 19:11

Ngameambuo, ngawona ruwehu kuṟuhukye. Ngawona frasi njiili pang'a na ichu adamye mhongo-hu foyo amlahe nyi “Mhendeli” na “Mokiilohi.” Nyio ekedumbuo mdumbuye mdumbuye isumhanyi na iira shida kyayo.