1YOHANE 5:7 - Bibilia Kui Mdedie fo Kimochi

⁷ Waṟingishi wai-ho nyi waṟaṟu.

1YOHANE 5:7 ပူးပေါင်းရင်းမြစ်များ

SHIIMBO SHA DAWIDI 33:6

Kui idedo lya Mndumii ruwehu ilewiko, shose shiipfo shitane kui mṟufu fo dumbu lyake.

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

MATAYO 17:5

Kededa kudi a ili ipuchi liwode ngela likacha wawikya maṟishe, nalyo a lilya na ṟu lyawuka alya kiidi kya ipuchi likahamba, “Aichu Manoko a mkunde ichu njii mchihie nyio! Nyio mochimwadanya.”

MATAYO 18:16

Indi kada alakwadanya iyo uhende onduo mndu umu uche nao ang'u wawi, na orio kidedo kededo-ho kyose kundu kehoṟoka kiwange kui dumbu lya wakaṟa wawi ang'u waṟaṟu.

MATAYO 28:19

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele.

YOHANE 1:1

Ipfo mawokyonyi kuweipfo idedo; liweipfo nalyo Idedo liwei na Ruwa, nalyo liwei Ruwa.

YOHANE 10:30

Inyi na wande lui wamu.”

YOHANE 12:28

Hoi Wande, kunda ung'anyishe rina lyapfo iyo.” Nalyo ṟu likaichio liwuka ipfo ruwehu lyechihamba, “Ngameling'anyisha na lingi-se njechilinganyisha-da.”

YOHANE 14:17

Nyio Mumuyo o wukilohi, ichu wuyana wu wulaidima imbada kipfa wulawode meso hembona ma wuṟango wommanya. Nyo nyi mommanya kipfa nyi aimukaya kechitsinda mrimenyi yanu.

YOHANE 15:26

“Ilindi Mkarishi echicha ichu njechimdumya inyi njii ko Wande nyio Mumuyo o wukilohi awukye ko Wande nao nyi echiwika-ho kiṟingishyo kyenjiṟingishya inyi.

YOHANE 5:26

Kyamba chando Wande awode moo fuwukye ipfo kiidi kyake kwenyi nyi wudo da aleinenga Mana ikaa na moo fuwukye ipfo kiidi kyake kwenyi.

YOHANE 8:18

Nyio inyi njii mṟingishi njikuṟingishya kyako chando kii, na wandechu alenjiduma kaṟingishya kyako da.”

YOHANE 8:54

Yesu kahalwo, “Kokoya ngakung'anyisha njimonyi mng'ano foko fuwechiwa kindopfo. Wande chu oko mochekehamba nyio Ndeanu nyio ainjing'anyisha.

MAWUTO HA WASU 2:33

Kyasia amemaa idoso itane kuwokonyi ko kulyo ko Ruwa na yambya kiwantasyo kilya kya Mumuyo Mwele ko Wande kadika iki mukiwonyi na ikiicho wulalu.

MAWUTO HA WASU 5:32

Natso nyi lukeri waṟingishi wa mbonytsi na Mumuyo Mwele aiho ichu Ruwa ainengye walya wamwidikye wose.”

2 WAKORINTO 13:14

Wutonga wo Mndumii Yesu Kristo na ikunda lya Ruwa na kyando kya Mumuyo Mwele shikae nanyo mose.

NGUMBUO YA MAWAWASO 6:4

Kyasia, adanyienyi lanye Waisraeli! Mndumii-Ruwa, Ruwa odu, nyi Mndumii-Ruwa umu.

1YOHANE 1:1

So nyi lukeri imuṟehya kilya kiweepfo wuka mawookyonyi nyikyo lulekiicho lulekiwona na meso hadu, lulekiambuya na ikiwadawada na mawoko hadu, lyo Ideda lilya likeri moo.

1YOHANE 5:6

Yesu Kristo nyio ichu alecha kui mṟinga fo wupatiso woke na kui samu ya opfu loke. Chi alecha kui mṟinga tupupfo, kya indi kui mṟinga na kui samu. Na Mumuyo alewa-moṟingishya, kyamba Mumuyo nyi akeri kii-lohi kilya.

1YOHANE 5:8

Nyi Mumuyo na mṟinga na samu. Na iwa waṟaṟu waidikyanyi.

OTAMBAHALUO LO YOHANE 19:13

Na maṟao hake aṟee nyi hawemakape samunyi. Na rina lyake likahambo nyi, “Dedo lya Ruwa.”