1YOHANE 5:6 - Bibilia Kui Mdedie fo Kimochi

⁶ Yesu Kristo nyio ichu alecha kui mṟinga fo wupatiso woke na kui samu ya opfu loke. Chi alecha kui mṟinga tupupfo, kya indi kui mṟinga na kui samu. Na Mumuyo alewa-moṟingishya, kyamba Mumuyo nyi akeri kii-lohi kilya.

1YOHANE 5:6 ပူးပေါင်းရင်းမြစ်များ

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

WALEWI 17:11

Kyamba moo fo mbihu nyi ipfo samunyi fui, na Inyi ngamuinenga nyo samuyo rasionyi, kundu muwike kisanza kipfa kya mrima yanu; kipfa nyi samuyo yekewika kisanza kipfa kya mrima yanu.

ZEKARIA 9:11

Na kui mbonyi tsapfo iyo na kipfa kya samu ya mkundano fopfo, ngawuta wapfungo wapfo kulya ṟungunyi lyilawode mṟinga

MATAYO 26:28

Iki nyi samu yako ya mkundano mhya ikeri yolo kipfa kya wandu wafoi kya ihoṟyo nyonjamaṟo.

MATAYO 3:16

Kyasia Yesu amedima ipatiso, kado alya mṟingenyi. Naho kudi kulya ruwehu kukaṟuhuka; kawona Mumuyo o Ruwa kesoka akeri cha mbeta, ikakaa huyake.

MARIKO 14:24

Kawawia, “Iki nyi samu yako iṟingishia mkundano fo Ruwa; samu ikeri ipusuo kipfa kya wandu wafoi.

LUKA 22:20

Na wudo kaweira na kirahu, wammaa ilya, kahamba, “Kirahu-ki nyi mkundano mhya fo ipfo samunyi yako impusuyo nyo.]

YOHANE 14:17

Nyio Mumuyo o wukilohi, ichu wuyana wu wulaidima imbada kipfa wulawode meso hembona ma wuṟango wommanya. Nyo nyi mommanya kipfa nyi aimukaya kechitsinda mrimenyi yanu.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 15:26

“Ilindi Mkarishi echicha ichu njechimdumya inyi njii ko Wande nyio Mumuyo o wukilohi awukye ko Wande nao nyi echiwika-ho kiṟingishyo kyenjiṟingishya inyi.

YOHANE 16:13

Indi kiheri ichu echicha ai Mumuyo o wukilohi, o echimuwiia mateteṟa momwitsa wukilohinyi wose, kyamba alechideda kui wuitiki woke amonyi, kya indi shilya aicho nyisho echideda, na shilya shirie iwa nyisho echimwongoya.

YOHANE 3:5

Yesu kahalwo, “Kya lohi na lohi ngakuwia, Mndu kada alafeo nyi mṟinga na Mumuyo echiidima ihenda ipfo wumanginyi wo Ruwa manyale-pfo.

YOHANE 4:10

Yesu kahalwo kambia, “Koye kuweichi kisumbo kya Ruwa na nyiu ichu aideda na iyo kyekuwia, ‘Njirutsa mṟinga njinyo,’ koye uwemwichi nyio uwechimterewa nao awekuenenga mṟinga fuwode moo.”

YOHANE 4:14

Indi mndu kanyo mṟinga fu njechimnenga inyi ewado nyoda ma indipfo shika mlungana. Kya indi mṟinga fu inyi njechimenega ipfo koke nyi fochiwa soka ya mṟinga fuwode moo, na fochimnenga moo fo mlungana.”

YOHANE 6:55

Kyamba nyama tsako tso kando ka lohi na samu yako nyi yo kyenyo kya lohi.

MAWUTO HA WASU 8:36

Kyasia wechihenda wadi ipfo njienyi wakashika ikoya kundo ko mṟingenyi. Mnzenge ulya kahamba, “Ambuya aifu mṟinga, nyi kiki kyechinjiima njilapatso?” [

WAROMA 3:25

Nao nyio Ruwa alemtana njoko yeoloṟa mondu fulya, iwe kui samu yake ko iwo womemwidikya. Nalewuta ado kundu namanyishe wuhoṟotsu wu woke na kya mwidyo fulya aweidya matahachyo halya ha kacha mwidyo.

WAEFESO 1:7

Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

WAKOLOSE 1:4

Ili lomwicho kya mwidikie fonu kiidi kya Kristo Yesu na kya kikunda kilya kyanu ko wandu wa Ruwa wose.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

TITO 3:5

Lulauwike na mawuto ha wuhoṟotsu so luwewuta, indi nyi lo osaṟio lulya loke kui kisambyo kya ifeo lya kawi na ilawuo nyi Mumuyo mwele.

WAEBRANIA 10:29

Chi mochihamba, A nyi wuda wo ngoseṟa wudeheli wuwe wochihoya ichu achuma-chuma Mana chu o Ruwa ekitana samu ya owiko lulya ya mpurya, nyi yo ametano nayo mwele kawa motaluo mumuyo moende wutonga.

WAEBRANIA 12:24

Na Yesu moende owiko lulya luhya na samu iya ya maolya ikeri ideda kuichyo kota iya ya Abeli.

WAEBRANIA 13:20

Indi Ruwa ai menyi-ofoṟo nyi aletambachuo mlisi o machondi ipfo ko wapfu ichu ang'anyi kuisamu yewika-ho owiko lo mlungana, Mndumii odu Yesu.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

WAEBRANIA 9:7

Indi ihenda hemenyi lilya lingi nyi mkohanyi ulya mnene alekuhendya-pfo orio maka limu o amonyi kulawode alarie samu aidambikye-ho iwe yemkaya o iwemkaya na mkambo fose kya madeko hawo.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1PETRO 3:21

Fui mfano fo ifu fuimletsa nanyo wulalu fui wupatiso. Wo wulakeri iwuta-ho oko lui nyame-hu, kya indi wukeri iterewa Ruwa owanzo lohoṟotsa necha ngo tsa mrima kui pfinya ya iṟuka lya Yesu Kristo.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

1YOHANE 4:10

Hando mkundye fukukerye-ho chi kodu cha ili so luwekundi Ruwapfo, kya indi nyi koke ili o amelukunda kaduma Manoke kamtana njoko yeoloṟa manyamaṟo hadu.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 5:9

Nawo wakaimba kiimbo kiihya kehamba, “Iyo usumhanyi yambya kitapu ki na ifunja mhuri yakyo kipfa nyi kuleshinjo kowetalaya Ruwa wandu kui samu yapfo wapaṟikye orio mpaṟikie na mdedye na mbaṟi na mkambo.

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.