1YOHANE 5:4 - Bibilia Kui Mdedie fo Kimochi

⁴ Kyamba orio kii-kifee kipaṟikye ko Ruwa kikeri iwinza wuyana-wu. Na kiwinza kilya kyechiwinza nakyo wuyana-wu nyi mwidikye fodu.

1YOHANE 5:4 ပူးပေါင်းရင်းမြစ်များ

YOHANE 1:13

Nawo nyiwo walefeo nyi Ruwa chi kui wuidimi wo mndu o wandupfo ma kui pfinya tsa mbihu-pfo, ma kui idumbwo lya msoro mliwe pfo kya indi Ruwa amonyi nyio ndeawo.

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

YOHANE 3:3

Yesu kahalwo kambia, “Kya lohi na lohi ngakuwia, Mndu kada lafeo wuhya nechiidima iwona wumangi wo Ruwapfo.”

1 WAKORINTO 15:57

Kya indi Ruwa nahende iwikyo mwaano ichu moluinenga wuwinzi kui Mndumii odu Yesu Kristo.

1YOHANE 2:29

Mukamanya ke o ai menyi wusumhanyi, kuwutyenyi-ho imanya ke orio ose awa momanyisha wusumuhanyi wu kui iwuta lyake, o amefeo nyio.

1YOHANE 3:9

Orio ose alefeo nyi Ruwa awuta wunyamaṟipfo kyamba mbeu yake ikaa nao. Nao alaidima inyamaṟa nyi kipfa nyi amfee nyi Ruwa.

1YOHANE 4:4

Nyo, wana, mupaṟikye ko Ruwa mulemmaa iwinza waikimbi. Kipfa ichu akeri nanyo nyi ang'anyi kota ichu ai kunu wuyana mulemmaa iwinza waikimbi-wo wa wongo.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.

1YOHANE 5:18

Luichi ke oṟyo amfee nyi Ruwa awuta wunyamaṟipfo. Kya indi ichu amfee nyi Ruwa akuringa amonyi, na mbicho aimpayapfo.

1YOHANE 5:5

Mmbinzi mowinza wuyana-wu nyi-wu, shila nyi ichu aidikye ke Yesu ai Mana o Ruwa?

OTAMBAHALUO LO YOHANE 12:11

Wana wa wama wadu wamembinza kui samu ya Kidahina ki na kui dedo lya wuṟingishi wowo, kipfa walawekukundi wawenyi shika opfu.

OTAMBAHALUO LO YOHANE 15:2

Ngawona kundo kuwake nduwa njiharami iwaa sa ii-njilongye modo. Ngawona na walya wekuwutya-ho iwinza ipfo indonyi lilya ma mfanonyi folyo na itale-hu lilya lyalyo wo wawehoṟoki ipfo nduwehu iya njiharami wawerie mawuda hekapya-ho shiimbo hai ha Ruwa.

OTAMBAHALUO LO YOHANE 2:11

Ichu awode madu naicho iki Mumuyo aiwia siṟi tsi. Sa wechiwinga wechiwawiṟo nyi opfu lo kawipfo.

OTAMBAHALUO LO YOHANE 2:17

“Ichu awode-madu naadanye iki Mumuyo aiwia siṟi tsi.” Sa wechiwinga njechiwainenga manna iya ii-njiṟike njiwewainenga na kiho kii kiili pang'a kii kiṟehyo rina lyihya. Ma kulaipfo alimanya chila walya weliambya.

OTAMBAHALUO LO YOHANE 2:26

Wawinzi; na walya wechikuwada na shilya njikundi itane mainutsyonyi nyi njechiwatana wanene wa wandu wa msaṟakambo. Ee da njechiwainenga pfinya iya iya ndeambia ko wande.

OTAMBAHALUO LO YOHANE 2:7

Ichu awode madu naicho iki Mumuyo aiwia siṟi tsi. Sa wechiwinga njechiwaenenga wawe molya ndunda tsa ikidi lilya lyende moo likeri ipfo mhundenyi fo Ruwa.

OTAMBAHALUO LO YOHANE 3:12

Walya wechiwinza nyi njechiwamtana ngo tsa ipfo Hekalunyi lya Ruwa oko wechiwukapfo manyalepfo. Na inyi njechirehya huya yawo rina lya Ruwa oko na rina lya mṟi fo Ruwa oko, nyi Yerusalemu iya njihya yechisoka iwukye ipfo ruwehu ko Ruwa oko, Njechiṟehya-ho na rina lyako lilya lihya.

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.

OTAMBAHALUO LO YOHANE 3:5

Wawinzi nyi wudo wechiṟiko nguwo njiili. Na marina hawo njechihaangatsa kitapunyi kya moopfo. Na inyi njechiwaṟingishia ke nyi wako oshangunyi lo Wande oko na oshangunyi lo wamalaika wake.’