1YOHANE 5:20 - Bibilia Kui Mdedie fo Kimochi

²⁰ Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

1YOHANE 5:20 ပူးပေါင်းရင်းမြစ်များ

YESAYA 44:6

Mndumii, Mangi o Israeli, mkiṟa opfo, Mndumii menyi Matoṟito nahamba adi, “Inyi nyi Mawokioonyi na Inyi nyi moinutsia; ngoseṟa yako kuwodepfo ma kuwode Ruwa ungipfo.

YESAYA 54:5

Kipfa ichu alekuumba nyio mii opfo; Mndumii menyi Matoṟito nyilyo rina lyake; na Mwele o Israeli nyio mkiṟa opfo; O nyi echilaho nyi Ruwa o wuyana wose.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

YEREMIA 23:6

Kiidi kya mkonu yake, Yuda nechikiṟo na Israeli nechikaa kipuo, na rina lyake echilaho nyi ili, ‘Mndumii nyi wulohi wodu.’”

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

LUKA 21:15

Kipfa ipfo madumbunyi hanu nyi inyi njechimbikia-pfo madedo ha wuṟango, na iwo wemkaṟuo wose, wechidima ihakaṟuo ma ihakanapfo.

LUKA 24:45

Nahong'u katambaṟuo wuṟango wulya wowo wakatamuo mṟeho iya mwele.

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 10:30

Inyi na wande lui wamu.”

YOHANE 14:20

Mkonu fulya ili fochishika ni mochimanya ke inyi njii-mlunge na Wande oko nanyo muiwalunge na inyi, na inyi njii-mlunge nanyo.

YOHANE 14:23

Yesu kahalwo kambia “Mndu kakaa-ho anjikundi nyi idedo lyo lyako echiliringa, nawo Wande chu oko echimkunda naso nyi lochicha ikaa koke.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 14:9

Adi Yesu kambia, Filipo kiheri ki kyose ngamekaa nanyo na iyo kulanjimanye? Ichu amenjiwona inyi ammaa iwona Wande. A kyawa kida ili ohamba, keluloṟe-wo Wande chu?

YOHANE 15:4

Kyekaenyi-ho mochilungana na inyi na inyi njiwekaa-ho njilunganyi nanyo. Kikawa chando iṟamba lilechidima iwika ndunda lii kyanya kyalyo lilakulungye na msabibu, nanyo na wudo da mochiidama iwika ndunda mulakulungye na inyipfo.”

YOHANE 17:14

Inyi njiwalimye idedo lyo lyapfo na wuyana wu wukawasuo kipfa walakeri na wa kipaṟika kya wuyana wu chando nao inyi njilakeri o kipaṟika kya wuyana wu.

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 20:28

Toma kahalwo kambia, “Hoi Mndumii oko. Hoi Ruwa oko!”

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

WAROMA 9:5

Na waku walya na wawo, na ipfo kowo Kristo achee apaṟikye kowo ili amefeo mndu, nyio Ruwa mokaa huya-shose moichimbiṟo mlungana. Amenyi.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAEFESO 3:18

Kundu mukuidimye necha hamu na wandu wose wa Ruwa imanya wulandari wokyo na wuleshe na wo-huye na wo-shi.

WAFILIPI 3:9

Njishike ikoyo njii nao, njilai na wusumuhanyi womba woko wuwewukie wuwawasonyi kya indi njii na iwu wohendewa kui wuidiki woidikya Kristo, nyiwo wusumhanyi wowiko nyi Ruwa ipfo kiwanje-hu kya wuidiki wulya.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

TITO 2:13

Lochiweda kiwedyo kilya kiende macha ngesa kya iwoneka lya wuitoṟi wo Ruwa ichu mnene amonyi nyio mkiṟi odu Kristo Yesu.

WAEBRANIA 1:8

Indi kya Mana nyi kii-le, “Loṟika lopfo, hoi Ruwa, luikaa maheri halunganyi, na msenge fo wuhoṟotsu mfo msenge fo wumangi wopfo.

1YOHANE 2:23

Orio ose mokana Mana ma akuwode na Wandepfo. Mokihamba Mana nyio na Wande akuwode nao.

1YOHANE 2:24

Lilya mulemwicho lya mawokyonyi likae nanyo. Lilya momeliicho lya mawokyonyi likakaa nanyo nyi mochikaa na Mana na Wande.

1YOHANE 2:6

Mokihamba ke akaa ai msanze nao kimbaṟi nawe mohendekya mhendekye fumu na fulya a monyi awefuhendekye.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.

1YOHANE 4:16

Natso lomemanya mkundye fu Ruwa alukundi nafo lukawefuidikya. Ruwa nyi ikunda motsinda echikaa mkundyenyi-fu nyio awa mokaa na Ruwa na Ruwa awa mokaa nao.

1YOHANE 4:2

Kimwenengya imanya Mumuyo o Ruwa kiwe kii-le, ke orio Mumuyo ose awa mohamba Yesu Kristo amcha kui nyama nyio apaṟikye ko Ruwa.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.

1YOHANE 5:15

Na kokooya luichi ke nyi ailuicho kya kilya luimterewa nyi lowuta-ho imanya ke shiterewo shilya lulemterewa nyi lushiwode.

1YOHANE 5:18

Luichi ke oṟyo amfee nyi Ruwa awuta wunyamaṟipfo. Kya indi ichu amfee nyi Ruwa akuringa amonyi, na mbicho aimpayapfo.

1YOHANE 5:5

Mmbinzi mowinza wuyana-wu nyi-wu, shila nyi ichu aidikye ke Yesu ai Mana o Ruwa?

OTAMBAHALUO LO YOHANE 15:3

Wakaimba kiimbo kya Mose awei singa lya Ruwa wakaweimba kiimbo kya kidahina ki wehamba, “Mawuto hapfo, Hoi Mndumii, hoi Ruwa Menyi-pfinya tsose, hai manene haṟihishye. Njia tsapfo, hoi Mangi ya mkambo ya wandu, tso tsiende mdumbuye isumhanyi tsimanyishye kilya kii-lohi.

OTAMBAHALUO LO YOHANE 19:11

Ngameambuo, ngawona ruwehu kuṟuhukye. Ngawona frasi njiili pang'a na ichu adamye mhongo-hu foyo amlahe nyi “Mhendeli” na “Mokiilohi.” Nyio ekedumbuo mdumbuye mdumbuye isumhanyi na iira shida kyayo.

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.

OTAMBAHALUO LO YOHANE 6:10

Nawo wakalaha na ṟu lying'anyi wehamba, Hoi Mndumii Mwaapfinya mwele mokilohi, mṟasa indi ochikaa kulaanduya wa wuyana-wu iwataya kiṟache kya samu yadu ngesa?